“Rəhimə” Reabilitasiya Mərkəzi inzibati məsuliyyətə cəlb edilib.

Bakunews.az-ın məlumatına görə, Səhiyyə Nazirliyindən Yurd.Media-ya bildirilib ki, Mərkəzin 2023-cü ildən lisenziya olmadan özəl tibbi fəaliyyət göstərməsi aşkar edilib.

Qanunvericiliyin tələblərinin pozulmasına görə müəssisə İnzibati Xətalar Məcəlləsinin 210.1-ci maddəsi ilə nəzərdə tutulmuş inzibati xətanı törətməkdə təqsirli bilinib və 5 000 manat məbləğində cərimə edilib.

Bu səbəbdən “Rəhimə” Reabilitasiya Mərkəzi İnzibati Xətalar Məcəlləsinin 210.1-ci (Lisenziya olmadan özəl tibbi fəaliyyətlə və ya əczaçılıqla məşğul olmağa görə) maddəsi ilə nəzərdə tutulmuş inzibati xətanı törətməkdə təqsirli bilinib. Lakin Bakunews.az-ın qarşı tərəfin hüquq müdafiəçisindən verilən məlumata görə, məhkəmə çəkişməsi hələdə davam edir. Qeyd edək ki, “Rəhimə” Reabilitasiya Mərkəzinin direktoru Rəhimə xanımın bildirdiyinə görə mərkəz 2023-cü ildən fəaliyyətin rəsmi dayandırb. Lakin Səhiyyə nazirliyinin səlahiyyətliləri mərkəzin fəaliyyətini yoxlamadan onlara cərimə tətbiq edib. Hüquq müdafiəçisi Zaur Həsənov isə öz növbəsində bildirir ki, qeyd edilən məsələ ilə bğlı məhkəmə çəkişməsi davam edir. Cərimə edilməsi Prezidentin sərəncamına əsasən aparılan yoxlama ilə müəyyən edilə bilən məsələdir. Lakin SƏhiyyə nazirliyinin nümayəndələri kabinetində əyləşərək heç bir yoxlama aparmadan cəırimə tətbiq ediblər. Məhs elə buna səbəbdə hüquqlarımızın müdafiəsi üçün məhkəməyə müraciət etmişik. Səhiyyə nazirliyinin bu cür bir məlumatı paylaşması həm də yekun məhkəmə qərarı olmadan işgüzar nüfuza xələl gətirməkdən başqa bir şey deyildir.

Məsələ ilə bağlı yeni məlumatlar oxuculara çatırılacaqdır.