Anons

14-02-2019, 16:24 - Azərbaycanda DYP tələbəyə “avtobus sürücüsü” adı ilə 5 müxtəlif cərimə yazdı - FOTOLAR

14-02-2019, 10:54 - Azərbaycanda 17 min cəriməsi olan sürücülər var- ŞOK FAKT

12-02-2019, 09:59 - İpoteka Fondu ilə banklar arasında qalmaqal – Fondun rəhbərliyilə bağlı ŞOK iddialar…

11-02-2019, 11:26 - Ramil Usubov bu rayona rəis müavini TƏYİN ETDİ

11-02-2019, 11:20 - Qaradağ rayon 4 saylı uşaq xəstəxanasında “bazar qaydaları” dəhşətli görüntülər - VİDEO FOTO

8-02-2019, 18:21 - Bir xəyanətin hekayəsi... - Yaxud Orduxanlarla Aynur Camalı nə və ya kimlər bağlayır?!

7-02-2019, 21:02 - Respublika Klinik Xəstəxanasında ciddi qanun pozuntuları... - VİDEOFAKT

7-02-2019, 10:20 - Yasamal Bələdiyyəsində yaşananlar: Zakir Cəfərov qurumu dolandırmağı bacarmır

6-02-2019, 11:47 - “Əzizbəy KM” -MMC vətəndaşın 77000 min manatını mənimsəyərək onu evsiz qoyub - VİDEO

5-02-2019, 11:29 - Azərbaycanın "şanlı" məmuru Saleh Məmmədovun 22 yaşlı milyoner oğlu - FOTOFAKT

5-02-2019, 08:48 - “Metalistlər” ölkə başçısına necə yalan danışırlar? - Müstəqilliyimizə endirilmiş dəmir yumruq

4-02-2019, 09:43 - “Azərsu”ya qarşı şok iddia: “20 ədəd kanalizasiya quyusunun əvəzinə, cəmi 5 ədəd…” - VİDEO

4-02-2019, 08:59 - Adı MTN işində hallanan klinika rəhbəri TƏBİB-ə sədr gətirilir…

4-02-2019, 08:57 - KİVDF qərarını geri oxuyur – qəzetlərin maliyyələşməsi davam edəcək

31-01-2019, 20:10 - Vətəndaşın talandığı məkan – Müşfiq Rəhimovun rəhbərlik etdiyi QİŞ

28-01-2019, 16:22 - Polis tərəfindən təqib edildiyini iddia edən vətəndaş ABŞ şəfirliyinə müraciət edib

15-01-2019, 16:56 - Hakimlər Qarabağ qazisini intihara sürükləyir...? - Saxta sənəd hazırlayan...

9-01-2019, 12:38 - Baş prokuror Zakir Qaralov 6 rayonun sakinlərini qəbul edəcək- Şamaxıda

8-01-2019, 13:25 - BAŞ HƏKİM ŞƏLALƏ SƏFƏROVA XƏSTƏNİ İNTİHAR HƏDDİNƏ ÇATDIRIB...?

29-11-2018, 10:42 - Hadı Rəcəbli yenə dilinin bəlasına düşüb - “143 manata normal bir ay yaşamaq olar”

30-10-2018, 16:33 - Səbail rayonuna yeni icra başçısı təyin edildi

29-10-2018, 10:28 - Zəngilanın işğalından 25 il ötür

25-10-2018, 10:05 - Azərbaycan nefti 78 dollara satılır –İki dollardan artıq ucuzlaşma var

23-10-2018, 10:48 - AMEA-nın Elmi Mərkəzi Kitabxanasında nə baş verir? – Tort kəsilir, şadyanalıq edilir

26-09-2018, 19:05 - Qadın və kişi həvəskar velosipedçilər arasında "Dövlət Müstəqillik günü"-nə həsr edilmiş Respublika açıq birinçiliyi keçiriləcəkdir

22-09-2018, 13:00 - Havanın temperaturu 2-4 dərəcə aşağı enəcək - XƏBƏRDARLIQ

27-08-2018, 12:52 - TƏCİLİ - Körpə balaların Azərbaycan xalqının dəstəyinə ehtiyacı var

21-08-2018, 01:36 - Vətəndaş Lütvəli Babayevin qanunsuz əməlindən Fazil Mustafayevin xəbəri olub olmadığın soruşur

Səlim Müslümovun intihara sürükləyən ‘‘VEMTAS’’ sistemi - Ağsu rayon sakinlərinin çıxılmaz sosial durumu

