Anons

26-09-2018, 19:05 - Qadın və kişi həvəskar velosipedçilər arasında "Dövlət Müstəqillik günü"-nə həsr edilmiş Respublika açıq birinçiliyi keçiriləcəkdir

22-09-2018, 13:00 - Havanın temperaturu 2-4 dərəcə aşağı enəcək - XƏBƏRDARLIQ

27-08-2018, 12:52 - TƏCİLİ - Körpə balaların Azərbaycan xalqının dəstəyinə ehtiyacı var

21-08-2018, 01:36 - Vətəndaş Lütvəli Babayevin qanunsuz əməlindən Fazil Mustafayevin xəbəri olub olmadığın soruşur

14-08-2018, 12:48 - Sel Zaqatala və Balakəndə küçələri dağıdıb, sahələri məhv edib - VİDEO

11-08-2018, 22:31 - SON DƏQİQƏ: Azərbaycanda bu kəndlərlə əlaqə kəsildiyindən əhali helikopterlərlə ərazidən çıxarılır - VİDEO

14-07-2018, 13:18 - Ekologiyamıza qənim kəsilənlər və Muxtar Babayevin susqunluğu nədən xəbər verir? - VİDEO/FOTO

13-07-2018, 16:42 - ŞOK! ŞOK! At oğrusu və müdhiş korrupsiya iddiası - SHXÇDX-də nələr baş verir?

3-07-2018, 14:10 - NAR ABUNƏÇİLƏRİNİN NƏZƏRİNƏ

3-07-2018, 05:43 - Baş verən böyük qəza ilə bağlı son məlumat - rəsmi

2-07-2018, 14:54 - Cavid Qurbanovun Bakı Dairəvi yolunda 13 min tonluq metal biznesi - Şok faktlar...

19-06-2018, 08:31 - Kolxozdan gələn gömrük generalının ziyanlı islahatı və müəmmalı keçmişi - Səfər Mehdiyev kimdir?

5-06-2018, 09:15 - Amerikanın qorxulu “Böyük Ermənistan” projesi - SENSASİON İDDİA

18-05-2018, 09:49 - Sayt əməkdaşı baş həkimə qarşı böhtan atdığı üçün işdən azad edilib

18-05-2018, 09:28 - Laçın rayonunun işğalından 26 il ötür

10-05-2018, 17:06 - Eldar Mahmudov və generalları bu şəxsin başına min oyun açdı - ŞOK FAKTLAR ÜZƏ ÇIXARDI

7-05-2018, 10:14 - Dövlət qulluğuna qəbul olmaq istəyənlər üçün test mərhələsi üzrə təkrar sınaq imtahanı keçiriləcək

1-05-2018, 15:45 - Müşfiq Rəhimovun ailəsində ağır itki baş verib

20-04-2018, 09:55 - SON DƏQİQƏ Toyda partlayış - Azı 13 yaralı

18-04-2018, 09:19 - “Formula-1” yarışı ilə bağlı Bakının mərkəzi yollarında hərəkət məhdudlaşdırılacaq

9-04-2018, 17:28 - İşsiz və evsiz olan xanım müəllim, “Uşaqlarımı oxuda bilmirəm”

7-04-2018, 01:13 - Azyaşlı şagirdin məktəb direktoru ilə intim videosu qalmaqal yaradıb

2-04-2018, 10:12 - Düşmən atəşkəs rejimini 98 dəfə pozub

30-03-2018, 14:27 - Bakı Gömrük İdarəsinin rəisi, gömrük generalı Vusal Novruzov rəhbərlik etdiyi sahədə ən kiçik çatışmamazlığa...

19-03-2018, 08:28 - İctimai vəkil Koroğlu MMC-in qondarma ittihamı ilə bağlı ölkə başçısına müraciət etdi

13-03-2018, 17:35 - Sumqayıtda milyonlar hara və kimlərin cibinə gedir?

10-03-2018, 20:11 - AQC-nin yeni sədri Nüsrət İbrahimov seçilib

10-03-2018, 18:24 - Zərrabçılar Qeyri Hökümət Təşkilatını ələ keçirdi - Aynur Camalqızının QHT missiyası nədir...?

Paylaşılan materialı nə zaman silməli?

Tarix:18-02-2018, 00:24 Baxış Sayı:446

Paylaşılan materialı nə zaman silməli?

Ülkər NATİQQIZI

Bu yaxınlarda Azərbaycanın media orqanlarından birinin Türkiyədə fəaliyyət göstərən “Palmali” Şirkətlər Qrupunun rəhbəri Mübariz Mənsimovdan eksklüziv müsahibə alaraq onu yayımlaması, daha sonra elə həmin gün heç bir səbəb bildirmədən silməsi məsələsindən yəqin ki, insanların çoxu agahdır.

Müsahibədə Mənsimov onun haqqında mediada yayılan yanlış məlumatlarla bərabər Azərbaycan Dövlət Neft Şirkəti (SOCAR) ilə arasında olan problemlərə də toxunaraq bildirirdi ki, onun şirkətinə məxsus tankerlər SOCAR-ın zavoduna buraxılmır.

