Bakunews.az-ın elektron poçtuna daxil olan müraciətə əsasən, Ucar şəhəri, 20 Yanvar küçəsi, döngə 6, ev 5 sakini Hacıyev Çodar Hafiz oğlu redaksiyamıza müraciət edərək ciddi narazılığını bildirib. Onun sözlərinə görə, oğlu Hacıyev Samir Çodar oğlu 2022-ci ilin may ayında Ucar şəhəri, Heydər Əliyev küçəsində yerləşən “Medalyon” adlı ərzaq mağazasını işlədib və mağazanın əsas tədarükçüsü “Veysəloğlu” MMC olub.

2024-cü ilin noyabrında mağazanın fəaliyyəti dayandırıldıqdan sonra satılmayan, geri qaytarılması nəzərdə tutulan məhsullar şirkət tərəfindən qəbul edilməyib. Ailənin bildirdiyinə görə, təqribən 4000 manat dəyərində ərzaq məhsulu evdə saxlanılır və dəfələrlə şirkətə müraciət edilməsinə baxmayaraq, məhsullar geri alınmayıb.

“Veysəloğlu ilə razılaşmada satılmayan məhsulların geri qaytarılacağı yazılıb” – deyə ata bildirir. Onun sözlərinə görə, oğlu bu məhsulları əldə etmək üçün bankdan kredit də götürüb və bu gün məhsulların geri alınmaması ailənin maliyyə yükünü artırıb.

Məsələ ilə bağlı qarşı tərəfin mövqeyn dinləməyə hazırıq.