Anons

Haqqımızda Əlaqə

Bu qaxlı qadın 35 ildir ki, kişi işi ilə məşğuldur - VİDEO

Tarix:10-01-2017, 01:35 Baxış Sayı:146

Qədim zamanlardan bu günümüzə kimi gəlib çatan nalbəndliyi indi yaşadanlar barmaqla sayılacaq qədər azdır. Adətən, bu sənətlə yalnız kişilər məşğul olsa da, biz indi bu sənəti yaşadan bir ailədən söhbət açacağıq. Bu ailədə həm ər, həm də onun xanımı nalbəndliklə məşğuldur. Qadın hara, nal hara, bənd hara? - artıq deməyəcəksiz.

Bu qaxlı qadın 35 ildir ki, kişi işi ilə məşğuldur - VİDEO

ARB TV xəbər verir ki, Salahovlar ailəsinin Azərbaycanda yeganə dəmirçi ailəsi olmasını əbəs yerə demədik. Ola bilər ki, hansısa rayonda ata-oğuldan ibarət belə dəmirçi ailəsi olsun. Ancaq ömür-gün yoldaşına dayaq olaraq ağır çəkiclə incə əlləri ilə qalın dəmir parçalarını muma döndərən qadın çətin tapılsın.

Rübabə xanım 35 ildir Xanlar ustaya həm şagirdlik edir, həm də artıq bu işin ustasına çevrilib. Xanlar usta Şimal-Qərb bölgəsində nalbənd olaraq tanınır. 40 il öncə şagird kimi nalbənd Abdurəhman ustanın yanında öyrənib bu sənəti. Nalı atın ayağına vurmazdan əvvəl nalın hazırlanması da yüksək ustalıq tələb edir. Bu işi bir nəfər görə bilməz. Biri tutur, biri vurur. Sonda daş kömürün istiliyindən yumşalan dəmir parçası nal formasına düşür. Zərgər dəqiqliyi ilə hazırlanan nalların vurulmasında da elə bu dəqiqlik öz əksini tapmalıdır. Mıxlama zamanı ani bir səhv atın ayağına zədə vura bilər və at yerimə qabiliyyətini itirər.

Nal vurma təqribən yarım saat, 45 dəqiqə çəkə bilir. Bir cüt nal 7-8 manata başa gəlir. Yəni bir atın dörd nalı 15 manat edir. Çörəyini dəmirdən çıxaran Salahovlar ailəsinin yanına gələnlər kifayət qədərdir.

XƏBƏR LENTİ