Anons

19-02-2018, 16:02 - Səlim Müslümovun intihara sürükləyən ‘‘VEMTAS’’ sistemi - Ağsu rayon sakinlərinin çıxılmaz sosial durumu

17-02-2018, 23:34 - DTX-dan əməliyyat: "Rəis" tutuldu

5-02-2018, 08:42 - ''Azərbaycan Avtomobil Yolları'' Dövlət Agentliyi Babək prospektində Ziya Məmmədovun ənənəsini davam edir...VİDEO/FOTO

31-01-2018, 00:31 - Qəssab köməkçisi necə restoranlar sahibi oldu?

29-01-2018, 15:41 - Qarabağda ermənilər bir-birini güllələyir

29-01-2018, 15:03 - Fəxrəddin Zeynalovun fəaliyyətindən Prezident İlham Əliyevə - Şikayət

22-01-2018, 11:09 - MTN-Milli Məclisdəki daha bir "yadigarı" - Ağalar Vəliyev...

10-01-2018, 15:47 - Yaşıllaşma adı altında tikilən villalar – HACIBALA ABUTALIBOV KİMİ ALDADIR?

9-01-2018, 10:52 - Musiqi məktəblərində maaşlar 70% kəsilib - Müəllimlər səsin çıxarmasın... ÖDƏYƏCƏYİK! AUDİOYAZI

26-12-2017, 09:57 - Rəhim Qazıyev saxlanılıb

22-12-2017, 10:02 - Sözün bitdiyi Neftçala təhsil ocağı – 1 saylı məktəbin direktoru Ülviyyə Abdulayeva susur...

19-12-2017, 22:42 - Füzuli rayonunda Dövlət Proqramının sənədləri saxtalaşdırılıb - Prezidentin qərarını dəyişmək cəhdi ifşa edildi

1-12-2017, 08:52 - Heydər Əliyev adına liseyin müəlliməsi Prezidentə və Vitse-prezidentə - Açıq Məktub

17-11-2017, 13:57 - Heydərovların maliyyəsi ilə dəyişən zehniyyət - Aynur Camalqızı

15-11-2017, 14:48 - Saytların girişinə məhdudiyyətlər qoyulur - Vasif Paşayev

14-11-2017, 14:18 - AYNUR CAMALQIZI – BİZNESMEN XANIMI, FÖVQƏLNAZİRİN SEVİMLİSİ VƏ...

10-11-2017, 12:49 - Təhsil idarə müdirəsi muhasibi işdən azad etdi! - Yerinə oğlunun müdirinin xanımını götürdü İDDİA

10-11-2017, 09:58 - Gömrük sisteminin daha bir müəmmalı fiquru…– 38 YAŞINDA DİPLOM ALAN GENERAL

5-11-2017, 19:22 - Gürcüstan Gömrük Keçid Məntəqələrində rüşvət mexanizmi işə salındı? - ŞOK İDDİALAR

1-11-2017, 12:59 - “Az-Granata” MMC-nin konyakı daha iki vətəndaşı zəhərlədi

30-10-2017, 01:04 - Masallıda iş adamı Fəxrəddin Baxışov Azərsu ASC tərəfindən 60 min cərimələndi – Mənimsəmə faktları aşkarlanıb

30-10-2017, 00:18 - Vətəndaş Nəsirov İsmayıl Ədliyyə naziri Fikrət Məmmədova media vasitəsi ilə ŞİKAYƏT ETDİ

27-10-2017, 14:07 - Bakıda məktəb direktorunun əxlaqsız təklifi müəlliməni işsiz qoydu… – VİDEO – FOTO

26-10-2017, 09:16 - Ermənistanın blokadasına Gürcüstan da qoşulur - düşmən şokda

23-10-2017, 09:11 - Azərbaycana qarşı Gürcüstan sərhədində edilən hörmətsizlik - Qanun tanımayan qonşu GÖMRÜK keçid əməkdaşları

17-10-2017, 11:22 - İcra başçısı “fövqəlnazir”lə “Mətanət A” şirkəti arasında qalıb

