Anons

19-06-2018, 11:31 - Kolxozdan gələn gömrük generalının ziyanlı islahatı və müəmmalı keçmişi - Səfər Mehdiyev kimdir?

5-06-2018, 12:15 - Amerikanın qorxulu “Böyük Ermənistan” projesi - SENSASİON İDDİA

18-05-2018, 12:49 - Sayt əməkdaşı baş həkimə qarşı böhtan atdığı üçün işdən azad edilib

18-05-2018, 12:28 - Laçın rayonunun işğalından 26 il ötür

10-05-2018, 20:06 - Eldar Mahmudov və generalları bu şəxsin başına min oyun açdı - ŞOK FAKTLAR ÜZƏ ÇIXARDI

7-05-2018, 13:14 - Dövlət qulluğuna qəbul olmaq istəyənlər üçün test mərhələsi üzrə təkrar sınaq imtahanı keçiriləcək

1-05-2018, 18:45 - Müşfiq Rəhimovun ailəsində ağır itki baş verib

20-04-2018, 12:55 - SON DƏQİQƏ Toyda partlayış - Azı 13 yaralı

18-04-2018, 12:19 - “Formula-1” yarışı ilə bağlı Bakının mərkəzi yollarında hərəkət məhdudlaşdırılacaq

9-04-2018, 20:28 - İşsiz və evsiz olan xanım müəllim, “Uşaqlarımı oxuda bilmirəm”

7-04-2018, 04:13 - Azyaşlı şagirdin məktəb direktoru ilə intim videosu qalmaqal yaradıb

2-04-2018, 13:12 - Düşmən atəşkəs rejimini 98 dəfə pozub

30-03-2018, 17:27 - Bakı Gömrük İdarəsinin rəisi, gömrük generalı Vusal Novruzov rəhbərlik etdiyi sahədə ən kiçik çatışmamazlığa...

19-03-2018, 11:28 - İctimai vəkil Koroğlu MMC-in qondarma ittihamı ilə bağlı ölkə başçısına müraciət etdi

13-03-2018, 20:35 - Sumqayıtda milyonlar hara və kimlərin cibinə gedir?

10-03-2018, 23:11 - AQC-nin yeni sədri Nüsrət İbrahimov seçilib

10-03-2018, 21:24 - Zərrabçılar Qeyri Hökümət Təşkilatını ələ keçirdi - Aynur Camalqızının QHT missiyası nədir...?

7-03-2018, 18:58 - Çılpaq qadınların fotolarını çəkdi - Səbəbinə inanmayacaqsız + VİDEO

28-02-2018, 14:22 - Dövlət orqanlarının Qaynar xətt nömrələri

19-02-2018, 19:02 - Səlim Müslümovun intihara sürükləyən ‘‘VEMTAS’’ sistemi - Ağsu rayon sakinlərinin çıxılmaz sosial durumu

18-02-2018, 02:34 - DTX-dan əməliyyat: "Rəis" tutuldu

5-02-2018, 11:42 - ''Azərbaycan Avtomobil Yolları'' Dövlət Agentliyi Babək prospektində Ziya Məmmədovun ənənəsini davam edir...VİDEO/FOTO

31-01-2018, 03:31 - Qəssab köməkçisi necə restoranlar sahibi oldu?

29-01-2018, 18:41 - Qarabağda ermənilər bir-birini güllələyir

29-01-2018, 18:03 - Fəxrəddin Zeynalovun fəaliyyətindən Prezident İlham Əliyevə - Şikayət

22-01-2018, 14:09 - MTN-Milli Məclisdəki daha bir "yadigarı" - Ağalar Vəliyev...

10-01-2018, 18:47 - Yaşıllaşma adı altında tikilən villalar – HACIBALA ABUTALIBOV KİMİ ALDADIR?

9-01-2018, 13:52 - Musiqi məktəblərində maaşlar 70% kəsilib - Müəllimlər səsin çıxarmasın... ÖDƏYƏCƏYİK! AUDİOYAZI

ADİU-nun müəllimi Baş prokurordan kömək istəyir - Adları işdə,özləri xaricdə olan müəllimlərin məvacibini kimlər mənimsəyib?