Tarix:19-02-2018, 16:02 Baxış Sayı:4 143

Səlim Müslümovun intihara sürükləyən ‘‘VEMTAS’’ sistemi - Ağsu rayon sakinlərinin çıxılmaz sosial durumu


Bu günlərdə sosial şəbəkələrdə media vasitələrində səsli-küylü intihar cəhdləri yer almaqda davam edir. Bunlardan biridə məhz Sosial Azərbaycan Respublikasının Əmək və Əhalinin Sosial Müdafiəsi naziri Səlim Müslümovun yaratdığı sistemin verdiyi fəsadlardır – desək yanılmarıq. Ötən günlərdə ünvanlı sosial yardım almaq istəyən region əhalisinin etdiyi müraciətləri nəzərə alsaq ölkənin hər tərəfində yaradılan narazılıqlar sanki qarşıdan gələn seçkilərə maneələr yaratmağa hesablandığını düşünməyə vadar edir. Seçki ərəfəsində Ölkə rəhbəri İlham Əliyevin göstərişləri məhz məmurların elə bir iş üslubunda işləməlidirlər ki, xalq hakim dairələrdən incik getməsin ifadələri ilə gündəmə səs küy saldı. Prezidentin verdiyi fərmanlar və tapşırıqlar məhz xalqın rifahının dahada yaxşılaşdırılmasına yönəlik olsada bəzi nazirliklər bu göstərişləri qulaqardı etməklə göstərilən etimadın doğrultmadıqlarını açıq aşkar göstərməkdədirlər. Söhbət açacağımız məsələ məhz Azərbaycan Respublikasının Əmək və Əhalinin Sosial Müdafiəsi nazirinin regionda fəaliyyət göstərən idarələrindəki özbaşınalıq və dərəbəyliklə bağlı olacaqdır. Sosial media üzərində apardığımız araşdırmalarda Səlim Müslümovun kadırlarının sözün əsil mənasında desək Prezidentə xəyanəti ilə bağlıdır. Ölkə rəhbərinin tapşırıqların icra etməyən, özündən qanun kəşf edən məmur elə xəyanət etmiş sayılmalıdır. Hamının da bildiyi kimi, Azərbaycan Respublikası Demokratik dövlətdir və bu dövlətin idarə edilməsi isə konstitusiya ilə tənzimlənir. Milli Məclisin qəbul etmədiyi Prezidentin imzalamadığı qanun icra edilə bilməz və edilirsə artıq dövlətçilik prinsiplərinə qarşı çıxmaqdır.

Dəfələrlə media və sosial şəbəkələr vasitəsi ilə nazirlərin regiondakı keçiriləcək görüşləri barədə məlumatlar dərc edilməkdədir. Amma bu görüşlərə kimlərin hansı yolla buraxılacağı, görüşdən sonra nələrin baş verməsi gizli saxlanılır. Əmək və Əhalinin Sosial Müdafiəsi nazirliyinin Ağsu, Kürdəmir rayon DSMF rəhbərlərinin qanunsuz qərarları rüşvət tuğyanı bitmək bilmir. Bütün bunlara baxmayaraq Nazir susqunluğu ilə tamaşa sərgiləməkdə davam edir. Əhalini korrupsionerlərlə üz-üzə qoyaraq sükunətini qorumaqdadır. Kürdəmir rayon sakinlərinin mediaya etdikləri şikayətdə DSMF-nin Kürdəmir rayon şöbəsinin müdiri İlkin İbrahimov kimə xidmət edir? Başlıqlı yazıdanda göründüyü kimi 50/50 prinsiplərinə yiyələnən bu məmur artıq nə nazirini nədə ölkə qanunlarını tanımır. Onun şərtlərinə razılıq verən şəxslər həm pensiyasını düzəldib əldə edir həmçinində ünvanlı sosial yardımla bağlı heç bir problem yaşamır. “Şirinlik” edən İlkin İbrahimov saxta yollarla əlilik alverindən tutmuş sosial yardım biznesinə qədər yüksəlib. Kürdəmirdə icra başçısının özünə verə bilmədiyi rahatlığı məhz İ.İbrahimov şəxsi imkanları ilə krallar kimi yaşamaqdadır. Müəssisəyə rəhbər keçən gündən əldə etdiyi qeyri-leqal mal-mülkün sayını itirən İlkin İbrahimov DSMF-nin babalarından ona qalan miras kimi idarə etməkdədir. Dövlət müəssisəsinin görünüşü Binə yarmarkasından heçnə ilə fərqlənmir - desək yanılmarıq. Məsələ ilə bağlı qarşı tərəfi dinləməyə hər zaman hazırıq.

