“Biz Bizə” restoranında müştərilərdən “card to card” hesab alınır?
Nizami rayonu, Qara-Qarayev prospektində yerləşən “Biz Bizə” restoranı şəbəkəsi ilə bağlı sosial şəbəkələrdə narazılıq paylaşılıb.
Məlumata görə, müştəri iddia edir ki, səhər yeməyi zamanı təqdim olunan göyərtilər yuyulmamış vəziyyətdə olub və içərisindən həşərat çıxıb.
Onun sözlərinə görə, məsələni ofisianta bildirsə də, boşqabı götürüb heç bir izahat və üzr verilməyib:
“Göyərtilər yuyulsa yaxşı olar” dedim, amma sadəcə götürdülər və bir də qayıtmadılar.
Şikayətçi həmçinin ödəniş sistemi ilə bağlı ciddi problem yaşadığını vurğulayıb. Restoranda hesabı ödəmək istəsə də, əvvəlcə terminalların “şarjda olduğu” deyilərək gözləməsi istənilib. Daha sonra isə administrator terminal olmadığını bildirərək kartdan-karta köçürmə tələb edib:
“O boyda restoran şəbəkəsində necə terminal olmur, kartdan-karta ödəmə istəyirlər – anlamıram.”
Müştərinin paylaşımı sosial şəbəkələrdə müzakirələrə səbəb olub.32gun.az
Əlaqə whatsapp:+994 70 402 02 85
BakuNews.az