Tarix:8-06-2018, 13:31 Baxış Sayı:95

ADİU-nun müəllimi Baş prokurordan kömək istəyir - Adları işdə,özləri xaricdə olan müəllimlərin məvacibini kimlər mənimsəyib?

Azərbaycan Dövlət İqtisad Universiteti ilə bağlı bəzi saytlarda və digər KİV-də yayılan informasiyalar bir daha təsdiqlədi ki,bu təhsil ocağı ilə bağlı fikir birmənalı deyil , o cumlədən ”inkişaf” adı altında dəyişən daha çox Universitetin obreviaturasının UNEC-lə əvəzlənməsidir.

Eləcə də ,2015-ci il ödənişli təhsil sektorundan ADİU-nun bank hesabına daxil olmuş 25 milyon manatın “yoxa çıxması”ına dair mətbuatda yer almış fikirlərin özü belə bu ali məktəblə bağlı müəyyən qaranlıq mətləblərdən xəbər verir.Bu məbləğin Universitetdə çalışan müəllimlərin məvacibində artıma səbəb olmaması isə artıq narazılıq yaradan məsələlərdəndir ki,hazırda etiraz səsləri ucalmağa başlayıb.

ADİU-nun bir sıra saytlarda “reklam”ı,bir neçə millət vəkilinin bəlağətli fikirləri,bəzi təhsil ekspertlərinin bu ali məktəbi dünya miqyaslı Universitetlərlə “müqayisə”si ,görünür, heç də həqiqəti əks etdirmirmiş. Hətta,bəzi baş redaktorların orada keçirilən sessiya imtahanlarına “telefon başında şahidlik etmələri”belə görüntü xatirinə imiş.Yəni ,bir müddət əvvəl səsləndirilən “Dövlət İqtisad Universitetinə təyin edilən rektor ciddi islahatlar aparır.Bununla da Universitetin nüfuzunu yüksəldir” fikri əslində həqiqətdən uzaq şəxsi istək və arzudan irəli gəlmiş ifadə kimi başa düşülməlidir.

Bir müddət əvvəl,Azərbaycan Dövlət İqtisad Universitetinin müəllimi Zərifə Mansurovanın KİV-lər vasitəsilə video- müraciəti də bir çox mətləblərə aydınlıq gətirir. Sözügedən müraciətdə Z.Mansurovanın haqsız yerə işdən çıxarılmasından, habelə ADİU-da baş verən müxtəlif qanunsuzluqlardan söz açılır:

“Mənim 36 illik pedaqoji stajım var.Təqaüdə çıxmağıma 4-5 il qalıb. Belə bir vaxtda məni ixtisar adı ilə işdən azad ediblər. Ancaq sonradan yerimə “Tərcümə Mərkəzi”nin bir əməkdaşını işə götürüblər. Bu necə ola bilir? Uzun illər pedaqoji sahədə çalışan, təhsil sisteminin incəliklərini, metodikasını bilən bir şəxsi işdən kənarlaşdırırlar, ancaq onun yerinə təhsil sahəsindən uzaq, daim tərcümə ilə məşğul olan adamı işə götürürlər.Nədir maraqları?

Bundan əlavə, necə olur ki, bizim kafedrada şərqşünas, türkoloq ixtişaşına malik olanlar rus dili müəllimi kimi işdə saxlanılır, ancaq sırf rus dili mütəxəssisi olduğum halda mən ixtisara salınıram”.

Zərifə Mansurova üzləşdiyi haqsızlığın səbəbini aydınlaşdırmaq məqsədilə rektor Ədalət Muradovun qəbuluna düşmək istəsə də, buna nail ola bilmədiyini deyib: “Mən dəfələrlə rektorun qəbuluna getmişəm. Lakin görüşmək mümkün olmayıb. 2 dəfə də Təhsil Nazirliyində olmuşam. Oradan da məni rektorun qəbuluna göndəriblər. Ancaq yenə də heç nə alınmayıb. Rektorun ətrafı, xüsusən də prorektorlar görüşə imkan verməyiblər”.

