Diaspor Gənclərinin III Yay Düşərgəsində “Teknofest Azerbaijan”ın qalibi yeni platformanı təqdim edib
Diaspor Gənclərinin Şuşada keçirilən III Yay Düşərgəsində təşkil edilən “Azərbaycan diasporu və dövlət gənclər siyasəti” mövzusunda panel iclasında “Teknofest Azerbaijan”ın qalibi Rauf Heydərli https://theyoda.co saytının təqdimatı ilə çıxış edib.
Videokonfrans formatında panel iclasına qatılan Rauf Heydərli bildirib ki, 2017-ci ildən ABŞ-ın Virciniya ştatında yaşayır, “Recepta” şirkətini quranadək “Amazon”, “Hitachi”, “LYFT” kimi şirkətlərdə aparıcı maliyyə mütəxəssisi kimi çalışıb. Hazırda “Recepta” şirkətinin təsisçisi və icraçı direktorudur.
O nəzərə çatdırıb ki, https://theyoda.co platforması vasitəsilə xaricdə məskunlaşmaq istəyən soydaşlarımız lazımi xidmətlər və məsləhətlər ala biləcəklər. Hazırda sayt ilkin mərhələdədir, yaxın gələcəkdə onun təkmilləşdirilməsi istiqamətində işlər görüləcək. Düşərgə iştirakçılarının bu platformanın inkişafı prosesinə cəlb olunmasının mümkünlüyü vurğulanıb.
Sonra “Teknofest Azerbaijan”ın qalibi düşərgə iştirakçılarına tövsiyələrini verib və suallarını cavablandırıb.
bakunews.az
Əlaqə whatsapp:+994 70 402 02 85
BakuNews.az
