Anons

Haqqımızda Əlaqə

Bakıda müəllim 3-cü sinif şagirdinə "səndən iyrənirəm" dedi - İDDİA

Tarix:9-12-2016, 13:02 Baxış Sayı:117

Bakıda müəllim 3-cü sinif şagirdinə "səndən iyrənirəm" dedi - İDDİA


Bakının 123 saylı məktəbində ibtidai sinif müəllimi Kənan adlı şagirdi təhqir edib.

Bakunews.az ölkə.az-a istinadən xəbər verir ki, bu barədə sosial şəbəkədə tanınmış teleaparıcı Aytən Səfərova yazıb:

"Kəmalə adlı "müəllim" üçüncü sinif şagirdi olan Kənan adlı oğlana "səndən iyrənirəm" deyib. Özü də dəfələrlə. Kəmalə "xanım", uşaqları məktəbdən iyrəndirən sənin kimi "müəllim" adına ləkə gətirənlərdir. Ayıb olsun. İmkansız, kasıb ailə uşağına köynəyinin rənginə görə "iyrənirəm" söyləyirsən".

Əməkdaşımız məsələylə bağlı sözügedən müəllimlə əlaqə saxlayıb. Kəmalə Quliyeva iddiaları təkzib edib:

"Qətiyyən elə söz olmayıb. Dəfələrlə o uşağın nənəsinə demişəm ki, uşağın üstünü təmiz saxlayın. Məktəbə o cür çirkli paltarla uşaq gətirmək olarmı? Uşağa da, nənəsinə də demişəm ki, bu formada məktəbə gəlməzlər. Kənanın anası onunla ümumiyyətlə maraqlanmır, atasını dəfələrlə çağırmışam. Atası maşınla məktəbin qapısına da gəlib. Demişəm, atanı gördüm, maşınla qapıya gəlir, onu çağır, sinif rəhbəri kimi onunla söhbətim var. O uşaq bu il ərzində cəmi 1-2 dəfə məktəbə gəlib. Özündən başqa bacı-qardaşı da var. Onlar haqda dəqiq danışa bilmərəm, amma baxanda bilinir ki, natəmizdirlər. O uşaq dərs oxumur, gündəliyinə yazıram ki, hazır deyil. Kənan məktəbə də gəlmir. Müəllim güzəştə gedir, hörmət edir. Amma müəllimə qarşı belə etmək doğru deyil".

XƏBƏR LENTİ