M.M.Seyidovun Azərbaycan Respublikası ədliyyə nazirinin müavini - Penitensiar xidmətin rəisi təyin edilməsi haqqında Azərbaycan Respublikası Prezidentinin Sərəncamı
10 iyul 2023, 11:38
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
Mirsaleh Miradil oğlu Seyidov Azərbaycan Respublikası Ədliyyə Nazirinin müavini - Penitensiar xidmətin rəisi təyin edilsin.
İlham Əliyev
Azərbaycan Respublikasının Prezidenti
Bakı şəhəri, 10 iyul 2023-cü il
Prezident İlham Əliyevin sərəncamı ilə Mirsaleh Miradil oğlu Seyidov Azərbaycan Respublikası Ədliyyə Nazirinin müavini - Penitensiar Xidmətin rəisi təyin edilib.Mirsaleh Miradil oğlu Seyidov 1976-cı ildə Azərbaycanın qədim torpaqlarından olan İrəvanda dünyaya göz açıb. O, 1998-ci ildə Bakı Dövlət Universitetinin Beynəlxalq hüquq və beynəlxalq münasibətlər fakültəsini beynəlxalq hüquq ixtisası üzrə bitirib.
Penitensiar xidmətin Əməliyyat-rejim idarəsinin rəisi vəzifəsini tutan ədliyyə polkovniki M. Seyidov daha əvvəl bir sıra cəzaçəkmə müəssisələrinə rəhbərlik edib. O, 10 və 15 saylı cəzaçəkmə müəssisələrinin rəisi vəzifələrində də çalışıb. 20 noyabr 2018-ci ildə "Dövlət qulluğunda fərqlənməyə görə" medalı ilə təltif edilib.
Qeyd edək ki, Mirsaleh Seyidov bu təyinatadək Penitensiar Xidmətin Əməliyyat-Rejim İdarəsinin rəisi olub.Mirsaleh Seyidov həmin vəzifəyə 2016-cı ilin oktyabrında təyin edilib. O, Ədliyyə polkovnikidir.
Qeyd edək ki, Mirsaleh Seyidov Penitensiar Xidmətin rəisi Ceyhun Əkbər oğlu Həsənovun yerinə təyinat alıb.
BakuNews.Az
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az