Yaponiyada peyğəmbərlik komiksləri ilə tanınan manqa rəssamı Ryo Tatsukinin son iddiası bütün Asiyanı şoka salıb. Sənətçinin sözlərinə görə, 2025-ci ilin iyulunda Yaponiyanı meqa sunami vuracaq.

Yaponiyada ictimaiyyət arasında “Yeni Baba Vanqa” kimi tanınan və 1999-cu ildə “Gördüyüm Gələcək” manqası ilə şöhrət qazanan manqa rəssamı Ryo Tatsuki bu yaxınlarda ölkədə bu yay böyük sunami fəlakəti yaşayacağını bildirib.

Kəhanətləri daha əvvəl gerçəkləşən sənətçinin son iddiası nəinki yapon xalqı, hətta turistlər arasında panikaya səbəb olub. Tatsuki deyib ki, 2025-ci ilin iyulunda Yaponiyanın cənubunda dəniz qaynayacaq, sualtı vulkan püskürməsindən sonra sunaminin baş verəcək.

Sənətçi daha əvvəl 2011-ci ilin martında böyük fəlakətin baş verəcəyini yazmışdı və həmin il martın 11-də Yaponiyada 9,0 bal gücündə zəlzələ, həmçinin Fukusima Atom Elektrik Stansiyasında qəza baş vermişdi.

Onun şahzadə Diana və müğənni Freddi Merkurinin ölümlərini, həmçinin COVID-19 pandemiyasını proqnozlaşdırdığına inanılır.

Musavat.com