Anons

17-08-2017, 03:55 - Qubada qadını döyüb, huşsuz və yaralı halda Bakıya gətirdilər - CİNAYƏT TÖRƏDİLİB AMMA ...

16-08-2017, 13:28 - İmişli DSMF-nin əməkdaşı məndən rüşvət istədi- Babək Hüseynovla AudioMüsahibə

14-08-2017, 02:17 - Gənc əsgərlərin andiçmə mərasimi keçirilib

13-08-2017, 14:55 - Bakıda ağacları kəsib obyekt tikməyə başladılar - VİDEO

10-08-2017, 01:19 - Nazir qardaşının şirkətləri vsitəsi ilə 5.250.000 manat mənimsəyib - İDDİA

8-08-2017, 02:01 - Zaqatala RMX Leyla Seyidəliyeva sindromu davam edir... - YENİ MƏLUMATLAR

7-08-2017, 01:40 - Bakıda pul qazanmaq üçün solfet satan qızı polis şəhər mərkəzində sürüyüb - VİDEO

2-08-2017, 09:42 - Ermənilər iriçaplı pulemyotlardan da istifadə etməklə atəşkəs rejimini 135 dəfə pozub

2-08-2017, 00:30 - 'KÖLGƏ' serialına aktyor, aktrisa yığımı davam edir

1-08-2017, 00:19 - Bu vəzifədə çalışmaq istəyənlər üçün sənəd qəbulu elan edildi

29-07-2017, 02:58 - AAAF Parkda yerləşən ZİRVƏ uşaq baxçası təhlükə mənbəyidir... - ANALİZ

29-07-2017, 00:45 - Göyçayda Dövlət əmlakının oğurluq yolu ilə satılmasına göz yumulur...? - FOTOLAR

27-07-2017, 13:55 - İmişli DSMF-nin müdiri İntiqam Əliyevlə bağlı şikayətlər Səlim Müslümovdan gizlədilirmi?

26-07-2017, 03:01 - Sumqayıtda gəlin 3 uşağını atıb qaçdı: Əri onu axtarır – VİDEO

24-07-2017, 16:23 - Səbail icra hakimiyyətinin saldığı parkda ağacları kəsib, kafe salırlar - ETİRAZ

24-07-2017, 15:31 - “Güzəştli mənzil” əldə etmək istəyənlərə ŞAD XƏBƏR

21-07-2017, 18:10 - "Ərim məni əxlaqsızlıq yuvalarına aparırdı"- həbsdə olan katibənin məhkəməsi

21-07-2017, 12:05 - Azərbaycanın tanınmış şirkəti satılır

20-07-2017, 14:34 - ŞOK! Prezidentin açılışında olduğu evi Aqil Nəzərli SATDI – VİDEO MÜRACİƏT

20-07-2017, 02:23 - Oğlu maşınla adam vurmaqda ittiham olunan rəis DANIŞDI

15-07-2017, 01:33 - Gəlin və baldız uşaqlarla birgə itkin düşdü — QAXDA

14-07-2017, 23:55 - “Nar” sosial şəbəkələrdəki abunəçi sorğularında 100%-lik nəticə göstərib

13-07-2017, 12:08 - Ərdoğanın başına silah “dirəyən” rejissor tutuldu - VİDEO

12-07-2017, 11:19 - 642 vakant dövlət qulluğu vəzifəsi müsabiqəyə çıxarıldı - Naxçıvanda

11-07-2017, 16:20 - Vasif İmanovun SOCAR şefinə milyonluq hədiyyəsi narazılıq yaradıb - Rövnəq Abdullayevin Pirallahı "krallığı"

9-07-2017, 22:00 - KƏRƏM HƏSƏNOVUN IŞÇISININ RÜŞVƏT TERRORU - NƏ BAŞ VERİR?

9-07-2017, 15:19 - Abşeronu məhvə aparan idarəçilik...

8-07-2017, 22:37 - Sınaq müddətində Təhsil şöbəsinin müdiri Solmaz Rəhimovaya nədən töhmət verildi-Ağcabədidən tükürpədici məlumat

Şagirdi ilə evlənən azərbaycanlı məşhur: "Dedilər, xeyri yoxdur, qızı boşayacaq"

Tarix:21-12-2016, 10:38 Baxış Sayı:270

Şagirdi ilə evlənən azərbaycanlı məşhur: "Dedilər, xeyri yoxdur, qızı boşayacaq"


Şair ömrü sevgilərdən yoğrulur. Onların həyatı başqalarından fərqlənir. Tanınmış şair Musa Yaqubla birgə onun sevgi dünyasına baş vurduq. İlk sevgisini hələ də unuda bilməyən, xatırlayanda doluxsunan şairi söhbətə çəkdik.

Musa Yaqub sevgi hekayətini Milli.Az-a danişdi.