Z.Mansurova müəllimlər arasında necə ayrı-seçkilik edilməsi ilə bağlı maraqlı fikirlər səsləndirib: “Bir neçə il əvvəl ADİU-da diferensial əmək haqqı tətbiq edildi. Ancaq bu məsələ mənə aid edilmədi. Belə ki, mənim dərs proqramımı qəbul etmədilər. Bu söhbət düz 5 il çəkdi. Yalnız mən işdən çıxarılandan sonra həmin dərs proqramı təsdiq edildi. Onu da deyim ki, vaxtilə maaşlar qalxan kimi məni yarımştata keçirdilər ki, sonda da əmək haqqım cəmi 315 manat oldu.

ADİU-nun müəllimi bir sıra digər faktları da açıqlayıb: “Çox acınacaqlı haldır ki, kafedrada müəllimlər 2 yerə bölünüb. Yalnız rəhbərliyə yaxın, özlərinin marağında olan müəllimlər irəli çəkilib. Diferensial əmək haqqı da onlara tətbiq edilib. Hətta, bu məqsədlə bəzi müəllimlərin adına başqa müəlliflərin əsərləri yüklənib. Sertifikatlar da özlərinə yaxın müəllimlərə verilib”.

Z.Mansurovanın açıqladığı bir məsələ isə xüsusi narahatlıq doğurur və ADİU-da baş verənlərin əsl mahiyyətini ortaya qoyur: “36 ildə bircə gün icazəsiz işdən qalmadığım halda məni işdən çıxardan universitet rəhbərliyi çox qəribədir ki, xaricdə yaşayan bir sıra şəxsləri işlə təmin edib.Əslində isə onların adları var, özləri yox. Onlar kağız üzərində kafedranın iclaslarında iştirak edən kimi gösərilir. Lakin həmin şəxslər nə kafedranın iclaslarında iştirak edir, nə də dərs keçirlər. Dərs zamanı onları rəhbərliyə yaxın müəllimlər əvəz edir. Bir neçə min manatlıq maaşlarını da bankomatlardan həmin şəxslər çıxarırlar.

Əgər müşahidə kameralarına baxış keçirilsə, onda xaricdə, misal üçün Londonda yaşayan şəxslərin əvəzinə ADİU-nun auditoriyalarında dərslərə hansı müəllimlərin girdiyini, eləcə də bankomatlardan pul vəsaitlərinin kimlər tərəfindən çıxarıldığını müəyyən etmək olar?”

Z.Mansurova bütün bu məsələlərə hüquqi qiymət verilməsi üçün Baş prokuror Zakir Qaralova müraciət edərək onun işə qarışmasını və aparılacaq araşdırmaları şəxsi nəzarətə götürməsini xahiş edib.

Göründüyü kimi,İqtisad Universitetində "ölü canlar"ın müasir formasının tətbiqindən tutmuş,dostbazlıq,qohumbazlıq,yerlibazlıq kimi hallar adi hala çevrilib.

ADİU-da baş verən saxtakarlıqlardan söz düşmüşkən, bir məsələni də xatırlatmaq, yəqin ki, yerinə düşər. Belə ki, sabiq rektor Şəmsəddin Hacıyevin vaxtında tələbələrin 4500-dən (dörd min beş yüz) artıq kəsir sayı olub. İndi sual olunur: O qədər kəsirə görə neçə nəfər ADİU-dan xaric edildi, ümumiyyətlə, belə bir hal oldumu? O qədər kəsir hansı yollarla, hansı şərtlərlə aradan qaldırıldı, diplomlar nələrin hesabına verildi?! Çox güman ki, bütün bu suallar rektor Ədalət Muradov tərəfindən cavabsız qalacaq. Necə ki, bir neçə il əvvəl ADİU-da 9 müəllim tərəfindən bir həftə ərzində 620 min manat rüşvət yığılması məsələsi ört-basdır edildi. Həmin vaxt Ə.Muradov cəmi 3 nəfəri işdən azad etməklə işini bitmiş hesab etdi. Əgər onun bu işlərdən həqiqətən xəbəri yox idisə, niyə prokurorluğa müraciət edib, məsələnin ətraflı araşdırılmasını tələb etmirdi?!

