“Gold” MTK yüzlərlə ağacı məhv etdi –FOTOFAKT
Nərimanov rayonunda qanunsuz tikintilərin aparılması və yaşıllıqların məhv edilməsi davam edir.
Rayonun Fətəli Xan Xoyski prospekti 130 ünvanda “GOLD” MTK-nın tikinti işləri apardığı ərazidə 100-dən çox ağac kəsilərək məhv edilib.
Kəsilən çox illik ağacların yerində tikinti işləri aparılır. Bir meşəlik ərazi boyda yerdə olan ağacların məhv edilməsi sakinləri narahat etsə də, aidiyyəti qurumların nədənsə diqqətini çəkməyib.
Ölkə başçısı İlham Əliyev bütün çıxışlarında dəfələrlə şəhərimizin yaşıllaşdırılmasına və ağacların qorunmasına diqqət yetirilməsinin vacibliyinə toxunduğu halda Nərimanov Rayon İcra Hakimiyyəti bu kimi hallara qarşı susur və göz yumur. Sözügedən rayonun ən mərkəzi prospektlərindən birində yüzlərlə ağac məhv edilir, ancaq Nərimanov İH və digər aidiyyəti qurumlar bu yaşıl terroru görməzdən gəlir.(tribunainfo.az)
Əlaqə whatsapp:+994 70 402 02 85
BakuNews.az