16-10-2017, 09:33 - Qusarda şok olay - Polislər meşə gözətçisini xəstəxanalıq edib+FOTO

11-10-2017, 18:41 - Erməni əsgərin əlində qumbara partlayıb

“Quba məzarlığındakı sümüklərinin torpağa basdırılmasına göstəriş verənlər bu dövlətin və millətin düşmənləridirlər” - Müqəddəs Mehdiyev

Tarix:12-02-2018, 10:57 Baxış Sayı:113

“Quba məzarlığındakı sümüklərinin torpağa basdırılmasına göstəriş verənlər bu dövlətin və millətin düşmənləridirlər” - Müqəddəs Mehdiyev


Dünən “İstipress.com” saytında Quba məzarlığının tədqiqatçısı, AMEA-nın Arxeologiya İnstitutunun aparıcı elmi mütəxəsisi Qəhrəman Ağayevin hamımızı şoka salan müraciəti dərc edilib. Burada bildirilir ki, məzarlıqdakı soyqırım qurbanlarının sümükləri torpağa basdırılır.
Məncə, bu cinayətdir. Erməni daşnaklarının vəhşicəsinə qətlə yetirdiyi insanların sümüklərinin torpağın altına qaytarılması heç bir əndazəyə və ölçüyə sığmır. Onda niyə külli miqdarda vəsait xərcləyib və əziyyət çəkib sümükləri oradan çıxarmışdıq? Hər şey gözümün qarşısında baş verib. Vətənpərvər arxeoloq-alim Qəhrəman Ağayev öz yoldaşları ilə birlikdə yayın istisində və qışın soyuğunda min bir əziyyətlə, necə deyərlər, iynə ilə gor qazaraq qətliam qurbanlarının sümüklərini çıxarıb. Bütün dünyaya sübut olundu ki, 1918-ci ildə vəhşi ermənilər milli və dini mənsubiyyətindən asılı olmayaraq Quba əhalisini dəhşətli və ağlasığmaz işgəncələrə məruz qoymaqla öldürərək cəsədlərini torpağın altında gizlədiblər. Məzarlıq aşkarlandıqdan iki il sonra Azərbaycan Respublikasının Prezidenti İlham Əliyev Quba şəhərində “Soyqırım memorial kompleksinin yaradılması haqqında” sərəncam imzalayıb. Sənədi olduğu kimi təqdim edirik:

Quba şəhərində «Soyqırımı memorial kompleksi»nin yaradılması haqqında

AZƏRBAYCAN RESPUBLİKASI PREZİDENTİNİN SƏRƏNCAMI

Ötən əsrin əvvəllərində erməni-daşnak quldur dəstələrinin Azərbaycan torpaqlarında həyata keçirdikləri kütləvi etnik təmizləmə və təcavüz siyasəti nəticəsində Bakı, Quba, Qarabağ, Şamaxı, Kürdəmir, Salyan, Lənkəran və digər bölgələrdə on minlərlə günahsız azərbaycanlı qətlə yetirilmiş, xalqımıza qarşı XX yüzilliyin ən faciəli soyqırımlarından biri törədilmişdir. Təkcə Quba qəzasında 1918-ci ilin aprel-may ayları ərzində 122 kənd tamamilə dağıdılmışdır. Quba şəhərindəki kütləvi məzarlıqda soyqırımı nəticəsində hədsiz amansızlıq və xüsusi qəddarlıqla öldürülən azərbaycanlılarla yanaşı ləzgilərin, yəhudilərin, tatların və digər milli azlıqlara mənsub olan minlərlə insanların zorakılığa məruz qaldığı aşkar edilmişdir.
Erməni millətçilərinin cinayətkar əməllərinin dünya ictimaiyyətinə çatdırılması, Azərbaycan xalqının gələcək nəsillərinin milli yaddaşının qorunması və soyqırımı qurbanlarının xatirəsinin əbədiləşdirilməsi məqsədi ilə qərara alıram:
1. Azərbaycan Respublikasının Quba şəhərində «Soyqırımı memorial kompleksi» yaradılsın.
2. Azərbaycan Respublikasının 2009-cu il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Quba şəhərində «Soyqırımı memorial kompleksi»nin yaradılması üçün Quba Rayon İcra Hakimiyyətinə 1,0 (bir) milyon manat məbləğində vəsait ayrılsın.
3. Azərbaycan Respublikasının Maliyyə Nazirliyi bu Sərəncamın 2-ci bəndində nəzərdə tutulmuş vəsaitin maliyyələşdirilməsini müəyyən olunmuş qaydada həyata keçirsin.
4. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
İlham Əliyev,
Azərbaycan Respublikasının Prezidenti
Bakı şəhəri, 30 dekabr 2009-cu il № 673

