"Ukrayna Silahlı Qüvvələri hazırda hərbi əməliyyatların lokallaşdırılmasını həyata keçirir. Şərti olaraq "Səhra fırtınası” adlandırıla bilən əməliyyat aparılır".

bakunews.az qaynarinfo-ya istinadən xəbər verir ki, bu sözləri hərbi ekspert, "Defense Express” informasiya və konsaltinq şirkətinin direktoru Sergey Zqurets "Espresso” telekanalının efirində deyib.

Onun sözlərinə görə, ukraynalı müdafiəçilər yeni texnoloji müharibənin dərsliyi kimi çıxış edirlər: "Birinci mərhələdə bu əməliyyat döyüş bölgəsinin lokallaşdırılmasını əhatə edir. Beləliklə, biz ABŞ-ın İraqda aviasiya vasitəsilə həyata keçirdiyi döyüş bölgəsinin uzaq mənzilli sistemlərdən istifadə edərək lokallaşdırılmasını artıq həyata keçirmişik. Və bunu hücum təyyarələri əsas keçidləri məhv etmək üçün HIMARS sistemləri ilə yerinə yetirdi".

Ekspert qeyd edib ki, rusların logistikasının məhv edilməsi mərhələsi də davam edir: "Bu mərhələyə komanda məntəqələrinin və hava hücumundan müdafiə vasitələrinin məhv edilməsi daxildir. Sonrakı mərhələ isə Dnepr çayının sağ sahilini tərk etmək üçün hələ də çıxış yolu tapmayan quru qruplaşmasının məhv edilməsidir".

bakunews.az