Sizin reklam burada 728×90
Son dəqiqə

İordaniya, Qətər və Səudiyyə Ərəbistanı Qəzzaya sülhməramlılar göndərməkdən imtina edib

07.08.2024 09:53 374 1 dəq oxunur
İordaniya, Qətər və Səudiyyə Ərəbistanı Qəzzaya sülhməramlılar göndərməkdən imtina edib
İordaniya, Qətər və Səudiyyə Ərəbistanı hökumətləri ABŞ-nin müharibə başa çatdıqdan sonra Qəzza zolağında sülhməramlı missiyada iştirak təklifini rədd edib.

TASS xəbər verir ki, bu barədə öz mənbələrinə əsaslanan “The Times of Israel” nəşri məlumat yayıb.

Mənbələrdən biri vurğulanan imtinanı sülhməramlı missiyanın “İsraili fələstinlilərdən qorumaq” kimi görünməsi ilə əsaslandırıb.

Eyni zamanda, Misir və Birləşmiş Ərəb Əmirlikləri (BƏƏ) missiyada iştirak etmək niyyətini təsdiqləsə də, hər iki ölkə bunun üçün bir neçə şərt irəli sürüb. Bu şərtlər arasında missiyanın İsrailin Baş naziri Benyamin Netanyahunun rədd etdiyi “iki xalq üçün iki dövlət” konsepsiyası çərçivəsində baş tutması tələbi də yer alır.
Şikayət və təkliflər üçün qaynar xətt Xəbər, şikayət və təklifinizi bizə göndərin Əlaqə WhatsApp: +994 70 402 02 85
Yaz BakuNews.az