Almaniya kansleri Olaf Şolts Praqada Avropanın gələcəyi ilə bağlı çıxışı zamanı Avropa Birliyinin Balkan ölkələrinə genişlənməsini müdafiə edərək, birlik üzvlərinin veto hüququna son qoymağa çağırıb.

bakunews.az bu barədə "Reuters"ə istinadən xəbər verir.

Almaniya kansleri deyib: "Avropa İttifaqının Şərqə doğru davamlı genişlənməsi bütün üzv dövlətlər üçün üstünlükdür”. Daha sonra Şolts qeyd edib ki, Ukrayna, Moldova və Gürcüstan kimi ölkələrin Avropa Birliyinə üzv olması ilə bu birliyin 30 və ya 36 üzvdən ibarət olması nəzərə alınmalıdır.

O, Avropanın mərkəzinin Şərqə doğru sürüşdüyünü vurğulayaraq, gələcək Avropa İttifaqını indiki vəziyyətindən "fərqli” olacağını deyib.

Almaniya kansleri daha sonra etiraf edib ki, Avropa İttifaqının gələcək konfiqurasiyasında tətbiq qaydaları dəyişdirilməlidir:
"Bizim indi (AB-də) yekdilliyə ehtiyac duyduğumuz yerdə bir ölkənin veto hüququ ilə bütün digər ölkələrin hərəkətinə mane olacağı riski var. Müvafiq olaraq, o, üzv dövlətlərin xarici və maliyyə siyasəti sahəsində ümumi məqsədlərinə nail olmaq üçün Avropa İttifaqı üzvlərinin veto hüququnu ləğv etməyə çağırıb:

"Ona görə də mən təklif etdim ki, biz tədricən ümumi xarici siyasət sahəsində və bəzi digər sahələrdə, o cümlədən fiskal siyasətdə səs çoxluğu əsasında qərarların qəbuluna doğru hərəkət edək”.

Həmçinin o, bir saat danışığının sonunda Rusiyanın Ukraynaya təcavüzünü pisləyərək ölkəsinin Ukraynaya hər cür yardımını əsirgəmədiyini dönə-dönə vurğulayıb.\\qaynarinfo\

bakunews.az