BU NƏDİ BELƏ: Nazirlik bir ədəd şagird partasının təmirinə 106 manat xərcləyəcək - İcazə verin, şübhələnək...
Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi ümumi təhsil məktəblərinin istifadəsində olan şagird partası dəstlərinin təmiri ilə əlaqədar tender müsabiqəsi (Açıq tender) elan edib.
Yeniavaz.com xəbər verir ki, tender müsabiqəsinin şərtlərinə görə, qalib şirkət aşağıdakı işləri həyata keçirməli olacaq:
- 7 400 ədəd şagird partasının taxta hissələri aksesuarları ilə birgə dəyişdiriləcək;
- 1 170 ədəd şagird partasının qaynaq yerləri yenidən qaynaq olunacaq;
- 1 290 ədəd şagird partası boyanacaq.
Qeyd edək ki, ümumilikdə 9 860 ədəd şagird partasının təmiri üçün Elm və Təhsil Nazirliyi 1 milyon 49 min 36 manat 10 qəpik qiymət hesablayıb (ehtimal olunan qiymət). Açqlanan məlumatdan da göründüyü kimi, nazirlik 1 ədəd şagird partasının təmiri üçün 106,4 manat xərcləməyi planlayıb.
Əlaqə whatsapp:+994 70 402 02 85
BakuNews.az