- Üstündən 55 il keçib, bir igidin ömrüdür, toyunuzu xatırlayırsınız?

- O günü xatırlamaq mümkün deyil. İndiki kimi yadımdadır, həyətdə mağar qurmuşduq, gecəyarısı leysan yağdı, mağar uçdu. Onda da şəhərdən toya çoxlu qonaqlar gəlmişdi. Hamısı dedi ki, bu yağışla toy olmayacaq. Çox dilxor oldum, amma tezdən duranda gördük ki, bir gün çıxıb, gəl görəsən. İndi yadımdan çıxıb, amma Bakıdan oxuyanların çoxu, şairlər, yazıçılar İsmayıllıya - doğulduğum Buynuz kəndinə gəlmişdilər.

- Yağış, su aydınlıqdır, xanımınız istədiyiniz xoşbəxtliyi sizə verə bildimi?

- 46 il bir yerdə yaşadıq. Hamı bilir ki, şair xanımı olmaq çox çətindir. Şair öz dünyasının adamı olur, bir də görürsən aylarla özünə qapılır, heç kimlə kəlmə kəsmək istəmir. Amma o, bunu bacardı.

- Sevib evlənmişdiniz?

- Yox. O qızı mənə anam məsləhət görmüşdü. Qonşu kənddə yaşayırdılar. Tanıyırdım. Hətta o qıza dərs də demişdim. Amma anama etiraz etdim, qəlbini qırmamaq üçün dedim ki, hələ evlənmək istəmirəm.

- Niyə, sevdiyiniz qız vardı?

- İlk məhəbbətim oxa dəymişdi. Sevgi insan həyatında bircə dəfə olur. İlk məhəbbətin ağrısı zaman keçdikcə insanı ağrıdır. Mən də ilk sevginin acı badəsin dadmışdım. Elə kənardan kənara alovlanırdım. Alınmadı. Anam o qızı mənə məsləhət görəndə sevdiyim qızdan ayrıldığım vaxtdan xeyli keçmişdi, amma ürəyim heç kimə yatmırdı.

- Onda neçə yaşınız vardı ki?

- 27.

- Bəs qızın?

- 17. Çox gənc idi. Amma mən həyatın acısını dadmışdım, zərbəsini almışdım.

- Sevdiyiniz qızla niyə alınmadı, birləşməyə nə mane oldu ki?

- Alınmadı də. Əslində, ilk sevgi nakam olur. Hələ eşitməmişəm ki, kimsə ilk sevgisinə qovuşsun. İlk sevgi çox erkən olur, evlənmək yaşında da olmursan. Mən o qızı görəndə elə bilirdim içimdə şimşək çaxır. Uçurdum sanki. Ümumiyyətlə, sevgi qədər insana güc, enerji verən ikinci bir stimul yoxdur. Ayaqların yerdən üzülür və göylərdə uçursan.

- O da sizi sevirdi?

- Bunu dəqiq bilmirdim. Çünki o vaxtlar indiki kimi deyildi, qaçıb qabağını kəsəsən, sözünü deyəsən. Qızı uzaqdan görəndə ayaqlarım titrəyirdi, yeriməyə taqətim qalmırdı.

- Ailə qurandan sonra o qızla qarşılaşdınız heç?

- Evliliyimdən üç-dörd il keçəndən sonra, bir dəfə qarşılaşdıq. Göycayda bir tədbirdə idim, o da orada idi.

- Onu görəndə içinizdə şimşək çaxdı?

- Şimşək çaxmadı, amma məni əsməcə tutdu. Tək deyildim, yanımda yoldaşlar vardı, özümü ələ ala bilmirdim. Bildim ki, içimdə o duyğular ölməyib.

- Qız ailə qurmuşdu onda?

- Əslində, o, məndən qabaq ailə qurmuşdu. Mən üstündən xeyli vaxt keçəndən sonra evləndim.

- Xanımınız bilirdi ki, əvvəllər sevdiyiniz qız olub?

- Yəqin ki bilirdi hər halda kənd yeriydi, eşitməmiş olmazdı. Amma neçə il bərabər ömür sürdük, bir dəfə də olsun bu barədə nə soruşmadı, nə də üzümə vurmadı. Mən o vaxt bir şeir yazmışdım. Yadıma sala bilmirəm, amma təxminən belə idi: "Boğazdan keçməyən bir tikə kimi atmaram səni". O vaxt bu şeirim "Ulduz" jurnalında dərc ediləndə çox böyük səs-küyə səbəb oldu. Famil Mehdi bu şeirə görə mənə irad tutdu. "Ulduz" jurnalının redaksiyasına gedəndə əməkdaşlara deyib ki, bu şeiri nahaq çap etmisiniz, çünki qadını alçaldan misralardır. Bunu mənə başqaları çatdırdılar. Mən ürəyimdə onunla razılaşsam da, dildə etiraf etmədim. Cavan idim, çox dərinə getmədim. Amma zaman keçdi, müdrikləşdim, bu şeiri çap etdirdiyimə görə, həqiqtən də, çox peşman oldum. Fikirləşdim ki, yazsam da, nahaq çap etdirdim.

