Xaçmaz rayonunun Hacı Zeynalabdin Tağıyev küçəsində, "Sevimli Soba" ailəvi restoranının qarşısındakı piyada keçidində baş vermiş yol qəzası hələ də mübahisələrə səbəb olur. Hadisə zamanı 03.08.2000-ci il təvəllüdlü Mirzəbəyova Vinera Şahsevən qızı piyada zolağında avtomobil tərəfindən vurulub.

Bakunews.az-a müraciət edən vətəndaş bildirir ki, Qəzaya səbəb olan şəxs – Sabiroba kənd sakini Aslanov Elnur Əzizağa oğlu, "Kia Picanto" (90-CO-862 dövlət nömrə nişanlı) avtomobili ilə piyada keçidində hərəkətdə olan gənc qızı vurub. Hadisədən sonra 8 gün komada qalan zərərçəkmiş 23 gün Xaçmaz Rayon Mərkəzi Xəstəxanasında, daha sonra isə Bakı Şəhər 1 saylı Klinikasında müalicə alıb. Hadisə nəticəsində ciddi xəsarət alan Vinera Mirzəbəyovanın müalicə xərcləri isə qəzanı törədən şəxs tərəfindən qarşılanmayıb.

Ailənin müalicə xərcləri və məhkəmə qərarının ədalətsizliyi

Hadisədən bu günə qədər ailə müalicə üçün 20.000 manat xərcləyib, lakin məhkəmə cəmi 3000 manat zərərin ödənilməsini qərara alıb. Üstəlik, qəzanın baş verməsindən sonra 4 ay ərzində yalnız 3000 manat vəsaitin ödəndiyi bildirilir. Ailə bildirir ki, qəza törədən tərəf qalan məbləği ödəməkdən boyun qaçırır və yalnız barışıq müqabilində köməklik edilə biləcəyini deyir.

Şok iddia: Prokurordan qeyri-etik təklif

Məhkəmə prosesində ittihamı müdafiə edən prokuror Sadiqov Siyavuş Köçəri oğlu, məhkəmə prosesini ciddi qəbul etməməsi və lağ-lağı ilə yanaşması ilə ittiham olunur. Zərərçəkmiş tərəfə prokuror tərəfindən qəza törədən şəxslə evlilik təklifi edildiyi iddia edilir. Prokurorun hər iki tərəfin subay olmasını əsas gətirərək, barışıq əldə edilmədiyi təqdirdə bu məsələni evlilik yolu ilə həll etməyi təklif etməsi, ailənin və ictimaiyyətin ciddi narazılığına səbəb olub.

Apellyasiya və Ali Məhkəmənin qərarı dəyişməz qaldı

Məhkəmə qərarından narazı qalan zərərçəkmiş tərəf Sumqayıt Apellyasiya Məhkəməsinə müraciət etsə də, Xaçmaz Rayon Məhkəməsinin qərarı dəyişdirilmədən qüvvədə saxlanılıb. Daha sonra Ali Məhkəmə də eyni mövqeyi qoruyaraq, əvvəlki məhkəmə qərarını təsdiqləyib.

Zərərçəkən ailə ədalət tələb edir

Məhkəmənin bu qərarı ictimaiyyətdə narazılıqla qarşılanıb. Ailə hesab edir ki, hadisənin səbəbkarı tam məsuliyyətə cəlb olunmalı və müalicə xərcləri tam ödənilməlidir. Eyni zamanda, qanunsuz nəqliyyat idarə edən şəxslərə qarşı daha sərt tədbirlər görülməsi, prokurorun etikadan kənar davranışına hüquqi qiymət verilməsi tələb olunur.

Həmçinin qeyd etməyik ki, qəzanı törədən tərəf qarşılarına çıxana hər kəsə qızın onları soyduqunu və 10-11 min manat ödədiklərini deyərək zərərçəkmiş tərəfi Xaçmazda biabır etdikləridə aparılan araşdırmadan bəli olub. Lakin Vinera xanımla danışdıqda da məlum oldu ki, tərəf məhkəmə qərarı əsasında 3 min manat ödəməli olduğu məbləği hissə-hissə ödəmişdir. Amma Vinera məsələdən narazılığını mülkü iddiasını davam etdirmiş dəymiş zərərin tam ödənilməsin tələb etsədə Ədalət məhkəməsi təsüflə bildiririk ki, dəymiş zərərin qat-qat aşağısında məbləğin ödənilməsin məsləhət görüb. Vinera bildirir ki, şəxslər vurulduğu gündən hey onsuzda biz oğlumuzu qurtarmaq üçün lazımı vəsaiti verib məsələni bağladacağıq. Sürücü vəsiqəsi olmayan nəqliyyatı ona etibar edən şəxslər isə məsuliyyətə cəlb edilmədən necə məhkəməyə baxılması üçün sənədlərin göndərilməsidə xanımın saxtalaşdırılma olma şübhələrini doğurmaqdadır.

Məsələ diqqətimizdə olduğu kimi qarşı tərəfində dinlənilməsi tərəfimizdən təmin ediləcəkdir.