Anons

17-08-2017, 03:55 - Qubada qadını döyüb, huşsuz və yaralı halda Bakıya gətirdilər - CİNAYƏT TÖRƏDİLİB AMMA ...

16-08-2017, 13:28 - İmişli DSMF-nin əməkdaşı məndən rüşvət istədi- Babək Hüseynovla AudioMüsahibə

14-08-2017, 02:17 - Gənc əsgərlərin andiçmə mərasimi keçirilib

13-08-2017, 14:55 - Bakıda ağacları kəsib obyekt tikməyə başladılar - VİDEO

10-08-2017, 01:19 - Nazir qardaşının şirkətləri vsitəsi ilə 5.250.000 manat mənimsəyib - İDDİA

8-08-2017, 02:01 - Zaqatala RMX Leyla Seyidəliyeva sindromu davam edir... - YENİ MƏLUMATLAR

7-08-2017, 01:40 - Bakıda pul qazanmaq üçün solfet satan qızı polis şəhər mərkəzində sürüyüb - VİDEO

2-08-2017, 09:42 - Ermənilər iriçaplı pulemyotlardan da istifadə etməklə atəşkəs rejimini 135 dəfə pozub

2-08-2017, 00:30 - 'KÖLGƏ' serialına aktyor, aktrisa yığımı davam edir

1-08-2017, 00:19 - Bu vəzifədə çalışmaq istəyənlər üçün sənəd qəbulu elan edildi

29-07-2017, 02:58 - AAAF Parkda yerləşən ZİRVƏ uşaq baxçası təhlükə mənbəyidir... - ANALİZ

29-07-2017, 00:45 - Göyçayda Dövlət əmlakının oğurluq yolu ilə satılmasına göz yumulur...? - FOTOLAR

27-07-2017, 13:55 - İmişli DSMF-nin müdiri İntiqam Əliyevlə bağlı şikayətlər Səlim Müslümovdan gizlədilirmi?

26-07-2017, 03:01 - Sumqayıtda gəlin 3 uşağını atıb qaçdı: Əri onu axtarır – VİDEO

24-07-2017, 16:23 - Səbail icra hakimiyyətinin saldığı parkda ağacları kəsib, kafe salırlar - ETİRAZ

24-07-2017, 15:31 - “Güzəştli mənzil” əldə etmək istəyənlərə ŞAD XƏBƏR

21-07-2017, 18:10 - "Ərim məni əxlaqsızlıq yuvalarına aparırdı"- həbsdə olan katibənin məhkəməsi

21-07-2017, 12:05 - Azərbaycanın tanınmış şirkəti satılır

20-07-2017, 14:34 - ŞOK! Prezidentin açılışında olduğu evi Aqil Nəzərli SATDI – VİDEO MÜRACİƏT

20-07-2017, 02:23 - Oğlu maşınla adam vurmaqda ittiham olunan rəis DANIŞDI

15-07-2017, 01:33 - Gəlin və baldız uşaqlarla birgə itkin düşdü — QAXDA

14-07-2017, 23:55 - “Nar” sosial şəbəkələrdəki abunəçi sorğularında 100%-lik nəticə göstərib

13-07-2017, 12:08 - Ərdoğanın başına silah “dirəyən” rejissor tutuldu - VİDEO

12-07-2017, 11:19 - 642 vakant dövlət qulluğu vəzifəsi müsabiqəyə çıxarıldı - Naxçıvanda

11-07-2017, 16:20 - Vasif İmanovun SOCAR şefinə milyonluq hədiyyəsi narazılıq yaradıb - Rövnəq Abdullayevin Pirallahı "krallığı"

9-07-2017, 22:00 - KƏRƏM HƏSƏNOVUN IŞÇISININ RÜŞVƏT TERRORU - NƏ BAŞ VERİR?

9-07-2017, 15:19 - Abşeronu məhvə aparan idarəçilik...

