Anons

15-01-2019, 16:56 - Hakimlər Qarabağ qazisini intihara sürükləyir...? - Saxta sənəd hazırlayan...

9-01-2019, 12:38 - Baş prokuror Zakir Qaralov 6 rayonun sakinlərini qəbul edəcək- Şamaxıda

8-01-2019, 13:25 - BAŞ HƏKİM ŞƏLALƏ SƏFƏROVA XƏSTƏNİ İNTİHAR HƏDDİNƏ ÇATDIRIB...?

29-11-2018, 10:42 - Hadı Rəcəbli yenə dilinin bəlasına düşüb - “143 manata normal bir ay yaşamaq olar”

30-10-2018, 16:33 - Səbail rayonuna yeni icra başçısı təyin edildi

29-10-2018, 10:28 - Zəngilanın işğalından 25 il ötür

25-10-2018, 10:05 - Azərbaycan nefti 78 dollara satılır –İki dollardan artıq ucuzlaşma var

23-10-2018, 10:48 - AMEA-nın Elmi Mərkəzi Kitabxanasında nə baş verir? – Tort kəsilir, şadyanalıq edilir

26-09-2018, 19:05 - Qadın və kişi həvəskar velosipedçilər arasında "Dövlət Müstəqillik günü"-nə həsr edilmiş Respublika açıq birinçiliyi keçiriləcəkdir

22-09-2018, 13:00 - Havanın temperaturu 2-4 dərəcə aşağı enəcək - XƏBƏRDARLIQ

27-08-2018, 12:52 - TƏCİLİ - Körpə balaların Azərbaycan xalqının dəstəyinə ehtiyacı var

21-08-2018, 01:36 - Vətəndaş Lütvəli Babayevin qanunsuz əməlindən Fazil Mustafayevin xəbəri olub olmadığın soruşur

14-08-2018, 12:48 - Sel Zaqatala və Balakəndə küçələri dağıdıb, sahələri məhv edib - VİDEO

11-08-2018, 22:31 - SON DƏQİQƏ: Azərbaycanda bu kəndlərlə əlaqə kəsildiyindən əhali helikopterlərlə ərazidən çıxarılır - VİDEO

14-07-2018, 13:18 - Ekologiyamıza qənim kəsilənlər və Muxtar Babayevin susqunluğu nədən xəbər verir? - VİDEO/FOTO

13-07-2018, 16:42 - ŞOK! ŞOK! At oğrusu və müdhiş korrupsiya iddiası - SHXÇDX-də nələr baş verir?

3-07-2018, 14:10 - NAR ABUNƏÇİLƏRİNİN NƏZƏRİNƏ

3-07-2018, 05:43 - Baş verən böyük qəza ilə bağlı son məlumat - rəsmi

2-07-2018, 14:54 - Cavid Qurbanovun Bakı Dairəvi yolunda 13 min tonluq metal biznesi - Şok faktlar...

19-06-2018, 08:31 - Kolxozdan gələn gömrük generalının ziyanlı islahatı və müəmmalı keçmişi - Səfər Mehdiyev kimdir?

5-06-2018, 09:15 - Amerikanın qorxulu “Böyük Ermənistan” projesi - SENSASİON İDDİA

18-05-2018, 09:49 - Sayt əməkdaşı baş həkimə qarşı böhtan atdığı üçün işdən azad edilib

18-05-2018, 09:28 - Laçın rayonunun işğalından 26 il ötür

10-05-2018, 17:06 - Eldar Mahmudov və generalları bu şəxsin başına min oyun açdı - ŞOK FAKTLAR ÜZƏ ÇIXARDI

7-05-2018, 10:14 - Dövlət qulluğuna qəbul olmaq istəyənlər üçün test mərhələsi üzrə təkrar sınaq imtahanı keçiriləcək

1-05-2018, 15:45 - Müşfiq Rəhimovun ailəsində ağır itki baş verib

20-04-2018, 09:55 - SON DƏQİQƏ Toyda partlayış - Azı 13 yaralı

18-04-2018, 09:19 - “Formula-1” yarışı ilə bağlı Bakının mərkəzi yollarında hərəkət məhdudlaşdırılacaq

30 saylı məktəbdə özbaşınalıq: "Direktor deyir ki, imkanlı valideynlərdən istifadə elə..."

Tarix:4-01-2019, 14:50 Baxış Sayı:131

30 saylı məktəbdə özbaşınalıq: "Direktor deyir ki, imkanlı valideynlərdən istifadə elə..."

