Anons

Haqqımızda Əlaqə

Cəmil Həsənli istefa ərizəsi yazıb, Əli Kərimli dilə tutur

Tarix:28-03-2016, 13:02 Baxış Sayı:569

Cəmil Həsənli istefa ərizəsi yazıb, Əli Kərimli dilə tutur – MİLLİ ŞURADA GƏRGİNLİK

Cəmil Həsənli istefa ərizəsi yazıb, Əli Kərimli dilə tutur

Novruz tətili günlərinin ən yadda qalan hadisələrindən biri də Milli Şurada gərginliyin müşahidə edilməsi və Cəmil Həsənliyə qarşı düşərgədaxili təzyiqlərin artması oldu.

Xalq yazıçısı Maqsud İbrahimbəyovla vida mərasimində Milli Şura sədri Cəmil Həsənlinin də iştirak etməsi müxalifət cəbhəsində narazılıqla qarşılanıb. Belə ki, Cəmil Həsənlinin bu addımı bir sıra sosial şəbəkə istifadəçilərin qınağına səbəb olub.

Facebook istifadəçilərindən Orxan Məmməd Cəmil Həsənliyə sual ünvanlayaraq, "Monitor” jurnalının baş redaktoru Elmar Hüseynov amansızcasına qətlə yetiriləndən sonra bunu sevinclə qarşılayan Maqsud İbrahimbəyovla vida mərasiminə niyə getdiyini soruşub. Ona başqa istifadəçilər də qoşulublar və Cəmil Həsənliyə qarşı ittihamlar səsləndiriblər.

Cəmil Həsənlinin özü isə bu addımına haqq qazandırıb və o, Maqsud İbrahimbəyova borcunu qaytardığını yazıb: "Bir neçə il əvvəl mənim oğlum avtomobil qəzasında həlak olanda rəhmətlik iki dəfə gəlib bizim hüzr məclisində iştirak etmişdi. Azərbaycan şəraitində xeyir-şərin borc olduğunu yəqin ki, bilirsiniz”.

Cəmil Həsənli eyni zamanda onu qınayanları bolşevizmdə günahlandırıb.

Savash.org-un əldə etdiyi məlumata görə, düşərgə daxilində Milli Şura sədrinə etimadsızlıq yaradan bu olay AXCP sədri Əli Kərimli ilə Cəmil Həsənlinin təkbətək görüşündə də müzakirə mövzusu olub. Əli Kərimli Cəmil Həsənlinin addımını anladığını, amma facebook istifadəçilərinə qarşı radikal mövqe sərgiləməyin yolverilməz olduğunu onun diqqətinə çatdırıb.

Cəmil Həsənli isə öz növbəsində Milli Şura sədrliyinin onun fəaliyyət arenasını daraltdığını önə çəkərək tutduğu postdan istefa verməyə hazır olduğunu dilə gətirib. C.Həsənlinin bu gözlənilməz bəyanatından şoka düşən Əli Kərimli isə onu dilə tutaraq fikrindən daşındırmağa çalışıb.

Cəmil Həsənli istefa məsələsində bir müddət gözləyəcəyini açıq şəkildə bəyan edərək, Milli Şuranın yeni sədrinin müəyyənləşdiriləcəyi vaxta qədər mövzuya qayıtmayacağını vəd edib. AXCP sədri isə öz növbəsində bir neçə ay ərzində məsələni həll edəcəyini boynuna götürüb.

XƏBƏR LENTİ