Bu dəfə sizə, adı "Nurlu Karqo" olan, amma nursuz işlərlə məşğul olan daşınma şirkəti haqqında danışacağıq. Haqlı etiraz edən müştərini, şirkət, elə bir şeylə təhdid edib ki, xaotik Azərbaycan karqo bazarı, hələ indiyəqədər belə absurdluğu, nihilizmi görməmişdi!

Adəti üzrə karqodan edilən şikayətlər belədir ki, 1 müştərinin yalnız 1 şikayəti olur, lakin necə olubsa, sözügedən karqo, 1 müştərinin başına 3 dəfə oyun gətirib! Özü də, cəmi 4 ay kimi qısa müddətdə!

Dərhal mətləbə keçək.

1-Cİ ÖZBAŞINALIQ: Binəva müştəriyə, “Nurlu Karqo”nun yaşatdığı ilk şok, bu ilin may ayında baş verib. Belə ki, müştəri, bağlamasının anbara gəldiyini görəndə, qiymətinin, vəd olunandan fərqli cür hesablandığını görüb.

Belə ki, may ayında rəsmi saytda elan edilən tarifdə, (şəkildə gördüyünüz kimi) 1-5kq arası üçün xidmət haqqı, 6 azn olduğu halda, karqo, 9 azn-dən hesablayıb.

Edilən etiraza isə şirkət belə bir gülünc və absurd cavab verib ki, saytdakı tarif yox, instaqramdakı tarif əsasdır! (skrinləri qeyd edirik)

Xatırladaq ki, eyni qanun pozuntusu üzrə, 2023-cü ilin oktyabrında “Antiinhisar”, məhkəməyə müraciət edərək, “Bahar Karqo”nu cəzalandırmışdı.


Müştəri, qanuna riayət olunmasını və “Antinhisar”a şikayət ünvanlayacağını bildirdikdə isə, nəyəsə arxayın şəkildə, qurumu “veclərinə almadıqlarını” ifadə ediblər!

Bu, birinci və çox aşkar qanun pozuntusu.

Keçək “Nurlu Karqo”nun eyni müştəriyə yaşatdığı ikinci özbaşınalığa.

2-Cİ ÖZBAŞINALIQ: Sözügedən şirkətlə bağlı yaşanılan ikinci pozuntu isə, təqdim etdikləri bağlamanın, sınmış və istifadəyə yararsız hala salınması ilə bağlı olub. Belə ki, french press adlanan (bitki dəmliyi) məhsul, ikiqat qutu ilə əhatə olunduğu halda, necəsə sınmış vəziyyətdə olub!

Şirkət rəsmisi, təbii ki yenə də məsuliyyəti boynundan atmağa çalışıb, bağlamaya görə heç bir halda məsuliyyət daşımadıqlarını bildirib. (Burda, çox mühüm bir məqamı qeyd etməliyik: müştəri bildirir ki, şirkətin “Neftçilər” filialının əməkdaşlarının, bağlamaları, top kimi bir-birilərinə tullamalarını sayıq tərpənərək, həftələr öncə kameraya çəkib. Həmin görüntüləri, “Antiinhisar”ın cavabından sonra ictimailəşdirməyi düşünür)

Onu da əlavə edək ki, “Nurlu Karqo”nun müştəriyə qırıq şəkildə təhvil verdiyi məhsulun qutusunun üzərində, “Trendyol”un “DİKKAT KIRILIR!” yazısı mövcud olub, yəni xüsusi xəbərdarlığa baxmayaraq, yenə də baglama ilə ehtiyatsız davranılıb!


Keçək “Nurlu Karqo”nun müştəriyə yaşatdığı 3-cü “ekstrim”ə.

3-CÜ ÖZBAŞINALIQ: Sözügedən karqo şirkəti, görünür ki, müştəriyə yaşatdığı “həyəcan”ı az hesab deyə, bu dəfə bağlamaları müştəridən gizlədib və deyib ki, “tap, görüm, hardadır”! Yəni, bu dəfəki problem, bağlamaların təhvil verilməsi, daha doğrusu, verilməməsi ilə bağlı olub!

Belə ki, iyul ayının ortalarında smart customs-da qeydiyyat olunan 3 bağlama, 1 aya yaxındır ki, hələ də müştəriyə təslim edilməyib və şirkət, min cür bəhanələrlə məsuliyyəti üzərindən ataraq, “bu gün gətiriləcək, sabah gətiriləcək” deyə-deyə “yola verir”. Müştəri, vəziyyətlə barışmayb, etiraz etdikdə isə şirkət, daha bir absurdluğa yol verərək, müştərini "arzuolunmaz" elan edib və hesabını bloklayacağını bildirib.(!) Bu da, o deməkdir ki, yolda olan bağlamalar və hesabda olan vəsaitlər, avtomatik olaraq ləğv olunur!

“Nurlu Karqo”, müştərinin problemlərini həll etməyin, deyəsən, ən rahat yolunu tapıb!


Yekun: “Nurlu Karqo” adlanan daşınma şirkəti, görünür ki, nəyəsə və kiməsə çox arxayındır ki, özbaşınalıq rekordu qırmaqla məşğuldur. Karqo, bu açıq sübutlardan sonra, çıxıb heç bir izah verə, bəhanə gətirə bilməz. Bəlkə də, yoxa çıxartdığı 3 bağlamanı, məsələn küləyin apardığını yaxud da cinlərin ələ keçirdiyini söyləyə bilər, lakin vəd olunan tarifdən başqa cür hesablanmanın izahını heç cür verə bilməz!

_______________

P.S. Müştəri, bir neçə gündür ki, rəsmi şəkildə "Antiinhisar"a şikayət ünvanlayıb. Əgər keçən ilin oktyabrında edilən eyni qanunsuzluğa görə “Bahar Karqo”ya sanksiya tətbiq edilibsə, məntiqlə, “Nurlu Karqo”ya da, eyni sanksiya tətbiq edilməlidir. Bu, baş verməsə, artıq “Nurlu Karqo”nun arxayınçılığının, heç də SƏBƏBSİZ OLMAMASI bəlli olacaq!

Hər halda məsələnin təqibçisi olacağıq.

MÖVZUYLA BAĞLI HAZIRLANAN SUJETİ DƏ TƏQDİM EDİRİK:

                                  May ayındakı sözügedən tarif



Müştərinin bağlamalarının qiymətinin səhv hesablanmasının sübutu



Tariflə bağlı, müştəriyə, şirkətin verdiyi gülməli izah




2 qutuda olduğu halda, necəsə, sınıq gətirdikləri bağlama!


"Buxarlanan" 3 bağlama!



Və nəhayət....MÜŞTƏRİYƏ EDİLƏN TƏHDİDİN SÜBUTU!


Burdan isə bir sual yaranır Nurlu Kargo hansı səlahiyyət sahibidir vətəndaşın şəxsi hesablarına blok qoydurmaq gücünü idarə edə bilir?

Məsələ ilə bağlı adı çəkilən şəxs və ya qurumların mövqeyn dinləməyə hazırıq. ARAŞDIRMAMIZ DAVAM EDİR.