İnsanlar əsəb-stres yaşadığı vaxtda sakitlik axtarır və istəyir ki, bəzi problemlərdən müvəqqəti də olsa uzaqlaşsın. Başının və ruhunun sakit olması həmçinin rahat şəkildə dincəlmək məqsədi ilə insanlar bəzən restoranlara üz tutur.

"Azərbaycan Reallığı"na müraciət edən paytaxt sakini bildirir ki, dostlarımla birlikdə Bakı şəhəri, Çobanzadə küçəsi 306 ünvanında yerləşən "Qədim Bağ" Ailəvi Restorana şam yeməyi üçün üz tutublar. Restoranın giriş qapısından içəri daxil olduqda xüsusi qanunlarla rastlaşıblar.

Bir sözlə Vasif Talıbovun Naxçvanda qoyduğu qərarlar bu restoran sahibinin göstərişlərinin yanında sanki kölgədə qalıb.

İlk öncə qonaqlarla birlikdə əyləşmək üçün boş otağın olub-olmadığını soruşduq. Qapıda bizi qarşılayan restoran əməldaşı biıdirdi ki, boş otaqlarımız var lakin restoran rəhbərliyi xüsusilə tapşırıb, müştəriləri yalnız həyətdə əyləşdirin. Çünki restoran rəhbərliyi dönə-dönə tapşırıb ki, mənim öz qonaqlarım və dostlarım gəlib, ayaqüstə qalmasınlar.

Hər zaman mənim dostlarım və yaxınlarım üçün otaq saxlayın. Yarım saata yaxın restoranın əməkdaşı ilə ayaqüstü dialoqumuz oldu. Həmin vaxtda restoranda xidmətin zəif olduğunu və restoranda cəmi iki nəfər ofisiantın işlədiyini gördük. Aldığımız cavabdan məyus olaraq, kor-peşman həyətdə oturduq. Bir sözlə əsəb-stres daha da yüksəlməyə başladı. Qonaqlarımın yanında üzü qara olaraq, gərginliyim pik həddə çatdı. Yediyim yemək boğazımda düyünlənirdi. Sonda hesabı vermək istəyəndə yenə problemlə qarılaşdım.

Ödənişi bank kartı vasitəsi ilə həyata keçirəcəyimi ofisianta bildirəndə yenə sərt şəkildə cavab aldım. O, mənə bildirdi ki, bu restoranda post-terminal yoxdur, ödənişinizi yalnız nağd şəkildə edə bilərsiniz. Bununda səbəbini soruşanda isə yenə eyni cavabı alırsan rəhbərlik belə məsləhət bilib və.s kimi insanı nevroz edən cavablar alırsan.

Mən də ofisianta bildirdim ki, rəhbərlik düşünmür ki, bəlkə müştərinin birinin üstündə nağd pul əskinazı yoxdur onda qonaqlarının yanında biyabır olmalıdır. Ümüdvarıq ki, bu işlə məşgul olan aidiyyatı qurumlar restoranın rəhbərliyinin qoyduğu cəngəllik qayda və qanunları haqqında daha yaxından tanış olub, müvafiq tədbirlər görəcəklər.