Elm və Təhsil Nazirliyinin müvafiq idarələrə yeni avtomobillər aldığı haqda saytımızda məlumat dərc etmişdik. "Təhsil-Tələbə Kredit Fondunda özbaşınalıqlar və korrupsiya əməlləri" adlı yazımızda dövlət avtomobillərinin niyə AA seriyası ilə yox, YF seriyası ilə alındığını, eləcə də bununla bağlı hansı tenderin keçirildiyini araşdırmağa çalışmışdıq. Ancaq vacib məqam ondan ibarətdir ki, yazıda kiçik, amma çox mühüm əhəmiyyət kəsb edən yanlışa yol verilib. Belə ki, sözügedən məsələyə Təhsil-Tələbə Kredit Fondunun heç bir aidiyyatı yoxdur və bütün prosesə Təhsil İnkişaf Fondu nəzarət edib. Elə maxinasiyalar da bu qurum tərəfindən aparılıb.

Bakunews.az Tesilmedia.az-a istinadən xəbər verir ki. Bu səbəbdən də yuxarıda qeyd olunan başlıqlı yazını saytdan çıxarmaq məcburiyyətində qaldıq. Buna görə də, daimi oxucularımızın məsələni anlayışla qarşılayacaqlarına inanırıq.


Qeyd edək ki, bizim dərc etdiyimiz yazı digər saytlar tərəfindən də istinad edilərək yayımlanıb. Ona görə də, əsas mənbə olaraq yazını sildiyimizi bəyan edir və həmin saytlardan da sözügedən informasiyanı öz media resurslarından çıxarmalarını xahiş edirik.