Fransa Prezidenti Emmanuel Makron Qərb liderlərinin fevralın sonunda Parisdə keçirilən görüşündən iki gün əvvəl Almaniya kansleri Olaf Şoltsu Ukraynaya NATO qoşunlarının göndərilməsinin mümkünlüyü ilə bağlı açıqlama vermək niyyətində olduğu barədə xəbərdar edib.

Bakunews.az turantv.az xəbər verir ki, bu barədə Britaniyanın “The Daily Telegraph” qəzeti Yelisey sarayındakı mənbələrə istinadən məlumat yayıb.
Bildiriib ki, Şolts Makronun şərhlərindən qəzəblənib, lakin ictimaiyyət qarşısında onun bəyanatlarından təəccüblənmiş kimi davranıb və dərhal NATO qoşunlarının Ukraynaya göndərilməsi ehtimalını istisna edib.

Nəşr yazır ki, Fransa liderinin Ukrayna münaqişəsi ilə bağlı mövqeyinin sərtləşməsi onunla bağlıdır ki, o, özünü dünyanın dəyişən siyasi mənzərəsi fonunda Avropada və Fransada dominant qüvvə kimi təqdim etməyə çalışır.

Bununla belə, Berlindəki mənbələr Makronun bəyanatlarının Ukraynaya Taurus raketlərini verməkdən imtina etdiyinə görə Qərb müttəfiqlərinin təzyiqi altında olan Şoltsa ciddi ziyan vurduğunu qeyd ediblər. Qəzetin yazdığına görə, Almaniya və Fransa aralarında fikir ayrılıqlarının olduğunu gizlətmirlər, lakin münasibətləri geridönülməz şəkildə zədələnmiş adlandırmaq olmaz.
Xatırladaq ki, Makron fevralın 26-da Parisdə 20-yə yaxın Qərb ölkəsinin nümayəndələrinin iştirakı ilə keçirilən görüşdə Qərb ölkələrinin quru qoşunlarının Ukraynaya mümkün göndərilməsi mövzusunu qaldırıb. Onun sözlərinə görə, iştirakçılar bu məsələdə konsensus əldə etməyiblər, lakin gələcəkdə belə bir ssenarinin olmasını da istisna etmək olmaz.
Fransanın xarici işlər naziri Stefan Sejournet fevralın 27-də açıqlama verərək bildirib ki, Ukrayna ərazisində qərbli hərbçilərin olması müəyyən növ yardımların, o cümlədən minaların təmizlənməsi və Ukrayna bölmələrinin təlimi üçün tələb oluna bilər.


Bakunews.az