Bərdə RMX-nın direktoru vəzifədən azad edilib? – TƏBİB rəsmisindən AÇIQLAMA
Sosial şəbəkələrin, xüsusilə TikTok platformasının Azərbaycan seqmentində yayılan məlumatlarda Bərdə Rayon Mərkəzi Xəstəxanasının direktoru Vüsal Məmmədovun vəzifəsindən azad edildiyi iddia olunub.
Paylaşımlarda bildirilib ki, TƏBİB-in sədri Anar Bayramovun müvafiq əmri ilə direktor vəzifəsindən uzaqlaşdırılıb və xəstəxanaya yeni rəhbər təyin edilib.
Məsələ ilə bağlı TƏBİB-in İctimaiyyətlə əlaqələr və kommunikasiya departamentinin rəhbəri Elnur Hidayətoğlu sosial şəbəkə istifadəçilərindən birinin sualını cavablandırarkən rəsmi məlumatlara istinad edilməsinin vacibliyini vurğulayıb.
“Rəsmi məlumatlara istinad etməyi tövsiyə edirəm”, – deyə o qeyd edib.
Qeyd edək ki, hazırda Bərdə Rayon Mərkəzi Xəstəxanasının rəhbərliyində dəyişikliklə bağlı TƏBİB tərəfindən rəsmi açıqlama yayılmayıb. Sosial şəbəkələrdə yayılan məlumatların doğruluğu isə təsdiqini tapmayıb.
Əlaqə whatsapp:+994 70 402 02 85
BakuNews.az