8-07-2017, 22:37 - Sınaq müddətində Təhsil şöbəsinin müdiri Solmaz Rəhimovaya nədən töhmət verildi-Ağcabədidən tükürpədici məlumat

"Bir-biri ilə çörək yeyir, sonra ərlərini oğurlayırlar"

Tarix:24-08-2015, 00:52 Baxış Sayı:815

"Bir-biri ilə çörək yeyir, sonra ərlərini oğurlayırlar"




BakuNews xəbər verir ki, mügənni Təranə Qumral şəxsi həyatı və sənəti ilə bağlı teleqraf.com-a müsahibə verib.

- Təranə xanım, yaradıcılığınızda hansı yeniliklər var?

- Hələ ki, yaradıcılıqla məşğul olmuruq. Çünki yayda işləmək olmur. Ancaq şəhər və rayon toylarına gedirik. Təzə mahnılarımız var, inşallah sentyabrda təqdim edəcəyik.

- Toylara tez-tez gedirsiniz?

- Allah hər birimizin ruzisini bol etsin. Toy olanda gedirik. Məsələn, bu gün toydayıq, sabah da Beyləqana toya gedəcəyik. Maşallah, toylarımız var, pis deyil.

- Toydan başqa gəlir mənbəyiniz varmı?

- Xeyr, biznesimiz yoxdur.

- Təranə xanım, Musa bəylə sevginizdən danışmağınızı istərdik. Özünüzü əsrin “Leyli və Məcnun”u hesab etmisiniz...

- Bəli, insan gənc yaşlarında bir-birini daha çox sevir. İndi ailə, uşaq var. İnsan nə qədər yaşa dolsa da sevgi azalamır, bir-birini daha çox sevməyə başlayır. İstəmir ki, ailəsində ayrılıq olsun. Gənclikdə başa düşmədiyin və etdiyin səhvləri yaşa dolduqca etmək istəmirsən. İnsan yaşa dolduqca ailənin qədərini daha çox bilir, həmçinin Musa müəllim və mən. Biz nə qədər desək də hələ gəncik, bu, düz deyil. İnsan yaşa dolur. Maşallah, gənc müğənnilərimiz artıb və biz də yavaş- yavaş yaşlanırıq. Mən bunu qorxmadan boynuma alıram və yaşa dolmağımla fəxr edirəm. İstəyirəm ki, nəvəm, ailəm yanımda olsun. Allah hamıya qocalıq qismət etsin.

- Yaşa dolmaq haqqında danışırsınız, amma yaşınızı göstərmirsiniz. Bu nə ilə bağlıdır?

- Özümə xüsusi qulluq etmirəm. Gözəlliyimi sudan alıram. Təbii qidalanmaya üstünlük verirəm. Satışdakı təbii şirələri deyil, sadə su içirəm.

- Sizi tamaşaçılar qara saç rənginizlə qəbul etmişdi. Son vaxtlar saçınızı sarı rəngə boyadınız. Pərəstişkarlarınız necə qarşıladılar?

- Uzun müddət idi ki, saçımın rəngi qara olub. Düzdür, gənclik vaxtlarımda saçımın rəngi qırmızımtıl, sarışın da olub. Uzun müddət qara rəngə üstünlük verdim. Saçımı saraltmağımın səbəbi imic dəyişikliyi etmək idi. Mənə elə gəlir ki, bu saçla da bəyənirlər. Düşünürəm ki, bu saç rəngi daha yaxşıdır.

- Musa müəllimlə sevginizdən danışdınız. Necə düşünürsünüz, yaş artdıqca sevgi hörmətə çevrilə bilərmi?

- İnanın ki, bu yaşda sevgi daha çox olur. İnsan əvvəl biri-birini yaxşı başa düşmür, qısqanclıq və s. kimi hallar yaşayır. Bu yaşda insan bir-birinə on əlli sarılır ki, birdən nə isə olar, baş ağrısını belə ciddiyə almağa başlayır. Amma gənc yaşlarında baş ağrısı olanda deyirsən ki, heç nə olmaz. İndi adam qorxmağa başlayır ki, birdən təzyiq qalxa bilər.