Bakı şəhəri, Binəqədi rayonu V.Əzizov adına 30 №li tam orta məktəbə yeni təyin olunan direktor institutu fərqlənmə diplomu ilə bitirmiş, 24 illik təhsil karyerasının 9 ilini cəbhə bölgəsində xidmət etmiş, 15 il isə direktor müavini kimi çalışmış müəllimin karyerasına son qoyub.

Bu barədə Qaynarinfo-ya işdən çıxarılan rus dili müəllimi və uzun illər məktəbin dərs hissə müdiri işləmiş Aygün Məmmədxanova danışıb. O, direktor Abdullayeva Rübabə Hacı qızının onu qanunsuz şəkildə işdən xaric etdiyini bildirib:

"24 illik təhsil karyeram ərzində heç bir nöqsana yol verməmişəm. Müəllimlərin diaqnostik qiymətləndirilməsində maksimum 60 baldan 50-sini, ixtisasım üzrə isə 40 baldan 37-sini yığmışam. 19 yanvar 2018-ci ildə 1 il müddətinə bizə direktor təyin ediblər. Gənc kadrdır, rəhbərlikdə səriştəsi yoxdur. Gəldiyi ilk gündən açıq-aşkar dedi ki, mən səninlə işləmək istəmirəm. Müavinlərinin hamısı yeni idi, köhnə kadrlardan qalan təkcə mən idim. Buna etirazımı bildirdim. Dediyinə görə, 8 il iş karyerası var, amma bunun 6 ilini analıq məzuniyyətində olub.

Məktəbdə rus dili fənnini tədris edən 2 müəllimdən biriyəm. Siniflər də yarımqruplara bölünür. Yəni, məktəbdə dərs saatları kifayət qədərdir. Bizdə həmçinin varislik prinsipi var. Yəni, aşağı siniflərdə şagirdlərə bu fənni kim tədris edibsə, yuxarı siniflərə çatdan da həmin sinfin dərs yükü ona verilir. Təhsil Nazirliyinin də qərarı var ki, diaqnostik qiymətləndirmədən keçən direktorlar, direktor müaviləri dərs yükü ilə təmin oluna bilər. Sentyabrda gələndə gördüm ki, dərs yükümü əlimdən alıb. Daha sonra isə vəzifə funksiyalarıma aid olan bəndlərə özündən əmr verərək, qeyri-qanuni şəkildə düzəlişlər etdi.

"DİREKTORUN 5-6 "ƏLALTISI” VAR Kİ, BÜTÜN AKTLAR ONLARIN İZAHATI ƏSASINDA TƏRTİB OLUNUB"

Seçkilər zamanı dairə seçki komissiyasının sədri ola-ola mənə göstərişlər verib, saxta aktlar tərtib edib, dərsə davamiyyəti zəif olan şagirdlərin valideynlərini üstümə qaldırıb. Dəfələrlə dərsdən yayınan şagirdlərin siyahısını təqdim etmişəm, amma əhəmiyyət verməyib. Ətrafına yığdığı 5-6 "əlaltısı" var ki, kimisi dərs yükü üçün, kimisi də övladı orda oxuduğundan direktora qeyri-qanuni işlərində köməklik göstərirlər. Barəmdə tərtib olunan şər-böhtan xarakterli aktların hamısına eyni adamlar qol çəkib. Təsərrüfat işləri üzrə direktor müavini, katibə, kiçik texniki işçi, xadimə və s.”

BAKI ŞƏHƏRİ ÜZRƏ TƏHSİL İDARƏSİ TEXNİKİ İŞÇİNİN İZAHATI ƏSASINDA 24 İLİN MÜƏLLİMİNİN İŞDƏN ÇIXARILMASINA RƏVAC VERİB

A.Məmmədxanova direktorun onun vəzifələrini qeyri-qanuni şəkildə əlindən aldığı, həmçinin dərs yükünü azaltdığı üçün Bakı Şəhəri üzrə Təhsil İdarəsinə və digər aidiyatı qurumlara müraciət etsə də, heç bir müraciətinə bağılmayıb:

"Bakı Şəhəri üzrə Təhsil İdarəsi mənim heç bir müraciətimə baxmadı. Amma texniki işçinin ərizəsi əsasında direktorun əleyhimə hazırladığı aktlara dərhal cavab verildi. Təsəvvür edin ki, izahatlar belə yazılır: "Mən kiçik texniki işçi, Həsənova Nərmin bildirirəm ki, direktor müavini Məmmədxanova Aygün öz işinin öhdəsindən gələ bilmir”.

