Diqqətə çatdırmaq istəyirik ki, bir müddət əvvəl Xebermedia.info xəbər portalında yayımlanan məlumatda bir sıra məqamlar sual doğurmuşdu. Apardığımız qısa araşdırma nəticəsində əldə etdiyimiz məlumatları oxuculara çatdırmaq məqsədilə həmin araşdırmanı olduğu kimi təqdim edirik.

BNTv.az olaraq hesab edirik ki, ortaya çıxan məlumatların ictimaiyyətə təqdim olunması ilə yanaşı, aidiyyəti qurumların məsələ ilə bağlı ciddi araşdırma apararaq müvafiq tədbirlər görməsi vacibdir.

Xaçmaz rayon 2 saylı körpələr evi–uşaq baxçasının direktoru Həmayil İsgəndərova ilə bağlı ciddi iddialar gündəmdə qalmaqda davam edir. Baxçada qida çatışmazlığı, mənimsəmə və digər qanun pozuntuları ilə bağlı faktların ortaya çıxmasına baxmayaraq, məsul şəxsin bu günədək hər hansı ciddi məsuliyyətə cəlb olunmaması suallar doğurur.

İddialara görə, müəssisədə baş verən pozuntularla bağlı müəyyən araşdırmalar aparılsa da, nəticələrin hüquqi müstəviyə çıxarılması müxtəlif səbəblərdən mümkün olmayıb. Məlumatlarda qeyd olunur ki, bu prosesdə “görünməz təsir mexanizmləri” rol oynayıb və məsələ hüquq-mühafizə orqanları səviyyəsində ört-basdır edilib.

Məsələnin diqqət çəkən tərəflərindən biri də Həmayil İsgəndərovanın sabiq Regional Maliyyə İdarəsinin rəisi Nizami Həsənovun bacısı olması ilə bağlıdır. İddialara görə, məhz bu qohumluq əlaqələri uzun müddət onun fəaliyyətinə göz yumulmasına şərait yaradıb. Maraqlıdır ki, Nizami Həsənov artıq vəzifədə olmasa da, direktorun hələ də müəyyən dairələr tərəfindən qorunduğu bildirilir.

Fikrət Heybətovun isə uzun müddət direktorun fəaliyyətinə dəstək verən şəxslərdən biri olduğu iddia edilir.

Cəmiyyəti düşündürən suallar isə açıq qalır:

- Baxçada baş verən qanun pozuntuları niyə tam araşdırılmır?
- Kimlər və hansı maraqlar bu məsələnin üstünün örtülməsində rol oynayır?
- Uşaqların qidalanması və rifahı ilə bağlı problemlərə kim cavabdehlik daşıyır?

Mövzu ilə bağlı aidiyyəti qurumların rəsmi mövqeyi isə hələ ki açıqlanmayıb.

Bir müddət əvvəl mediada bu məsələ ilə bağlı xəbərlər yayılsa da, təəssüf hissi ilə qeyd olunur ki, baxça müdirəsinin cəzasız qalmasında yenə də Fikrət Heybətov amilinin rol oynadığı iddia edilir.

Məsələ ilə bağlı araşdırma apararkən məlum olub ki, Həmayil İsgəndərova, qardaşı Nizami Həsənovun vəzifədə olduğu dönəmdə ən yaxın münasibətdə olan şəxslərdən biri məhz Fikrət Heybətov olub. Elə Nizami Həsənovun baldızının işdən çıxarılması prosesində də Fikrət Heybətovun rolunu danmaq olmaz.

Qeyd edək ki, redaksiyamıza təqdim edilən sənəddə Fikrət Heybətov qeyd edir ki, “səhv bizimdir, çalışacağıq səhvimizi düzəldək”. İddialara görə, səhvi “düzəltmək” üçün ilk növbədə Nizami Həsənovun baldızının 9 saylı məktəb rəhbərliyindən uzaqlaşdırılması istiqamətində addımlar atılıb.

