Sumqayıtda qəhrəmanın adına layiq olmayan MƏNZƏRƏ
Vətən müharibəsi qəhrəmanı şəhid polkovnik-leytenant Ramiz Cəfərovun adını daşıyan küçə acınacaqlı vəziyyətdədir.
Bakunews.az xəbər verir ki, Sumqayit24.az-a müraciət edən sakinlər bildiriblər ki, Sumqayıtın strateji nöqtələrindən birində, Dəmiryol Vağzalının yaxınlığında yerləşən bu yol uzun müddətdir baxımsız qalıb. Küçə saysız-hesabsız çala-çuxurlar, dağılan asfalt və bərbad infrastrukturdan ibarətdir. Yağış yağan kimi ərazi palçıq və gölməçələrlə örtülür, nəticədə həm piyadaların, həm də sürücülərin hərəkəti faktiki olaraq əzaba dönür. Avtomobillər sıradan çıxır, insanlar isə palçığın içində yol axtarır.
Vətəndaşlar aidiyyəti qurumlardan söz yox, real addımlar gözləyirlər. Bu küçə kosmetik yamaq yox, əsaslı təmir tələb edir.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
