İsrail ordusu yüksək hazırlıq vəziyyətindədir və istənilən hücuma tez cavab verə biləcək.

Bu sözləri İsrail ordusunun Baş Qərargah rəisi general-leytenant Herzi Halevi deyib.

“Biz Livanın istənilən yerində, Qəzzada, Yaxın Şərqin istənilən yerində çox sürətli hücum həyata keçirə biləcəyik. Düşmənlərimizə, bizə hücum edənlərə, hər çıxışında İsrail dövlətini necə məhv etmək istədiklərindən danışanlara çox açıq mesaj göndərəcəyik. Biz onları vuracağıq və güclənməyə davam edəcəyik”, - Halevi bildirib.

O bildirib ki, Yəhya Sinvarın HƏMAS-ın siyasi lideri seçilməsi onu məsuliyyətdən azad etmir:

“Yəhya Sinvar yeni vəzifə aldı; o, HƏMAS Siyasi Bürosunun rəhbəridir. Bu siyasi titul onu 7 oktyabrda baş verənlərin bütün planlaşdırılması və icrasında iştirak edən qatil olmasından azad etmir və ona görə də titulunun dəyişdirilməsi onu nəinki axtarmağa mane olmayacaq, əksinə, bizi həvəsləndirəcək. Biz onu tapmaq, vurmaq və HƏMAS-ı yenidən Siyasi Büro rəhbərini dəyişməyə məcbur etmək üçün hər cür səy göstərəcəyik”.