Zelenski: Rusiyanın neft bazalarına yeni zərbələr endirilib
Ukrayna Prezidenti Volodimir Zelenski Rusiya ərazisindəki obyektlərə endirilən uzaqmənzilli zərbələrin Rostov vilayətindəki ixrac terminalını, eləcə də Yaroslavl vilayəti və Udmurtiya Respublikasındakı neft obyektlərini vurmağa imkan verdiyini təsdiqləyib.
Bu barədə Ukrayna lideri özünün "Telegram" kanalında məlumat verib.
Zelenskinin sözlərinə görə, iyulun 27-nə keçən gecə Ukraynanın uzaqmənzilli vasitələri Rostov vilayətində cəbhə xəttindən təxminən 250 kilometr məsafədə yerləşən ixrac terminalını vurub.
O qeyd edib ki, Ukraynanın dövlət sərhədindən təxminən 1300 kilometr aralıda yerləşən Yaroslavl vilayəti və Udmurtiya Respublikasındakı neft obyektlərinə də analoji zərbələr endirilib.
"Uzaqmənzilli fəaliyyət planını həyata keçiririk və Rusiyanın müharibəni maliyyələşdirmək imkanlarını azaldırıq", - Zelenski vurğulayıb.
Əlaqə whatsapp:+994 70 402 02 85
BakuNews.az
