Xaçmazda Respublika Fənn Olimpiadasının rayon turu keçirilib. RFO-nun rayon turu Xaçmaz şəhər Akademik Zərifə Əliyeva adına 8 nömrəli Liseydə və Xaçmaz şəhər Cəfər Cabbarlı adına 6 nömrəli tam orta ümumtəhsil məktəbində təşkil olunub.

Lakin proses zamanı diqqət çəkən maraqlı bir nüans ortaya çıxıb. Məlumata görə, hazırda 57 saylı Xaçmaz şəhər seçki dairəsində çalışan Fikrət Heybətovun Cəfər Cabbarlı adına 6 nömrəli məktəbdə keçirilən imtahanda nəzarətçi qismində iştirak etdiyi görünür.

Bu fakt bir sıra haqlı suallar doğurur. Əgər Məktəbəqədər və Ümumi Təhsil üzrə Dövlət Agentliyi Fikrət Heybətovun müqaviləsini uzatmayıbsa, o hansı hüquqi əsasla Quba–Xaçmaz Regional Təhsil İdarəsinin əməkdaşı kimi imtahan prosesinə cəlb olunub? Əgər müqavilə uzadılıbsa, bu barədə niyə ictimaiyyətə açıq və rəsmi məlumat təqdim edilməyib?

Bundan əlavə, müqavilənin uzadılması ehtimalı nəzərə alınsa belə, İnzibati Təşkilat Sektorunun müdiri hansı normativ sənədə əsaslanaraq Respublika Fənn Olimpiadasında nəzarətçi funksiyasını yerinə yetirib?

Qeyd olunan məqamların aydınlaşdırılması həm şəffaflıq, həm də imtahanların obyektivliyi baxımından ictimaiyyət üçün mühüm əhəmiyyət daşıyır.

Bakunevs.az müstəqil xəbər portalı olaraq araşdırmalarımız davam edir və qarşı tərəfin mövqeyini işıqlandırmağa hazırıq.