Anons

Haqqımızda Əlaqə

Naxçıvan-Təbriz-Tehran-Məşhəd qatarının sərnişinləri minnətdarlıq edirlər

Tarix:30-12-2016, 22:17 Baxış Sayı:165

Naxçıvan-Təbriz-Tehran-Məşhəd qatarının sərnişinləri minnətdarlıq edirlər


Dekabrın 29-da Naxçıvan-Təbriz-Tehran-Məşhəd sərnişin qatarı fəaliyyətə başlayıb. “Naxçıvan Dəmir Yolları” Məhdud Məsuliyyətli Cəmiyyətinin mətbuat xidmətindən naxcivantv.az-a verilən məlumata görə, həmin gün saat 11:00-da sərnişin qatarı ilə 57 sərnişin Naxçıvan Muxtar Respublikasından İran İslam Respublikasına yola salınıb.

Qeyd edək ki, Naxçıvan-Təbriz-Tehran-Məşhəd sərnişin qatarı həftədə 2 dəfə fəaliyyət göstərəcək. Bilet satışı Naxçıvan və Culfa dəmiryol stansiyalarında həyata keçirilir. Kupe tipli müasir sərnişin vaqonları yataq dəsti ilə təmin olunmuş və sərnişinlərin rahatlığı üçün lazımi şərait yaradılmışdır. Naxçıvandan yola düşən sərnişin qatarı 1858 kilometr məsafə qət etdikdən sonra Məşhəd şəhərinə çatır.

Qatarın ilk sərnişinləri öz təəsüratlarını əməkdaşlarımızla bölüşüblər. Sərnişinlərdən Əsli Həsənova deyib: “Əvvəllər o gözəl, müqəddəs yerləri gedib ziyarət etməyə çətinlik çəkirdik. Sağ olsun möhtərəm prezidentimiz bizə bu cür gözəl şərait yaradıb. Bələdçilər də tez-tez yaxınlaşıb bizimlə maraqlanırlar, xidmət yüksək səviyyədədir".

Arif Abdullayev isə dedi ki, əvvəllər Məşhədə, Tehrana ya da Təbrizə avtobuslarla gedəndə əziyyət çəkirdik. İndi çox gözəldi, qatar da komfortdu, bələdçilərimiz də çox gözəl qulluq edirlər. Bu sərnişin qatarı həm xidmət, həm də qiymət baxımından sərfəlidir. Bu qatar xətti həm də qonşu İrandan Naxçıvana çox sayda turistin, qonağın gəlməsinə şərait yaradacaq.

Məşhədə artıq 4-cü dəfədir yola düşən Rza İsmayılov isə deyib: "Hələ bu cür rahat şəkildə getməmişdim. Əvvəl müxtəlif avtobuslarla gedirdik, çox əziyyət çəkirdik. Bu qayğıya görə dövlətimizə minnətdarıq".

Sərnişinlərlə səmimi söhbət zamanı Gövhər İsmayılova da sevincini gizlətmədi. O dedi ki, bizə də bu gözəl şəraitdə qatarla Məşhədə yola düşmək qismət oldu. “Allah bütün arzusunda olanlara qismət etsin, gəlib bu cür gözəl şəraitdə qatarla Məşhədə yola düşsünlər”,- deyə Gövhər İsmayılova bildirdi.

“Naxçıvan-Məşhəd qatarının davamı olaraq, inşallah Naxçıvan-Bakı qatarı da açılar. Biz də paytaxt Bakımıza qatarla yola düşərik”,- deyə sərnişin Zeynəb Hüseynova qeyd edib.

Naxçıvan-Təbriz-Tehran-Məşhəd qatarının sərnişinləri minnətdarlıq edirlər

Naxçıvan-Təbriz-Tehran-Məşhəd qatarının sərnişinləri minnətdarlıq edirlər

Naxçıvan-Təbriz-Tehran-Məşhəd qatarının sərnişinləri minnətdarlıq edirlər

Naxçıvan-Təbriz-Tehran-Məşhəd qatarının sərnişinləri minnətdarlıq edirlər

Naxçıvan-Təbriz-Tehran-Məşhəd qatarının sərnişinləri minnətdarlıq edirlər

Naxçıvan-Təbriz-Tehran-Məşhəd qatarının sərnişinləri minnətdarlıq edirlər

Naxçıvan-Təbriz-Tehran-Məşhəd qatarının sərnişinləri minnətdarlıq edirlər

XƏBƏR LENTİ