"Maraqlı qarşılaşma olacaq".

bakunews.az report-a istinadən xəbər verir ki, bunu "Rapid"in futbolçusu Patrik Qrayl "Neftçi"yə qarşı UEFA Konfrans Liqasının III təsnifat mərhələsinin cavab oyunundan əvvəl mətbuat konfransında deyib.

26 yaşlı yarımmüdafiəçi "ağ-qaralar"ın oyunçularının fərdi olaraq güclü olduğunu bildirib: "Evdə oynamağımız bizə əlavə ruh verir. Səfərdə uduzsaq da, bu görüşdə mütləq qalib gəlməliyik".

Qrayl cari mövsüm yavaş-yavaş formaya düşdüyünü söyləyib: "Sabahkı qarşılaşmada da qollarımın davamını gətirmək niyyətindəyəm".

Oyunçu "penaltilər seriyası üçün xüsusi məşqlər keçmisinizmi" sualını isə bu cür cavablandırıb: "Təlim-məşq toplanışındakı məşqlərdə bunu həmişə etmişik. Ehtiyac duyulacağı təqdirdə penaltilərdən dəqiq yararlanmağa çalışacağıq".

Qeyd edək ki, iyulun 11-də oynanılacaq matç Bakı vaxtı ilə saat 22:30-da başlayacaq. İlk qarşılaşmada "Neftçi" 2:1 hesabı ilə qalib gəlib.

bakunews.az