Bu gün – 9 sentyabr, Azərbaycan təhsilinə ömrünü həsr etmiş, fədakar pedaqoq, dəyərli təhsil təşkilatçısı, Abşeron-Xızı Regional Təhsil İdarəsinin rəhbəri İlhamə Abdullayevanın doğum günüdür!

O, 9 sentyabr 1977-ci ildə dünyaya gəlib və həyat yolunu müəllimlikdən başlayaraq böyük bir zirvəyə doğru inamla addımlayıb. Riyaziyyat müəllimi kimi minlərlə şagird yetişdirib, sonrakı illərdə isə təhsilin idarə olunmasında öz sözünü deyən rəhbərlərdən birinə çevrilib.

İlhamə xanım həm sinif otağında müəllim, həm də dövlət idarəçiliyində rəhbər kimi öz dəsti-xəttini göstərib. Onun əməyinə verilən qiymət – “İlin ən yaxşı müəllimi” fəxri adı və Tərəqqi medalı ilə təsdiqlənib.

Hazırda isə o, Abşeron-Xızı bölgəsində təhsilin inkişafına rəhbərlik edir.

Və diqqət edin – bir çox rəhbərlər hətta iş günlərində belə öz kabinetlərində çətin tapıldığı halda, İlhamə Abdullayeva doğum günündə belə iş otağındadır! Çünki onun üçün doğum günü, bayram günü, adi gün – fərqi yoxdur. Onun ən böyük dəyəri – dövlətə, təhsilə və övladlarımızın gələcəyinə xidmətdir.

Biz də bu müqəddəs missiyanı ləyaqətlə daşıyan İlhamə xanımı səmimi qəlbdən təbrik edir, ona möhkəm can sağlığı, ailə səadəti və gələcək fəaliyyətində daha böyük uğurlar arzulayırıq!

🎉 Doğum gününüz mübarək, İlhamə xanım! 🎉