10 mart 2023-cü il tarixli izahatı olduğu kimi təqdim edirik:

“2022-2023 tədris ilinin əvvəlində Xaçmaz şəhər 9 nömrəli tam orta məktəbində oxuyan şagirdlərin valideynləri tərəfindən məktəbdə təsərrüfat müdiri işləyən Şöhrət Rəhimov tərəfindən onlara qarşı kobud rəftar edilməsi barəsində şikayət etmişdirlər. Bununla bağlı məktəbdə təhsil sektorunun əməkdaşları ilə araşdırmalar aparılmışdır. Nəticədə məlum olmuşdur ki, məktəbin işçiləri tərəfindən valideynlərlə münasibətlərdə etik davranış qaydalarına əməl olunmur. Bu barədə məltəbin pedaqoji və texniki işçiləri ilə söhbətlər aparılmış, bir daha belə halların baş verməməsi onların nəzərinə çatdırılmışdır.

Tədris ilinin əvvəlində müəllimlərin dərs bölgüsündə diaqnostik ballara görə dərslərin və yaranmış vakansiyalar üçün təqdimatların təhsil sektoruna təqdim olunmasını tələb etsəkdə məktəbin direktoru Tünzalə Salahova bilərəkdən qanunun tələblərini pozaraq vakansiyaları gizlətmişdir.

Məktəbin sənədləşmə işlərində ciddi çatışmazlıqların olduğunu nəzərə alaraq təhsil sektorunun əməkdaşları tərəfindən metodik köməklik göstərilmişdir. Lakin məktəbin direktoru vəzifə səlahiyyətlərinin icrasına səhlənkar formada yanaşmış , göstərilən tövsiyyələri icra etməmişdir.

Məktəbin direktoruna dəfələrlə məktəbdənkənar və sinifdənxaric tərbiyyə işləri üzrə təşkilatçı vəzifəsində işləyən Məcidova Ellada Vahab qızının şikayətlərini dinləmək və ədalətli qərar qəbul etmək tövsiyyə olunsa da, o, bu məsələdə birtərəfli mövqe tutmuş, ədalətsiz qərarlar qəbul etmişdir.

Qeyd olunan nöqsanlar barəsində Tünzalə Salahovanın izahatları alınmış, öz işində dönüş yaratmağı tövsiyyə olunmuşdur. Lakin bizim tövsiyyələrimizə məhəl qoymayaraq öz qanunsuz əməllərini davam etdirmişdir.

Qeyd olunan çatışmazlıqların baş verməsinə səbəb bizim zəif nəzarət etməyimiz olmuşdur. Bir daha belə halların ümumtəhsil məktəblərində baş verməməsi üçün öz işimdə dönüş yaradacağıma söz verirəm.

Kənar müdaxilə olmadan izahatı özüm yazdım, imzamla təsdiq edirəm.”

Daha sonra isə, izahatda qeyd etdiyi kimi, yüksəlişə doğru ilk addımlarını atdığı bildirilir. Belə ki, Fikrət Heybətov baş məsləhətçi vəzifəsindən Xaçmaz sektoruna müdir müavini təyin olunur.

Onun müdir müavini vəzifəsinə gətirilməsində əvəzsiz xidməti olduğu deyilən İnqilab Musayevi, özünə oğlu Əfsun Musayevi özünə sürücü gətirməsi məsələsini əlaqələri olan jurnalistlərə ötürərək mediada böyük səs-küy yaradılmasına səbəb olan Fikrət Heybətovun, daha sonra Xaçmaz Təhsil Sektoruna rəhbər əvəzi təyin olunaraq İnqilab Musayevi uğurla yola saldığı iddia olunur.

Ardınca isə “görünməyən əllərin” dəstəyi ilə Fikrət Heybətovun Siyəzən Təhsil Sektoruna rəhbər təyin edildiyi bildirilir.

İddialara görə, Fikrət Heybətovun Nizami Həsənovla əlaqələri və Həmayil İsgəndərovanı qorumaq istiqamətində göstərdiyi fəaliyyət onun karyera yüksəlişində mühüm rol oynayıb. Lakin qeyd olunur ki, zaman keçdikcə həmin münasibətlərdə də qarşılıqlı narazılıqlar yaranıb.

Məlumatlarda həmçinin iddia olunur ki, Fikrət Heybətov Regional Təhsil İdarəsində inzibati sektor müdiri olduğu dövrdə də 2 saylı baxça rəhbərinin qanun pozuntularına görə məsuliyyətdən yayınmasına yardım edib.

Bakunews olaraq qeyd edirik ki, yazıda yer alan bütün iddialarla bağlı qarşı tərəfin mövqeyini dərc etməyə hazırıq. Aidiyyəti qurumların və adı hallanan şəxslərin açıqlamalarını yayımlamağa hazır olduğumuzu bildiririk.