18 fevral 2022-ci ildə Bakı şəhər Nərimanov Rayonu İcra Başçısı təyin olunan Elgin Həbibullayevin son dövrlər yarıtmaz fəalliyyəti ilə bağlı Bakunews.az-a daxil olan məlumatları araşdırdıq. Xatırladaq ki, “molaletka” vaxtından Eldar Əzizovun tikələrilə böyüyən, Bakı şəhər Nizami rayonunda yuxarıda adı çəkilənin köməkçisi, Gəncə İcra Hakimiyyəti aparatında başçı köməkçisi, Sumqayıt şəhər İcra hakimiyyətində aparat rəhbəri, Səbail rayon İcra Hakimiyyətində Aparat rəhbəri, Bakı şəhər İcra Hakimiyyətində Aparat rəhbəri, hazırda Nərimanov rayon icra başçısı olan Həbibullayevin Bakı merinə nə qədər yaxın olduğu görünür.

Eldar Əzizovun Nərimanov rayonuna təyinatında mühüm rol oynadığı Elgin müəllimin son bir ildəki fəaliyyəti sadəcə rüşvət və korrupsiyanın inkişafına yönəlib. Cənab Prezidentin tapşırıq və tövsiyyələrinə məhəl qoymayan Eldar Əzizovun bu mərhəmətsiz kadrı özünü gələcəyin Bakı meri kimi ifadə etməkdən çəkinmir. Sosial şəbəkələrdə yayımlanan, İcra hakimiyyətinin səhifələrində tez-tez şəhid ailələri və qazilərlə səyyari görüşləri önə çıxaran Elgin Həbibullayevin əsas məqsədi dövlətə xidmətdən ibarət deyil. Biz əgər düşünsək ki, Ümummilli Liderin dediyi kimi “Rüşvət alan qolları kəsmək lazımdır” ifadəsi ilk öncə Nərimanov rayonun icra başçısına tətbiq edilməlidir. Sahibkarlara – burda təyin olunan haqqı mən qoymuram, Eldar müəllim nə deyirsə onu verməlisiz - deyən Elgin Həbibullayevin Nərimanov rayonunu qarış-qarış satdığı heç kimə sirr deyil. Böyük Pilot layihələrdən alınan “Hörmət”lərin Eldar Əzizova çatıb-çatmaması barədə bir söz deyə bilmərik. Amma danılmaz bir fakt var: Bakı merinin tez-tez keçirdiyi müşavirə və iclaslarda heç vaxt tənqid edilməyən icra başçısı Elgin Həbibullayevdir. Görünür, vaxti ilə Eldar Əzizovun ən yaxını olan və indi gizli kasasına çevrilən Elgin müəllimin xidmətləri yüksək qiymətləndirilir. “Millət necə tarac olur olsun, nə işim var” deyən dahi Mirzə Ələkbər Sabirin ifadəsi Eldar Əzizovun və Elgin Həbibullayevin timsalında müasirliyini itirməyib. Sadə vətəndaşların, narazı insanların aylarla Elgin müəllimi iş yerində tapa bilməmələri və şikayətlərinin cavabsız qalmaları Bakı meriyasına şikayətlə nəticələnir. Lakin Eldar Əzizovun “sağ qolu” və gizli kassasından olunan şikayətlər aylarla cavabsız qalır. Bizim üçün maraqlı olan və ya bizi narahat edən məsələ Bakı merinin gələcəkdə kim olacağı deyil. Amma, Nərimanov rayonunu qara günə qoyan Elgin Həbibullayevin gələcəkdə paytaxtın bəlasına çevriləcəyini öncədən diqqətə çatırmaqla, belə məmurların hakimiyyətə nüfuz gətirməyəcəyini önə çıxarmaqdır. Ümid edirik ki, Elgin Həbibullayevin qanunsuz və rüşvətxor əməlləri ilə bağlı dövlət səviyəsində tədbirlərin görülməsi haqqında tapşırıqlar veriləcək və Nərimanov sakinlərinin cavabsız qalmış haqqlı şikayətləri həlini tapacaqdır.

Mövzu ilə bağlı qarşı tərəfin fikirlərini dinləməyə və ya səsləndirməyə hazırıq. Mövzuya qayıdacağıq .