Gənc Qazilər Birliyinin sədri Hacı Vəliyev saxlanılıb.

“Bakunews.az” Gununsesi.info-ya istinadən xəbər verir ki, bu barədə məlumatı onun yaxınları verib.

H. Vəliyevin dünən gecə saatlarında Bakı Şəhər Baş Polis İdarəsinin əməkdaşları tərəfindən saxlanıldığı bildirilib.

Məlumatı DİN Mətbuat xidmətinin bölmə rəisi Nurlan Əliyev “Qafqazinfo”ya təsdiqləyib. O bildirib ki, Hacı Vəliyev barəsində olan cinayət işi ilə əlaqədar saxlanılıb. İstintaq hərəkətləri davam etdirilir.

Qeyd edək ki, “Gənc Qazilər Birliyi” adlı QHT dövlət qeydiyyatına alınmayıb. Hacı Vəliyev özünü qanunsuz fəaliyyət göstərən bu təşkilatın “sədr”i kimi təqdim edir.

***

Hacı Vəliyev Cinayət Məcəlləsinin 221-ci (Xuliqanlıq) maddəsi üzrə ittiham olunur.

***
15:07

"Gənc Qazilər" İctimai Birliyinin sədri Qazi Hacı Vəliyev hal-hazırda Xətai Rayon Məhkəməsinə gətirilib.

Hacı Vəliyev barəsində 22 gün müddətinə həbs qətimkan tədbiri seçilib.

O, Cinayət Məcəlləsinin 221.3-cü və 186.1-ci maddələri ilə ittiham olunur.