Bakı şəhər, 4-cü mikraryon ərazisində yerləşən Zərifə Əliyeva adına parkın yaxınlığındakı binada partlayış olub. Verilən məlumata görə ölənlər və yaralananlar var. Hadisənin nədən baş verməsini araşdırırıq.

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Binəqədi rayonu, Cavadxan küçəsində yerləşən çoxmərtəbəli yaşayış binasında partlayış olması barədə ilkin məlumat daxil olub.

Nazirlikdən APA-ya verilən xəbərə görə, məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunub.


Bakı şəhərində Binəqədi rayonunda 18 mərtəbəli binada partlayışda həyatını itirən şəxsin kimliyi məlum olub.

DİN-in mətbuat xidmətindən bakunews.az-ya verilən xəbərə görə, o, polis nəfəri Məhəmməd Babayev olub.

M.Babayev polis bölmələrinin birində sürücü vəzifəsində xidmət edib.

Qeyd edilib ki, FHN-in qüvvələri tərəfindən hadisə yerində müvafiq təhlükəsizlik tədbirləri görülüb, mənzildəki dağıntılarla əlaqədar axtarış-xilasetmə işləri həyata keçirilib. Nazirliyin Xüsusi Riskli Xilasetmə Xidmətinin xüsusi təlim görmüş itləri də cəlb olunmaqla aparılmış axtarış-xilasetmə işləri nəticəsində dağıntılar altında əlavə insan faktoru aşkar olunmayıb.

Hadisə ilə əlaqədar cinayət işi açılıb və hazırda istintaq-əməliyyat tədbirləri davam etdirilir.

İlkin məlumata əsasən, partlayış nəticəsində yanğın hadisəsi baş verməyib.

Bakı şəhəri, Binəqədi rayonu, Cavadxan küçəsində yerləşən çoxmərtəbəli yaşayış binasında vətəndaşa məxsus mənzildə, ilkin ehtimala əsasən, məişət qazının sızması nəticəsində yanğınla müşahidə olunmayan partlayış baş verib və 1 nəfər həlak olub, 2 nəfər xəsarət alıb.


bakunews.az