Son günlər bəzi xəbər portallarında mənim – Gülpəri Bayraova, “Aqromix Qarabağ yağ emalı” zavodunun rəhbəri olaraq – guya kənd əməkçilərinin əməyi qarşılığında haqlarını ödəmədiyim, onların şikayət etməyə məcbur qaldıqları ilə bağlı əsassız və yönləndirilmiş məlumatlar paylaşılmışdır.

Bu xəbərlər tamamilə yalan və təxribat xarakterlidir. Əslində isə, müvafiq şəxslər müqavilə öhdəliklərini yerinə yetirmədən, işləri təhvil vermədən ərazidən qaçaraq iş prosesini yarımçıq qoymuş, sonradan isə guya haqlarını tələb edirmiş kimi saxta ittihamlarla ictimai rəyə təsir etməyə çalışmışlar. Bu, açıq-aşkar dələduzluq və böhtan kampaniyasıdır.

Qeyd etmək istərdim ki, “Aqromix ” Qarabağ Yağ emalı zavodu şəffaf fəaliyyət göstərir, bütün əməkdaşlıqlar yalnız rəsmi müqavilələr əsasında həyata keçirilir və iş təhvil verilmədikcə ödənişlərin də rəsmiləşməsi mümkün deyil.

Hazırda bu məsələ ilə bağlı hüquqi prosedurlar başladılmışdır və adları çəkilən şəxslər barəsində müvafiq hüquq-mühafizə orqanlarına müraciət olunmuşdur.

Cəmiyyətə və ictimaiyyətə bildirirəm ki, heç bir saxta məlumat və ya qaralama kampaniyası bizim qanuni və ləyaqətli fəaliyyətimizi ləkələyə bilməz. Biz hər zaman şəffaflıq, əmək haqqı ədaləti və yerli əməkdaşlara dəyər prinsipləri ilə fəaliyyət göstərmişik və göstərəcəyik.

Hörmətlə,
Gülpəri Bayramova
“Aqromix ” MMC-nin təsisçisi və rəhbəri

Xatırladaq ki, “Qarabağ – Oil” zavodunun işçiləri olmuş və hazırda Şəki rayonun Baş Göynük kəndində yaşayan Xəlilov Məmmədəli Əkrəm oğlu və Əliyev Bəxtiyar Rüfət oğlu tərəfindən Prezidenti İlham Əliyevə, Baş nazir Əli Əsədova, Baş prokuror Kamran Əliyevə, İqtiasiduyyat naziri Mikayıl Cabbarova, Kiçik və Orta Biznesin İnkişafı Agentliyinin sədri Orxan Məmmədova, Ombudsman Aparatının sədri Səbinə Əliyevaya və digər aidiyyəti dövlət qurumlarının rəhbərlərinə ictimailəşdirilməsi məqsədi ilə şikayət məktubu ünvanlanıb. Şikayət məktubu Aktualinfo.org saytında ötən gün yayılmışdı.

Aktualinfo.org