Eyni halın baş verdiyi Ağsu rayonu da acınacaqlı durumdadır. Lakin DSMF-nin Ağsu rayon şöbəsində qanunun aliliyi qorunmur. Ona görə də rayon sakinləri bu cür şəxslərin tamahkarlığının qurbanına çevrilirlər. Etibarlı mənbələrin verdiyi məlumata görə, şöbə müdiri qanunsuz əməlləriylə dövlət büdcəsinə də ziyan vurur. Qanuna əsasən təqaüd almaq hüququ olmayan şəxslər də rəhbərliyi görəndən sonra təqaüd ala bilirlər. Lakin qanunla təqaüd almalı olan şəxslər isə bundan kənarda qalırlar. Bu həmin sakinlərin rəhbərliyin maraqlarını təmin etməməsindən irəli gəlir.Vətəndaşları incidirlər, sənədlərdə lazımsız səhvlər çıxarmağa çalışırlar. Vətəndaşları get-gələ salırlar.Ta ki, vətəndaşdan nəsə qoparmasalar işini yola qoymurlar. Bizə verilən məlumata görə, şöbə müdiri vətəndaşlarla kobud rəftar edir. Əksər vaxtlarda problemli vətəndaşları qəbul etmir.

Ağsu Rayon DSMF müdiri olan Seyidməmməd Məmmədovun əməllərində heçdə şəffaflıq müşahidə edilmir. O öz çirkin niyyətlərində Altay adlı əməkdaşını ön plana çəkərək idarədə açıq aşkar bazar açıb. Altayda nə Altay, maşallah bıçağının dalıda kəsir qabağıda. Rayonda elə qondarma işlər yoxdur ki, onun orda barmağı olmaya. S.Məmmədovun vəzifə səlahiyyətlərini aşaraq VEMTAS sisteminə müdaxilə etmək bacarığı da diyəsən qeybdən verilən vergidir. Bu vergisi sayəsində Ağsu və qonşu rayonda məşhur VEMTAS müdaxilə ustadı kimi tanınmaqdadır.

Səlim Müslümovun yaxın qohumu olduğu iddia edilən Altay tendemi ağsululara qorxuluq kimi təqdim edilərək vətəndaşların idarəyə yaxınlaşmasının qarşısı belə yollarla alınır. DSMF-nin rəsmi internet saytına da nəzər saldıqda görünür ki Pirhəsənli kənd sakinlərindən başqa heç bir rayonda o qədər yüksək sosial müavinət alan ailələr yoxdur. Bütün göstəricilərinə nəzər saldıqda imkanlı şəxslərin ünvanlı sosial yardım alması mümkünsüz olsada Pirhəsənli kəndində bu müşkül sayılmır.



Qeyd edək ki, 2007-ci ilin iyulun 13-də DSMF-nin Ağsu rayon şöbəsi özünün yeni, yaraşıqlı binasına köçüb. İndiyə kimi darısqal, normal iş şəraiti olmayan yararsız binada yerləşən şöbə bundan sonra çağdaş tələblər səviyyəsində qurulmuş yeni tikilidə fəaliyyət göstərəcək deyə qeyd edilib. Yeni binanın açılış mərasiminə DSMF sədri Səlim Müslümov, Ağsu rayon İH-nin başçısı Əflatun Rufiyev və rayon ictimaiyyətinin nümayəndələri qatılıblar. O zaman olan şəxslər indi yoxdur yerində olanlar isə idarəni sanki ticarət palatasına çeviriblər. Keçirilən o möhtəşəm səs-küylü tədbirin bu günkü durumu isə göz qarşısındadır. Düz 11 il ötür amma nə faydakı 11 illik müddətdə dəyişən sadəcə rüşvətin miqdarı olmaqla yaddaşlara yazılıb.

P.S. Bütün bunlardan bir nəticə çıxarmaq mümkündür ki, Səlim Müslümovun VEMTAS-a müdaxilənin mümkünsüzlüyü ilə bağlı dediyi sözlər yalandır. Əgər bir şeyi ki, insan icad edir, necə ona müdaxilə mümkünsüz ola bilər. Yaradan yaratdığını istədiyi kimi idarə etmək səlahiyyətinə malik olduğunu ən axmaq adam belə bilir. Bu gün yerli DSMF idarələrində edilən müdaxilələr elə məhz nazirlikdən olan kontaktların hesabınadır.

Mövzuya qayıdacağıq...!
Qarşı tərəfin mövqeyin dinləməyə hazırıq.

BakuNews.az

XƏBƏR LENTİ