Azərbaycan Respublikası Prezidentinin vətəndaşların müraciətlərinə qayğı və həssaslıqla yanaşılması ilə bağlı tapşırıqları Ədliyyə Nazirliyi tərəfindən daim diqqətdə saxlanılaraq onların nazirlikdə, bölgələrdə və müasir İKT-lər tətbiq olunmaqla virtual qəbul məntəqələri vasitəsilə mütəmadi qəbulları keçirilir.
Mayın 16-da Nazirliyin Penitensiar xidmətinin rəhbərliyi tərəfindən paytaxtda, həmçinin Gəncə, Şirvan və Şəki regional ədliyyə idarələri vasitəsilə müxtəlif bölgələrdə yaşayan vətəndaşların videoqəbulu keçirilib.
Videokonfrans formatında təşkil edilmiş qəbulda vətəndaşların Penitensiar xidmətin fəaliyyəti, məhkumları cəzadan şərti olaraq vaxtından əvvəl azad etmə institutunun tətbiqi və digər məsələlərlə bağlı müraciətləri dinlənilib, qaldırılan məsələlərin bir qismi yerindəcə həll olunub, qanunvericiliyin tələbləri ətraflı izah olunub, digər müraciətlər zəruri tədbirlərin görülməsi üçün nəzarətə götürülüb.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az