“Quba məzarlığındakı sümüklərinin torpağa basdırılmasına göstəriş verənlər bu dövlətin və millətin düşmənləridirlər” - Müqəddəs Mehdiyev

Bundan əlavə, məzarlığın yaxınlığında Heydər Əliyev fondu tərəfindən memorial soyqırım kompleksi tikilmiş, qətliam qurbanlarının xatirəsinin əbədiləşdirilməsi istiqamətində ciddi addım atılmışdır. Ötən on bir il ərzində dünyanın müxtəlif yerlərindən gələn saysız-hesabsız xarici qonaqlar, jurnalistlər, beynəlxalq təşkilatların nümayəndələri və sıravi vətəndaşlarımız bu möhtəşəm abidəni ziyarət etmişdir. İndi nə baş verir? Vəhşi ermənilərin törətdiklərinin canlı şahidi olanlar bizə nə deyəcəklər? Əslində daşnak vəhşiliklərinin izlərini üzə çıxarmaqdansa onları torpağa gömürük.
Qəhrəman müəllim müraciətində yazır ki, 2009-cu ilin sentyabr ayında Azərbaycan Respublikasının Prezidenti Quba məzarlığını ilk dəfə ziyarət edəndə bu yerin şüşə örtük altında saxlanılması ideyasını bəyənmişdi. Sözügedən sərəncam da məhz bundan sonra verilmişdi.
Mən inanmıram ki, dövlət başçımızın soyqırım qurbanlarının sümüklərinin torpağa basdırılmasından xəbəri olsun. Beynəlxalq səviyyədə daşnak rəhbərlərinə, ideoloqlarına və onların havadarlarına ən tutarlı cavab verən bu şəxsiyyət belə bir işə heç vaxt razı ola bilməz. Ortalığa sual çıxır: Bəs kimdir bunu edənlər? Bəlkə məzarlıqdakı sümükləri çürümədən şüşə örtük altında saxlamaq imkanı yoxdur? Müasir texnologiyalar dövründə bu inandırıcı görünmür. Bəs onda soyqırım qurbanlarının izlərinin itirilməsinə göstəriş verənlər kimdir, onların məqsədi nədir? Cavabını tapmadığım ən böyük sual elə budur.
Mən vətənpərvər alim Qəhrəman Ağayevin səsinə səs verirəm, ona dəstəyəm. Hər bir Azərbaycan ziyalısının da borcudur ki, bu məsələyə laqeyd qalmasın. Quba məzarlığındakı soyqırım qurbanlarının sümükləri tariximizin acı qan yaddaşıdır. Bunu silmək istəyənlər dövlətimizin və millətimizin düşmənləridirlər. Başqa nə ad qoymaq olar?
Quba məzarlığı çox böyük siyasi əhəmiyyətli bir abidədir. Daşnaklarla aramızda müharibə bitməyib, hələ də şəhid veririk. Belə bir vaxtda erməni-daşnak qətliamının qurbanlarının sümüklərini yenidən torpaq altında gizlətməyin adı nədir? Qarşıdan isə 31 Mart-azərbaycanlıların soyqırımı gününün100 illiyi gəlir...

Müqəddəs Mehdiyev

XƏBƏR LENTİ