Baş Prokurorluğun mətbuat xidmətindən verilən məlumata görə, insan orqanlarının qanunsuz köçürülməsində təqsirləndirilən Tibb Mərkəzinin direktoru barəsində cinayət işi baxılması üçün məhkəməyə göndərilib.

Prokurorluğun rəsmi məlumatında bildirilir ki, insan orqanlarının qanunsuz transplantasiyası ilə əlaqədar Ukraynanın hüquq mühafizə orqanlarından daxil olmuş hüquqi yardım göstərilməsi haqqında müraciət əsasında Azərbaycan Beynəlxalq Universitetinin nəzdində fəaliyyət göstərmiş Tibb Mərkəzinin vəzifəli şəxsləri tərəfindən vəzifə səlahiyyətlərindən sui-istifadə edilərək donorlardan qanunsuz olaraq böyrəklərinin götürülüb əcnəbi vətəndaşlar olan resipiyentlərə köçürülməsi faktları ilə bağlı Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 308.2-ci (vəzifə səlahiyyətlərdən sui-istifadə) maddəsi ilə başlanmış cinayət işinin istintaqı yekunlaşıb.

Qeyd edək ki, fəaliyyəti dayandırılmış Azərbaycan Beynəlxalq Universitetin sabiq rektoru Elşad Abdullayev bir neçə maddə ilə Azərbaycan tərəfindən axtarışa verilib.Elşad Abdullayevin yaşadığı yer bəlli olsa da, 15 RUE ANDRE CHENIER, ERA, 91540 MENNECY, PARIS olduğu halda bu günə kimi bu yöndə heç bir təsirli addım atılmır. Qeyd edək ki, Elşad Abdullayevə Azərbaycan Respublikasının CM-nin 7 maddəsi üzrə ittiham irəli sürülüb, onun haqqında cinayət işi başlanılıb, beynəlxalq axtarışa verilib. Amma ABU-nun sabiq rektorunun yaşadığı ölkə, şəhər və küçənin ünvanı bəlli olsa da, beynəlxalq hüquqi razılaşmalara baxmayraq Azərbaycan Elşad Abdullayevi Bakıya gətirə bilmir.

Universitetinin rektoru Elşad Abdullayevin, tabeçiliyində olan Tibb Mərkəzinin baş həkimi Dilarə İsmayılovaya həmin tibb müəssisəsinə insan orqan və ya toxumalarının transplantasiyası ilə bağlı cərrahiyyə əməliyyatlarının keçirilməsinə dair xüsusi razılıq (lisenziya) verilmədiyi halda qanunsuz göstəriş verməklə İsrail vətəndaşları Boris Volfman, Yuri Katsman və digərləri ilə əlbir olub cinayət əlaqəsinə girərək “İnsan orqan və (və ya) toxumalarının transplantasiyası haqqında” Azərbaycan Respublikası Qanununun tələblərini kobud surətdə pozaraq, 2009-cu ilin mart-dekabr aylarında Ukraynadan Azərbaycan Respublikasına gətirilmiş təqsirkar şəxslərdən maddi cəhətdən asılı olan donorlardan qanunsuz olaraq böyrəklərinin götürülüb 11 nəfər İsrail, 1 nəfər Fransa və 1 nəfər ABŞ vətəndaşları olan resipiyentlərə köçürülməsi ilə bağlı 13 cərrahiyyə əməliyyatlarının keçirilməsinə şərait yaratması, həmçinin Dilarə İsmayılovanın hər bir əməliyyata görə heç bir sənədləşdirmə aparmadan nağd qaydada ümumilikdə 130.0 min ABŞ dolları məbləğində pulu alaraq mərkəzin kassasına mədaxil etmədən Elşad Abdullayevə verməklə dövlətin qanunla qorunan mənafelərinə ağır nəticələrə səbəb olan zərər vurmasında şübhələnmək üçün əsaslar olduğundan cinayət işi üzrə Elşad Abdullayev və Dilarə İsmayılova Cinayət Məcəlləsinin 137.3 (insan orqanların və ya toxumalarının alqı-satqısı) və 308.2-ci (vəzifə səlahiyyətlərdən sui-istifadə) maddələri ilə təqsirləndirilən şəxs qismində cəlb ediliblət.

Həmin cinayət işinin materiallarından Dilarə İsmayılova barəsində Cinayət Məcəlləsinin 137.3 və 308.2-ci maddələri ilə cinayət işi ayrılmaqla istintaqı tamamlanaraq 26 avqust 2013-cü il tarixdə baxılması üçün Bakı Ağır Cinayətlər Məhkəməsinə göndərilib.

Elşad Abdullayev istintaqdan qaçıb xarici dövlətdə gizləndiyi üçün barəsində Nəsimi rayon məhkəməsinin qərarı ilə həbs qətimkan tədbiri seçilərək axtarış elan olunmaqla tutulması istiqamətində beynəlxalq axtarış tədbirləri həyata keçirilir.

Rusiya Federasiyasının Daxili İşlər naziri bu cavab məktubunda açıq şəkildə Azərbaycanın hüquq-mühafizə orqanlarının işinə ironiya ilə yanaşır. Maraqlısı budur ki, görəsən Azərbaycana qarşı Avropada gizlənən bu şantajçı Abdullayev çoxmu gizlənəcək? Hansısa bir mərhələdə Azərbaycanın DİN-yi və Baş Prokrorluğu bu şantajçını Azərbaycana gətirmək fikrindədirmi? Bütün bunları yəqin ki,zaman göstərəcək.