Texniki işçinin mənim vəzifəm haqda heç bir məlumatı yoxdur, amma vəzifəmi guya icra edə bilmədiyim barədə izahat yazır. Və təəssüf ki, BŞTİ də bu izahatları dəlil kimi qəbul edir. Buna görə mənə şiddətli töhmət elan edildi. Halbuki, işçiyə öncə xəbərdarlıq, sonra töhmət, ən axırda şiddətli töhmət verilməlidir. Sonuncu xəbərdarlıqla şiddətli töhmət də əgər məktəbdə kiməsə xəsarət yetirmişəmsə, cinayət törətmişəmsə, yaxud işə sərxoş halda gəlmişəmsə və ya bütün günü işə gəlməmişəmsə və s. hallarda verilir. Lakin belə halların heç biri olmayıb”.

İŞ MƏHKƏMƏ İCRAATINDA OLA-OLA DİREKTOR MÜƏLLİMİ İŞDƏN XARİC EDİB

O, bu qanunsuzluqlarına görə direktoru məhkəməyə verdiyini və məhkəmə onun xeyrinə qətnamə çıxardıqdan sonra işdən çıxarıldığını bildirib:

"Mən həm məktəbdəki qanunsuzluğa, həm də mənə qarşı olan qərəzli mövqelərinə görə onları məhkəməyə vermişəm. Hazırda iş məhkəmə icraatındadır. Dekabrın 14-də məhkəmə qətnamə çıxardı ki, mənim dərs yüküm geri qaytarılsın və bu qətnamənin icrası da direktor Rübabə Abdullayevaya tapşırılsın. Qətnamə gələndən sonra dekabrın 18-də mən 70Ç (vəzifə səlahiyyətlətini icra edə bilməmək – red.) maddəsi ilə işdən xaric edildim. İş icraatda ola-ola işdən çıxarılmağım nə dərəcədə düzgündür? Həmçinin vəzifəmi icra edə bilmirdimsə, dərs hissə müdirliyindən xaric edərdi, nə üçün müəllim kimi də fəaliyyətimə son qoyulur? Artıq təhsil sahəsində də çalışa bilmərəm, adi müəllim kimi də fəaliyyət göstərə bilmərəm. Deməli mənim 24 illik peşə fəaliyyətim, cəbhə bölgəsindəki xidmətim, 15 illik direktor müavini işləməyim bir səriştəsiz rəhbərin güdazına getdi. Bu, bir müəllimi mənəvi cəhətdən öldürməkdir.

"ONUN ƏMR YAZMAQ, DƏRKƏNAR QOYMAQ SƏRİŞTƏSİ YOXDUR"

Guya mən Əmək müqaviləsi ilə nəzərdə tutulmuş vəzifə funksiyalarımı yerinə yetirə bilmirəm. Mənim də əlimdə Dövlət Əmək Müfəttişliyinin məktubu var. O məktubda göstərilir ki, işəgötürənlə işçi arasında bağlanmış əmək müqaviləsində hüquq pozuntusuna yol verilib. Bir halda ki, əmək müqaviləsində hüquq pozuntusu varsa, mən onu necə icra edə bilərəm?

Dövlət Əmək Müfəttişliyinin məktubu bir tərəfdə qalıb, saxta aktlar, saxta təqdimatlar əsas kimi götürülür. Bütün izahatlar, bütün aktlar da eyni məzmundadır. Guya mən işə gəlməmişəm. Fakt da odur ki, işdə olmuşam. Əgər olmamışdımsa, əməkhaqqım tutulardı. Bu haqda da mühasibatlıq şöbəsindən heç bir arayış yoxdur. Cəmi bir gün - 17 may 2018-ci il tarixdə yarım gün işdə olmamışam, onunla bağlı da polis şöbəsində olduğuma dair arayış təqdim etmişəm. Polisin arayışını da qoyublar bir kənara ki, guya üzürsüz səbəbdən işdə olmamışam və bu səbəbdən əməkhaqqım tutulub. Sual verirəm ki, həmin gün mənimlə bərabər direktor da orda idi. Bəs onun əməkhaqqı nə üçün tutulmayıb?!

Direktor nə qədər özbaşınadırsa, mənə sabiq direktorun vaxtında sənəd yığmağım üçün verilən seyfi də mən məktəbdə ola-ola laqonda ilə kəsdirib. Bu barədə polis bölməsinə müraciət etdim, lakin onun da bir nəticəsi olmadı. Dedilər ki, direktor dövlətin əmlakına müdaxilə edə bilər.

