Jalə Fərhad qızı Əhmədova (23 aprel 1981, Bakı) — Azərbaycan Respublikasının Milli Məclisi VI çağırış deputatı, Dünya Alpaqut Federasiyasının Prezidenti Azərbaycan Autizm Assosiasiyasının vitse-prezidenti, Türk Dövlətləri Autizm Federasiyasının baş katibi, hüquq elmləri magistri.

Əhmədova Jalə Fərhad qızı 23 aprel 1981-ci ildə Bakı şəhərində anadan olub. 1997-ci ildə Bakı şəhəri 158 saylı orta məktəbi bitirib. 2003-cü ildə Azərbaycan Beynəlxalq Universitetinin hüquq fakültəsini bakalavr dərəcəsi ilə bitirib. 2012-ci ildə Bakı Dövlət Universitetinin Beynəlxalq Hüquq fakültəsini magistr dərəcəsi ilə bitirib. 2022-ci ildə Azərbaycan Respublikası Prezidenti yanında Dövlət İdarəçilik Akademiyasının Dövlət və Bələdiyyə idarəetməsi fakültəsini fərqlənmə ilə bitirib.
Jalə Əhmədova "Alyans Konsaltinq" MMC-də hüquq məsləhətçisi, Unibank ASC və Texnikabank ASC-də baş mütəxəssis, Bakı Apellyasiya məhkəməsində hakim köməkçisi, baş məsləhətçi, Azərbaycan Respublikası Energetika Nazirliyində şöbə müdirinin müavini, Milli Qvardiyanın kadrlar şöbəsində baş zabit, Prezidentin Təhlükəsizlik Xidmətində baş zabit- hüquqşünas vəzifələrində çalışıb.
Ehtiyatda olan zabitdir.
Jalə Əhmədova Azərbaycan Respublikası Ali Məhkəməsinin sabiq hakimi polkovnik Fərhad Əliyevin qızıdır. Ailəlidir, 2 övladı var.


İctimai-siyasi fəaliyyəti
- 2018-ci ildən "Vinq Çun" Döyüş Sənəti Federasiyasının təsisçilərindən biri və vitse-prezidenti olub.
- 12 aprel 2022-ci il tarixində Azərbaycan Autizm Assosiasiyasına vitse-prezident seçilməyi ilə əlaqədar "Vinq Çun" Döyüş Sənəti Federasiyasının vitse-prezidentliyindən istefa verib.
- 5 avqust 2022-ci il tarixindən Türk Dövlətləri Autizm Federasiyasının baş katibidir.
- 30 avqust 2022-ci il tarixindən Dünya Alpaqut (Turan döyüş sənəti) Federasiyasının Prezidentidir.

Parlamentdə
- Jalə Əhmədova 2020-ci ildə Azərbaycan Respublikasının Milli Məclisi VI çağırış deputatı seçilib.
- İnsan hüquqları komitəsinin üzvüdür.
- Gənclər və idman komitəsinin üzvüdür.
- Qara Dəniz İqtisadi Əməkdaşlıq Təşkilatı Parlament Assambleyasının üzvüdür.
- Müstəqil Dövlətlər Birliyinin üzvü olan Dövlətlərin Parlamentlərarası Assambleyası Şurasının üzvüdür.
- Azərbaycan-Estoniya parlamentlərarası əlaqələr üzrə işçi qrupunun rəhbəridir.

Bu gün Jalə Əhmədova Fərhad qızının doğum günüdür. bakunews.az rəhbərliyi və Kollektivi adından ona uzun ömür cansağlığı ailə səadəti arzu edir uğurlarının daim bol olması diləyi ilə təbriklərimizi çatırırıq.


Uzun səadət dolu illər sizinlə olsun Azərbaycan xanımı olaraq hər şeyin gözəlinə layiq olasınız. ALLAH Bundan sonra dərd çəkdirməsin AMİN!

bakunews.az