- Əslində, ünvanlı şeir idi?

- Əlbəttə, ünvanlı idi. Bu şeiri təzə evləndiyim vaxtda yazmışdım. Elə kəndimizdə böyük söz-söhbətə səbəb oldu. Bəzi adamlar danışırdılar ki, Musa evlənsə də, xeyri yoxdur, sonradan qızı boşayacaq. Bilirdilər ki, sevdiyim qız olub, qovuşmamışam, sonradan o qız başqasına ərə gedib. Anamın məsləhəti ilə evləndiyimi də hər kəs bilirdi. Bəlkə də mən bu şeiri hisslərə qapılıb yazmışdım. Hər halda, yazsaydım da, gərək çap etdirməyəydim. O vaxt cavanlıq elədim, bəlkə də həyat yoldaşım bu şeiri oxuyub, pis olmuşdu. Ürəyində narahatlıq hissi keçirirmiş ki, vaxt gələcək, Musa məni atacaq. Yəni bir qadını bu qədər nigarançılıq içində saxlamaq, ona əzab vermək düzgün deyildi. Mən çox sonralar başa düşdüm ki, həyat yoldaşım bu şeirə görə nə qədər əzab çəkib. Şair ömrünün belə işləri də olur.

- Həyat yoldaşınız özünüzə bu şeir barədə nəsə demişdi?

- Yox deməmişdi, amma mən hiss eləyirdim ki, nəsə bilir. Qadın qəlbi həssas olur axı. Etiraf edim ki, zaman keçdi, mən o şeirə görə çox utandım.

- "Hələ ilk sevgi ilə qiyamım qalıb, Qiyamətə qədər qiyamətim var"... İlk sevginizi çox tərif etmisiniz, bəs xanımınıza necə şeir yazmısınız?

- Nə gizlədim, ilk sevgidən hələ doymamışam. Bu gün də sənə o sevgidən danışıramsa, o sevgini xatırlayıramsa, demək, mənimlədir. Ümumiyyətlə, ilklər heç vaxt unudulmur. Kimdən soruşursan soruş, ilk sevgi heç vaxt yaddan çıxmır. Xanımıma da şeir yazmışam, amma indi yadımda qalmayıb.

- Musa müəllim, indiki cavanlar bir ay görməyəndə sevdiyi qızı unudur, sevgi hissləri niyə bu qədər adiləşib?

- Ürək elə həmin ürəkdir, sevən sevir. Amma bu telefonlar, texnika cavanların duyğularını da robotlaşdırıb. Bizim vaxtımızda bu kənddən o kəndə sevdiyimiz qızı görməyə gedərdik. Qar-yağış, boran-şaxta, qorxu-hürkü bilməzdik, gözümüzü qan örtərdi, sevgimizə görə ölümə getməyə hazır idik. Qızı uzaqdan görəndə həyəcandan əsim-əsim əsərdik. Oğlanlar sevgililərinə məktub yazardılar, həsrətlə o məktubun cavabını gözləyərdilər. İndi darıxmağa macal da qalmır. Telefonla məktublaşırlar, nə hiss qalır, nə də həyəcan. İnsan insan üçün darıxmalıdır, həsrətini çəkməlidir. Onuna birdən yazır ki, səni sevirəm. Sevgi ürəyə yazılır, oradan da qana-cana hopur.

- Həyat yoldaşınız dünyasını dəyişəndən sonra həyatınızda nə dəyişdi?

- Qadınsız həyat çox çətindir. O, mənə yalnız həyat yoldaşı deyildi, həm də dost, sirdaş idi. Uşaq kimi nazımı çəkirdi. Ağrılarımı mənimlə bərabər yaşayırdı. Onsuz mənə çox çətindir. Hərdən fikirləşirəm və çox pis oluram. Bəzi məqamlarda onu incitdiyimə görə əzab çəkirəm.

- İndi sevgi şeirləri yazırsınız?

- Şeirlərim boya-başa çatdığım Buynuz kəndində doğulur. Xatirələrimin beşiyi oradır axı. Demək olar ki, bütün yayı orada keçirirəm. Gedəndə yadıma keçmiş günlər düşür, xatirələrim məni silkələyir, şeirlər doğulur o xatirələrdən. Məni yaşadan yazılarımdır. Amma son vaxtlar səhhətimlə əlaqədar halım yaxşı olmur. Şeir yazanda çox həyəcanlı oluram. O dərəcədə ki, təzyiqim yüksəlir. Elə bilirəm bu an mənə nəsə olacaq.

XƏBƏR LENTİ