BŞTİ DİREKTORUN ÖZBAŞINALIQLARINA VƏ SƏRİŞTƏSİZLİYİNƏ GÖZ YUMUR

Əmrlərdə sənəd saxtakarlığı var. Mənə əlavə vəzifə bölgüsü verib. Bakı Şəhəri üzrə Təhsil İdarəsinin nümayəndəsi Xəyyam Fərəcov məktəbimizə gələndə ona bütün faktları göstərdim, lakin o da qərəzli münasibət göstərdi. Sənəddə yazılıb ki, mən filan-filan işləri görməliyəm. Xəyyam müəllimə dedim ki, mənimlə direktor arasında əmək müqaviləsi var. Əgər belədirsə, yenidən vəzifə bölgüsünə nə ehtiyac var? Özlərinə sərf edəndə deyirlər ki, əmək müqaviləsinə uyğun işləməlisən, etməyəndə də vəzifə bölgüsünə qabağıma qoyurlar. Məsələn, Dövlət Əmək Müfəttişliyinin təsdiqlədiyi vahid tarif ixtisas sorğu kitabçamda göstərilir ki, mən şagirdlər arasında baş vermiş hüquq pozuntularının aradan qaldırılması məqsədilə hüquq-mühafizə orqanları ilə birgə tərbiyə işini təşkil etməliyəm. Amma direktor mənim dərslərə və ya dərsdən kənar siniflərə girməyimə icazə vermir. Sinif jurnallarımız var, amma direktor tapşırdığı üçün müəllimlər dərsdə iştirak etməyənlərin qeydiyyatını aparmırlar. Elə uşaqlar var ki, onların varlığından xəbərimiz yoxdur, amma qayıblar yazılmır.

"DİREKTOR REPETİTOR YANINA GETDİYİ ÜÇÜN DƏRSLƏRDƏ İŞTİRAK ETMƏYƏN ŞAGİRDLƏRİN QEYDİYYATININ APARILMAMASI QARŞILIĞINDA, HƏMİN UŞAQLARIN VALİDEYNLƏRİNDƏN PUL ALIR"

"10-11-ci siniflərin əksəriyyəti repetitor yanına getdikləri üçün dərsdə iştirak etmirlər. Lakin onlara qayıb yazılmır. Bunun qeydiyyatını da aparanda direktor valideynləri və sinif rəhbərlərini üstümə qaldırır. Təsəvvür edin 18 kktyabr Müstəqillik Günü ilə bağlı tədbirlər keçirdiyim üçün də barəmdə idarəyə təqdimat yazılıb. Guya bunu direktordan icazəsiz etmişəm. Halbuki, bu barədə tapşırıq yuxarı təşkilatdan gəlir və direktor da bunun icrası barədə məktəbdaxili əmr imzalamalıdır”.

"DİREKTOR MÜXTƏLİF TƏŞKİLATLARIN BİLETLƏRİNİ MÜƏLLİMLƏRƏ SATDIRIR…"

A.Məmmədxanova bildirib ki, direktor məktəbdə qanunsuz şəkildə bilet satdırır:

"Hansısa təşkilat bizə biletlər gətirir ki, bunun satışını təşkil edin. Bu, qanunsuzdur. Belə olan halda bunu icra edə bilməyim üçün direktordan yazılı əmr istəyirəm. Lakin direktor deyir ki, belə bir sənəd yoxdur, amma mən deyirəmsə etməlisən. Direktorun göstərişin yerinə yetirəndə açıq-aşkar qanunu pozmuş oluram və o, sinif rəhbərlərini yığıb akta qol çəkdirir ki, guya onlara qanunsuz bilet aldırmışam, etməyəndə də əmrə qarşı gəldiyim barədə akt tərtib olunur. Bakı Şəhəri üzrə Təhsil İdarəsinin nümayəndəsi Xəyyam müəllim də mənə direktorun yazılı və şifahi əmrlərini yerinə yetirməli olduğumu bildirir.

"MƏNƏ DEYİR Kİ, İMKANLI UŞAQLARIN VALİDEYNLƏRİNDƏN İSTİFADƏ ELƏ…"

Elə mötəbər tədbirlər olur ki, onların təşkili üçün müəyyən qədər vəsaitə ehtiyac olur. Bunun üçün direktora müraciət edəndə də, deyir ki, imkanlı uşaqların valideynlərindən istifadə elə. Belə tapşırıq olar? Bu nə dərəcədə düzgündür?”

BÖYÜK SUMMATİV QİYMƏTLƏNDİRİLMƏ KEÇİRİLMİR"

"Birinci və ikinci yarımilin sonunda şagirdlərin böyük summativ qiymətləndirilməsi keçirilməlidir. Amma mənim dərs dediyim siniflərdə 10A sinifi istisna olmaqla heç birində summativ qiymətləndirmə keçirilməyib. Əslində direktorun rəhbərliyi altında komissiya təşkil olub, icra edilməlidir. Bəs bu şagirdlər necə qiymətləndirildi, onlar sinifdən sinifə necə keçdilər? O jurnalda da mənim yerimə qiymət yazılıb-yazılmadığı da bilinmir”.

XƏBƏR LENTİ