Daxili İşlər Nazirliyinin əməkdaşları tərəfindən martın 11-də həyata keçirilən əməliyyat tədbirləri nəticəsində bir sıra hüquqazidd hallar aşkar edilərək qarşısı alınıb.

Daxili İşlər Nazirliyinin Mətbuat Xidmətindən Bakunews.az-a verilən məlumata görə, polis əməkdaşlarının keçirdiyi əməliyyatlar zamanı dələduzluğa görə axtarışda olan 18 nəfər saxlanılaraq istintaqa təhvil verilib. Hazırda faktla bağlı araşdırmalar aparılır.

Hüquq-mühafizə orqanlarının əməkdaşları narkotik vasitələrin qanunsuz dövriyyəsinə qarşı mübarizə çərçivəsində həyata keçirdikləri əməliyyat tədbirləri zamanı ümumi çəkisi 15 kiloqramdan artıq narkotik vasitə, eləcə də 69 ədəd metadon həbi aşkarlayaraq götürüblər.

Bundan əlavə, DİN əməkdaşları tərəfindən martın 11-də paytaxt və respublikanın ayrı-ayrı rayonlarında qanunsuz saxlanılan odlu silah-sursatın aşkarlanması istiqamətində əməliyyat və profilaktik tədbirlər keçirilib. Nəticədə:

8 avtomat silahı,

3 tapança,

3 qumbara,

35 tüfəng,

3 patron darağı,

187 müxtəlif çaplı patron aşkarlanaraq götürülüb.


Daxili İşlər Nazirliyi bildirir ki, hüquq-mühafizə orqanları cinayətkarlığa və qanunsuz fəaliyyətə qarşı qətiyyətli mübarizəni davam etdirəcək.