Müsahibə silinəndən bir müddət sonra qarşı tərəfin, yəni SOCAR-ın açıqlamasının dərc olunduğunu qeyd etmədən yazıya davam etmək olmaz. Buna baxmayaraq dərc olunan və sonra silinən müsahibə digər saytlar tərəfindən də paylaşılaraq daha çox oxucuya çatdı, yəni müsahibənin silinməsi artıq heç bir əhəmiyyət daşımırdı.

Bəs material hansı səbəbdən silindi? Səhv, yoxsa qərəz?

Beynəlxalq təcrübəyə baxan zaman bu cür halların tanınmış media qurumlarında da baş verdiyini müşahidə edə bilərik. Hər hansı bir material paylaşılır və daha sonra silinir. Amma hansı səbəbdən və necə?

Paylaşıldıqdan sonra silinən materiallara aid bir neçə misal çəkəcəyim üçün onları 3 hissəyə bölmək istəyirəm: silinən köşə yazıları, araşdırmalar və müsahibələr.

Silinən köşə yazıları. Bu kateqoriyaya misal olaraq Türkiyənin köşə yazarı Mövlud Tezelin “Qarabağ” futbol klubunun oyunu zamanı azarkeşlər tərəfindən hazırlanan plakatı “Futbol tarixində ən əzik və ən gülməli xoreoqrafiya bu olsa gərək” adlandıraraq tənqid etdiyi yazını göstərmək olar. Azərbaycanlı və türkiyəli oxucuların sosial şəbəkələr vasitəsilə etdikləri kəskin tənqidlərdən sonra köşə yazısı rəhbərlik tərəfindən qəzetin saytından silindi və məsələ yazı müəllifinin azərbaycanlı oxuculardan üzr istəməsi ilə sonlandı.

Oxşar hadisə iyun ayında dünyanın tanınmış media qurumlarından olan “The Sunday Times” qəzetində də baş verib. Köşə yazarı Kevin Mayers yazısında BBC-nin iki qadın aparıcısının yəhudi olduqları üçün yüksək məbləğdə maaş aldıqlarını bildirərək onları aşağılayan yazı dərc edib. Yazı qalmaqala səbəb olduğu üçün “The Sunday Times”in rəhbərliyi Kevinin yazısını saytdan silərək köşə yazarını işdən uzaqlaşdırdığını və dərc olunan məqaləyə görə üzr istədiyini bildirdi.

Kanada Jurnalistlər Birliyinin jurnalist etikası kodeksində deyilir ki, media qurumunda yüksək dərəcəli redaktorlardan başqa heç kim paylaşılan materialın silinməsinə qərar verə bilməz. Amma yenə də Mənsimovun müsahibəsinin silinməsində ortaya suallar çıxır. Mənsimov kimi tənqid və yaxud təhqir etmişdi? Həm də bu yazı müsahibə idi, köşə yazısı yox.

Silinən araşdırmalar. Növbəti kateqoriyada isə bu yaxınlarda CNN-də baş verən qalmaqalı misal göstərmək olar. Rusiyanın İnvestisiya Fondunun ABŞ prezidenti Trampın komandası ilə əlaqəsini ortaya çıxaran yazı CNN-in saytından silinib. Nəticədə bu yazını hazırlayan və üzərində işləyən üç jurnalist CNN-dən istefa verərək işdən uzaqlaşıb. CNN-in rəhbərliyi açıqlamasında yazının onların standartlarına cavab vermədiyi üçün silindiyini bildirsə də, baş verən hadisə bir çox media qurumunu “fake news” (saxta xəbər) adlandıran Amerika prezidenti Tramp üçün əla şərait yaratdı və Tramp öz Twitter hesabında CNN-i saxta xəbər yayan media qurumu adlandırdı: “CNN Rusiyaya aid dərc edib paylaşdığı məqaləni saytından silərək 3 işçisini bu səbəbdən istefa verməyə məcbur edib. Bəs hazırladığınız digər saxta materiallar necə? Saxta xəbərlər!”

Silinən müsahibələr. Sonuncu və bizim mövzuya yaxın hadisə isə 2013-cü ildə Vatikanda baş verib. “La Repubblica” onlayn qəzeti Papa Fransisklə olan müsahibəni bir neçə saatdan sonra saytdan silib. Silinməyə səbəb kimi rəhbərlik müsahibədə bəzi xırda səhvlərin olduğunu bildirib. Vatikanda olanlar üçün bəlkə də bu normal hadisədir, çünki müsahibə verən onların müqəddəs Papasıdır, tanınmış iş adamı yox.

Göstərilən 4 real nümunənin hər birində Azərbaycandakından fərqli olaraq açıqlama verilib, materialların saytdan hansı səbəbdən silindiyi oxuculara bildirilib. Amma Azərbaycanda Mənsimovun müsahibəsini dərc etməyən saytlar belə SOCAR-ın açıqlamasını yayımladı.

Mənsimov onun əleyhinə yayımlanan məlumatlardan danışarkən müsahibəsində bu cümləni işlədib: “Mənə maraqlıdır, gecə-gündüz əleyhimizə işləyən saytların rəhbərləri əllərini vicdanına qoyub necə yatırlar?”

Bu cümlədən sonra silinən müsahibənin nə dərəcədə vicdan məsələsi olub-olmadığını isə bunu edənlərdən başqa kimsə bilmir.

XƏBƏR LENTİ