- Gözəl xanım olmağınız sizə həyatda mane olmayıb ki?

- O qədər olub ki... Gözünüzün qarşısındayam da. Qısqananlar, qarayaxanlar çoxdur. Ən əsası da gözəl görünüşə görə çox paxıllıq edənlər olur. Bir var ki, anadangəlmə gözəl olasan, biri də var, sonradan əməliyyatla, doğrama yolla gözəlləşəsən. Düzü, mən özümü o qədər də gözəl hesab etmirəm. Həmişə deyirəm ki, ürəyimin gözəlliyi üzümə vurub. Mən anadangəlmə gözələm. Həmişə qadınlar da, kişilər də gözəlliyimi qısqanıblar ki, Musanın yanında belə gözəl xanım var.

- Qarayaxanlarla necə mübarizə aparırsınız?


- Onlarla heç cür mübarizə aparmıram, etdiklərini Allaha həvalə edirəm. Allahım onlarla mübarizə aparacaq, inşallah. Ümumiyyətlə, onlara əhəmiyyət vermirəm. Kim nə deyir, desin. İnanın ki, o insanlar mənim üçün əhəmiyyətsizdirlər. Məni gözü götürmədiklərinə görə “cırmaxlamağa” çalışırlar. Mən varamsa, yaşayıramsa, geyinib-gecinirəmsə, balalarım, yoldaşım yanımda xoşbəxt yaşayıramsa, onlara niyə fikir verməliyəm? Mən rəfiqəmin ərindən uşaq dünyaya gətirməmişəm ki, fikir edim. Rəfiqəsinin ərindən uşaq dünyaya gətirənlər, bir-biri ilə çörək yeyib, sonra ərlərini oğurlayanlar düşünsün. Mənim nə vecimədir. Şükür Allaha, balalarım göz qabağındadır, iki qızımı ərə vermişəm, üç nəvəm var, yoldaşım yanımdadır. Adamlar var ki, həyatda kimlər üçün isə yaşayırlar. Ay filankəs belə dedi, o gördü və s. Mən həyatımı içimdən gələn kimi yaşayıram. Ətrafdan kimsə filan sözü dedi, saçımın sarı yaxud da qara rəngə boyanması kiminsə xoşuna gəlmədi və s. kimi hallara fikir vermirəm. “İnstaqram” səhifəmdə yazırlar ki, saçını qara rəngə boya, sarı rəng yaraşmır. Mənim öz dünyagörüşüm var və ona uyğun hərəkət edirəm . Geyimlərimi və Musanın geyimlərini mən seçib alıram. Bəzən deyirlər ki, Musa sənin haqında xoşagəlməz sözlər danışdı və niyə onunla bir yerdə yaşayırsan? Çünki Musanı əlimin içi kimi tanıyıram, ürəyini çox gözəl bilirəm. Yaşadığım insanın necə adam olduğunu bilirəm.

- Bir müddət əvvəl Musa müəllimlə sizin münasibətinizdə xoşagəlməz hadisə yaşandı. Musa müəllimi çox gözəl tanıdığınız üçün bu problemlərin öhdəsindən gəldiniz?

- Musa çox sadəlövh insandır, ürəyi, qəlbi təmizdir. Ona ətrafdan təsir göstərmək çox asandır. Kimsə gəlsin ona bir söz desin, tez inanacaq. Amma mən gözüm görməyən heç bir şeyə inanmıram. Bir də görürsən ki, mənə jurnalist zəng edib deyir ki, filankəs sənin haqqında filan məlumatı danışdı. Əvvəlcə deyirəm ki, mən oxuyum, sonra sənə cavab verəcəm. Düşünərək danışmaq lazımdır. Əgər mən “İnstaqram” səhifəmdə birini söyürəmsə, onu da düşünərək, qəsdən edirəm. Yəni düşünmürəm ki, insan o hərəkəti başa düşmədən etdi. Mən hər şeyi bilərəkdən deyirəm və hərəkət edirəm.

