Anons

Haqqımızda Əlaqə

 Neftçala şəhər bələdiyyəsinin sədri kimə arxalanır?

Tarix:7-03-2016, 01:10 Baxış Sayı:517

 Neftçala şəhər bələdiyyəsinin sədri kimə arxalanır?


Ötən yazılarımızda Neftçala rayonu Maliyyə idarəsinin rəisi Rəşid Manafov ətrafında baş verən hadisələr barədə məlumat vermişdik.

Bir daha nəzərinizə çatdıraq ki, rayonun Maliyyə İdarəsində ciddi nöqsanlar və bu kimi qanunsuzluqlar qeyd edilməklə yanaşı dövlətin vəsaitini məlum olmayan istiqamətə yönəldəcək faktlar aşkarlanır. Əslində bütün özbaşınalıqlar göz önündədir.

Əfsüslər olsun ki, rayonda biznesimen kimi tanınan Rəşid Manafovun rəhbər olduğu idarə yoxlanılmır. Dövlətin ayırdığı əmək haqqı ilə rayon avtovağzalının yanındakı mebel seхi, Neftçala bazarındakı məişət evi, rayonun mərkəzində fəaliyyət göstərən ticarət mərkəzləri, tikinti-quraşdırma idarəsi, habelə tikintisi hələlik yarımçıq qalmış onlarla obyekt, 100 hektarlarla əkin sahiəsi və s. əldə etmək doğrudanda inandırıcı görünmür. Bu barədə dərin araşdırmalarımız tam yekunlaşdıqdan sonra ətraflı məlumat veriləcək.

Dosye.org-a daxil olan digər məlumatda bildirilir ki, Neftçala rayon Maliyyə İdarəsinin rəisi Rəşid Manafov hərəkətə keçərək, baçısı oğlu Aydın Aslanovu Neftçala şəhər bələdiyyəsinə sədr təyin etdirib.

Və bundan sonra rayonda dayı- baçıoğlu iş birliyi böyük biznes sahələrini ələ keçirməklə nətiçələnib. Rayondan verilən məlumatlara görə R. Manafov icra başçı ilə “razılaşdıqdan” sonra Aydın Aslanova bələdiyyə sədri postu “hədiyyə” edilib. Dövlət tərəfindən Qarabağ əlilləri üçün ayrılmış 30 hektar torpaq sahəsi bu günədək sahiblərinə verilməyib. Bələdiyyə sədri və daysının işbirliyi nəticəsində bu torpaq sahəsi başqalarının əlinə keçib.

Mənbənin sözlərinə görə, Aydın Aslanov bələdiyyə sədri təyin olunan kimi sahibkarları hədəfə alıb. Onun ilk işi torpaq sahəsinin bələdiyyəyə aidiyyatı olmayan balıq bazarını ələ keçirmək olub. Daha sonra əvvəlki bələdiyyə sədri tərəfindən verilmiş torpaqların sahiblərinə müхtəlif vasitələrlə təzyiq etməyə başlayıb. Prezidentin bələdiyyə torpaqları ilə bağlı imzaladığı sərəncamlara məhəl qoymayan Aydın Aslanov vətəndaşları dövlətdən narazı salmaqla məşğuldur.

Hətda məlumatlarda o da vurğulanır ki, Aydın Aslanov bələdiyyə sədri seçilməsində dayısının rolu danılmaz olduğunu bildirib. Bu barədə video çəkiliş bir müddət internet saytlarında yayımlandı. Növbəti yazılarımızda Aydın Aslanovun tarpaq və balıq biznesi barədə ətraflı məlumat veriləcək. Biləcəksiniz ki, Neftçalada bələdiyyə sədri əldə etdiyi qazancın neçə faizini yuxarı dairələrə ötürür. Araşdırmalarımız davam edir...

Qarşı tərəfin mövqeyini dərc etməyə hazırıq.dosye.org

XƏBƏR LENTİ