Anons

Haqqımızda Əlaqə

Göyçayda piyadaların həyatı təhlükədədir

Tarix:30-12-2016, 17:08 Baxış Sayı:120

Göyçayda piyadaların həyatı təhlükədədir


Göyçayda piyadaların həyatı təhlükədədir. Belə ki, Göyçay şəhəri, H.Əliyev prospektində yeraltı keçid əsaslı təmir olunub, istifadəyə verilib. Lakin yeraltı keçidin girişində dəmir barmaqlıqlardan qapı quraşdırılmış, qapının ağzı isə qıfılla kilidlənmişdir. Bununlada piyadaların həyatı üçün təhlükəli vəziyyət yaranmışdır. Burada piyada əvəzinə zibil qalıqlarına rast gəlmək mümkündür. Keçidin içərisində isə siqaret kötükləri və şüşə qablarının sayı-hesabı yoxdur. Bu vəziyyətdən yalnız heyvanlar razıdır. Hansı ki, buranı özünə məskən seçmişdir.

Qanunvericilikdə Piyadalar tərəfindən yol hərəkəti qaydalarının pozulmasına, yəni nizamlayıcının işarələrinə riayət edilməməsinə görə piyadalara 20 manat məbləğində cərimə cəzası nəzərdə tutulub. Lakin bizdə vəziyyət başqadır. Əslində keçidi bağlayanlar cərimələnməlidir. Çünki İnzibati Xətalar Məcəlləsində yeraltı keçidlərdən piyadaların hərəkətinə maneələr yaradılmasına görə məsuliyyət nəzərdə tutulmuşdur.

Düzdür bəzən bu keçidlərdən istifadə etməməkdə piyadaları günahlandırırıq. Amma Göyçayda piyada keçidlərinin mövcud vəziyyətini gördükdə sakinlərin ondan istifadə etməməkdə haqlı olduğu qənaətinə gəldim.

“Yeraltı piyada keçid vasitəsilə gediş-gəliş intensivdir. Yeraltı keçidin girişində dəmir barmaqlıqlardan quraşdırılmış qapı sökülsün, imkan daxilində keçid təmir olsun, işıqladırma sistemi bərpa edilsin. Yeraltı piyada keçidə təyinatı üzrə fəaliyyət göstərməsi üçün aidiyyəti qurumlar tərəfindən nəzarət olunsun. Gecələr keçidin işıqları yanmır”, – deyə Göyçay şəhər sakinləri bildirir.

Məndən yazmaq, ümid edirəm aidiyyəti qurumlar tərəfindən yeraltı keçiddən istifadəyə qoyulmuş məhdudiyyətlər aradan qaldırılar.

Hüquq müdafiəçisi
Rahim Bayramov

/regionxeberleri.com/

Göyçayda piyadaların həyatı təhlükədədir

Göyçayda piyadaların həyatı təhlükədədir

XƏBƏR LENTİ