“SƏHƏRMEDİA” xəbər portalının redaksiyasına daxil olan məlumatlara görə Fizuli rayonu Zobcuq qəsəbəsi 5-də yerləşən 39 saylı tam orta məktəbdə fəaliyyət göstərən müəllimlər məktəbin direktoru Kənan Quliyev və Füzuli Təhsil şöbəsinin rəhbəri Ramella Məmmədovadan şikayətçidirlər.

Rəhbərlik etdiyi regionda korrupsiyada adı hallanan 27 məktəbin adı məhz Ramella Məmmədova ilə bağlıdır. Füzuli Təhsil şöbəsinin rəhbəri onunla haqq davası aparan müəllim və direktorları incidir və nəticədə qanunsuz yolla pul tələb edir.

Redaksiyamıza daxil olan məlumatda şikayətçi Abbasova Asya xanım bildirir ki, 23 il ibdidai sinif rəhbəri olaraq çalışdığı Fizuli rayonu 39 saylı orta məktəbdə prinsip aparılaraq incidilir. Bununla yanaşı eyni məktəbdə 20 il ədəbiyyat fənn müəllimi kimi də çalışan İmanov Rahim müəllim də bu prinsiplərin qurbanlarından biridir. Şikayətçi Asya müəllimin iddialarına görə 2018-ci ildə məktəbdə 2-ci sinif şagirdi Səma Hacıyevanın şiddətə məruz qalmasına Ramella xanımın göstərişi olsa da, susmaması, əksinə, məsələyə hüquqi qiymət verilənə qədər əl çəkməmiş, uşağın hətta sığınacağa yerləşdirilməsinə də nail olmuşdur. O tarixdən etibarən Ramella Məmmədova prinsip aparmağa başlamış, adı çəkilən bu müəllimlərin və digər məktəblərdə haqsızlığa susmayan bir çox müəllimlərin hüquqlarını öz vəzifəsindən sui-istifadə edərək pozmuşdur.

Daxil olan məlumata əsasən səlahiyyətində olan məktəblərdə adı 100 minlərlə korrupsiya faktında hallanan Füzuli Təhsil şöbəsinin rəhbəri Ramella Məmmədovanın əmlaklarına da həbs qoyulub. 27 məktəb direktorunu da onun bu əmrlərinə tabe olmağa sövq edən və müəyyən direktorlara da vəzifəsindən sui-istifadə etməyin yollarını göstərən Ramella xanım Qayıdış 3-də fəaliyyət göstərən məktəbin direktoru Babayev Əhdiman müəllimi də öz çirkabına bulamış və nəticədə də Əhdiman Babayev öz vəzifə səlahiyyətlərini aşaraq Rusiya Federasiyasında yaşayan qızı Könülü direktoru olduğu məktəbdə işçi kimi qeydiyyata almışdır. Qaçılmaz haldır ki, Ramella xanıma “HÖRMƏTSİZ” bu hal qəbul edilə bilməz. Şikayətçinin iddialarına görə öz əməllərindən nəticə çıxarmayan idarə rəhbəri indi də Fizuli rayonu Zobcuq 5-də yerləşən 39 saylı orta məktəbin direktoru Kənan Quliyevi alətə çevirir və əlbirliyi ilə onlara qarşı çıxan, hətda öz savadı ilə imtahanda yüksək nəticə göstərən müəllimlərin dərs saatlarını azaldır, siniflərini ixtisara salır və ən əsası olaraq çoxuşaqlı sinifləri boşaldaraq müəllimlərin hüquqlarını pozur. Sertifikasiyada 50+ bal toplayan müəllimlər sıxışdırılır, əvəzində isə daha az bal toplayan müəllimlər daha çox dərs yükü ilə təmin olunur. Bəs sizcə niyə? Bu necə ola bilər deyə düşünsək, əlbətdə ki, Füzuli Təhsil şöbəsinin rəhbərinin cibinə gedən yolu tanıdıqları üçün.

“SƏHƏRMEDİA” xəbər portalı olaraq Elm və Təhsil Nazirliyindən, Baş Prokuror yanında Korrupsiyaya qarşı Mübarizə Baş İdarəsindən redaksiyamıza daxil olan məsələ ilə bağlı araşdırma aparmalarını xahiş edirik.

Məsələ ilə bağlı araşdırmalarımız davam edir. Mövzuya qayıdacağıq.

Baş Redaktor : SONA İNTİZAR
İddia ilə bağlı maraqlı tərəflərin mövqeyini dərc etməyə hazırdıq!