Son günlər isə ADİU-nun adı daha bir biabırçı hadisə ilə bağlı mediada, sosial şəbəkələrdə müzakirə hədəfinə çevrilib.KİV-lərdə yazılanlara görə , universitetin mətbuat katibi Vüsal Şərifov kabinetində bir xanım müəllimlə əxlaqsızlıqla məşğul olarkən mühafizə xidmətinin əməkdaşları qapını sındıraraq içəri daxil olub və sonra baş verənlərlə bağlı rektora məlumat veriblər.

Ə.Muradovun bu məsələ ilə bağlı atdığı addım isə hər kəs tərəfindən təəccüblə qarşılanıb. Belə ki, xanım əməkdaş işdən qovulub, Vüsal Şərifov isə mükafatlandırılıb – yəni, yeni yaradılan bir departamentə direktor təyin edilib – maaşı da 3000 manat.Belə çıxır ki, bütün günah xanım əməkdaşda olub.

Gerçəkdən də əsl rəzalətdir. Hər zaman ADİU-nu göylərə qaldıran, reklam edən təhsil ekspertləri, saytlar isə susurlar. Nə oldu, niyə susursunuz. Yoxsa, elə bilirsiniz, qar yağdı, kalafalar örtüldü?

Bəlkə, Ə.Muradovun xeyir-duası ilə bəzi həmkarlarımızın universitetdə doktoranturaya qəbul edilməsi bu cür susqunluğa səbəb olub?

Nəhayət,onu da xatırladaq ki, bir müddət əvvəl rektor Ə. Muradovun doktorluq dissertasiyası və professor diplomları ilə bağlı yaranan məlum qalmaqallı söhbətlər də ADİU-nun kollektivi arasında əməlli-başlı şok effekti yaratmışdı.Hazırda bu məsələ məhkəmə predmetidi. Belə ki, Ə. Muradov rektor təyin olunan vaxta,yəni 5 mart 2014-cü ilə qədər elmlər doktoru kimi tanınsa da,ona yalnız 26.12.2014-cü ildə AAK tərəfindən iqtilsad elmləri doktoru adı verilib. Onun doktorluq dissertasiyasını 1998-ci ildə Ukraynada müdafiə etməsinə rəğmən müəyyən problemlər səbəbindən diplomunu ala bilməməsi , 16 ildən sonra bu ada Azərbaycanda layiq görülməsi söz-söhbətə səbəb olub.

Bu azmış kimi, rektorun elmlər doktoru elmi dərəcəsi almazdan əvvəl professor adına layiq görülməsi də pedaqoji kollektiv,elmi ictimayyət arasında,sosial şəbəkələrdə,instaqram səhifələrində böyük müzakirələrə səbəb olub. Belə ki, Ə.Muradov 2002-ci ildə keçmiş İqtisadi İnkişaf Nazirliyində işlədiyi müddətdə həm də Prezident yanında Ali İdarəçilik Akademiyasında dərs deyib. O 21.11.2014-cü ildə professor adına layiq görülsə də, bundan əvvəl 10 ilə yaxın müddətdə yarım ştat professor məvacibi alıb. Məhdud bir vaxtda,özü də ardıcıllığın pozulması ilə iki ada sahiblənmək təbii ki, müəyyən söz-söhbətlərə yol açıb. Burada hər kəsi düşündürən incə mətləb ondan ibarətdir ki, Ə.Muradov rektor təyin olunduqdan 8 ay sonra əvvəl professor, ardınca isə doktor adını necə alıb? (Faktinfo)

Həsrət Gündoğan

XƏBƏR LENTİ