"Maraqlı, bol qollu oyun oldu. 3:1 və ya 4:2 hesablı daha real görünürdü. Futbolçularıma təşəkkür edirəm. Çox əziyyət çəkdilər".

bakunews.az-un report-a istinadən məlumatına görə, bunu "Qarabağ"ın baş məşqçisi Qurban Qurbanov Bakıda İsveçrə "Sürix"inə 3:2 hesabı ilə qalib gəldikləri UEFA Çempionlar Liqasının II təsnifat mərhələsinin ilk oyunundan sonra "CBC Sport"a açıqlamasında deyib.

50 yaşlı mütəxəssis mobil, dinamik komandaya qarşı oynadıqlarını bildirib: "Bəzən rəqib bizi müdafiə olunmağa məcbur edirdi. Cavab matçına daha yaxşı hazırlaşacaq və səfərə qalib gəlmək üçün gedəcəyik. İnanıram ki, Sürixdə daha inamlı mübarizə aparacağıq".

Qeyd edək ki, komandalar arasında cavab matçı iyulun 27-də Sürixdə baş tutacaq.

bakunews.az