Çində bir kişi onun beş yaşlı oğlunun atası olmadığını öyrənib və bağçaya qoyub.


bakunews.azmilli.az-a istinadən bildirir ki, bu barədə "South China Morning Post" məlumat yayıb.

Hadisə Quanksi Çjuanq Muxtar bölgəsində baş verib. İyulun əvvəlində kişi uşağı bağçaya aparsa da, axşam saatlarında götürməyib və bir daha onun üçün geri qayıtmayıb. Uşaq aprel ayında müəssisəyə yazdırıldı və əvvəllər ata onu hər gün evə gətirib aparırdı.

Müəllimlər məsələnin nə olduğunu öyrənməyə çalışıb və valideynlərə zəng etməyə başlayıblar. Ana zənglərə cavab verməyib, ata atalıq testi etdiyini bildirib. Nəticə mənfi olub, yəni uşağın bioloji atası başqa kişi olub. Bundan sonra o, oğluna görə məsuliyyət daşımaqdan imtina edib.

Oğlanın yanında qalan çantada müəllimlər yalnız paltar və mobil telefon tapıblar. Mediada adı Syao Juy adına dəyişdirilmiş uşağı polisin tapdığı babası və əmisi qəbul etməyib.

Çen adlı müəllim oğlanın valideynlərinin yaşadığı ünvana getsə də, məlum olub ki, onlar artıq köçüblər. Daha sonra Syao Juyun anası ilə əlaqə saxlanılıb və o, onu ən qısa zamanda götürəcəyinə söz verib, lakin indiyədək bu baş verməyib.

Tərk edilmiş oğlanın hekayəsi Çin sosial mediasında hiddətə səbəb olub. Bəzi istifadəçilər ananı məsuliyyətsizlikdə ittiham edib, bəziləri isə düşünüb ki, bütün qohumlarının uşağı qəbul etməkdən imtina etməsindən sonra əri oğlunu bağçada atıb gedib.

South China Morning Post, Çin qanunlarına görə, uşağı tərk edən şəxsin bioloji atası olmadığı üçün cinayət törətmədiyini açıqlayır. Ancaq övladına qulluq etməkdən imtina edən ana 5 ilə qədər həbs cəzası ala bilər.

bakunews.az