- Təranə xanım, yaxın günlərdə Nazənin xanıma məhkəmədə uduzdunuz. Səbəb?


- Xeyr, məhkəməni uduzmadım. Təhqir qarşılıqlı olmuşdu. Amma məhkəmə pulu bir tərəfin ödəməsinə qərar verdi. Biz də o qərarla razılaşmadıq. Yəni, mən ona təzminat ödəməliyəm. Düşünürəm ki, mən onu, o da məni təhqir etmişdi. Necə ola bilər ki, təzminatı ancaq mən ödəyim. Apellyasiya Məhkəməsinə şikayət ərizəsi vermişəm. İnşallah, haqq yolunu tapacaq.

- Nazənin xanımla problem necə yarandı?

- O hadisələrə qayıtmaq istəmirəm. Kim nəyi haradan əldə edib, bilmirəm. Bütün şou aləmi bilir ki, mənim yoldaşım yanımdadır, 25 ildir bu insanla yaşayıram. Hər kəs də məni Musa müəllimlə birlikdə tanıyır. Dünən bir kişini qoluna taxanlar bu gün yoldaşım deyir. Mən heç vaxt belə hadisələrlə gündəmə gəlmək istəməmişəm. Hamı mənim yanımda yoldaşımı, uşaqlarımı görüb. Həyatımda qorxacağım heç nə yoxdur, hər şey göz qabağındadır.

- Musa müəllimin anası ilə münasibətiniz yaxşı deyildi. Hazırda necədir?

- Musa müəllimin anası ilə münasibətim yoxdur, mənə elə gəlir ki, ölənə qədər də olmayacaq. Musa müəllimə görə anasına hörmət edirəm. Ona görə efirdə də bildirirəm ki, o mənim qayınanamdır. Və bu sözləri Musaya hörmət olaraq qeyd edirəm. Hazırda mən elə bir yaşdayam ki, mənə nə qayınana, nə də qayınata lazımdır. Anası ilə də danışıb-danışmayacağını Musa müəllimin özü bilər. Musa məni o qədər çox sevir ki, mənə yan baxanlar da onun gözündə sıfır olur, kimliyindən asılı olmayaraq. O insanın məndən o yana sevgisi yoxdur.

- Musa müəllim emosional, əsəbi insandır. Ailənizdə münasibətlərinizi necə tənzimləyirsiniz?

- İnsan var ki, hər cüzi hadisədən qan çıxarır. Amma mən nə keçmişə, nə köhnə sözlərə qayıdan insan deyiləm. Musanı qıcıqlandıran olmasa, əsəbi insan deyil. O öz-özünə əsəbləşmir ki. Bir də görürsən ki, jurnalist özünə reklam qazanmaq üçün söz atır. Musa müəllim də qıcıqlanır. Amma o mənə nə isə bildirsə, elə yerində otuzduraram ki, heç ruhu da inciməz. Hər insanla öz dilində danışmağı bacarıram. Dəlidirsə, dəli, ağıllıdırsa ağıllı kimi danışıram. Allah maşallah, o qədər səbr verib ki, hər şeyin öhdəsindən gəlirəm. Bəlkə də ona görə heç kimə əhəmiyyət vermirəm. Dünya gözümdə heç nədir, var-dövlətim, milyonlarım ailəmdir. Allaha şükür, hər şeyim də var, heç kimin heç nəyi olmayanda mənim evim, bağ evim, maşınım vardı.

- Həyatda nəyəsə görə peşman olmusunuz?

- Xeyr, həyatda heç nəyə görə peşman olmuram. Və peşman olduğum işi görmərəm. Nə etmişəmsə, düz etmişəm.

XƏBƏR LENTİ