Xəbər verdiyimiz kimi, Bakıda fəaliyyət göstərən mebel şirkəti "Birmarket" mağazalar şəbəkəsi ilə əməkdaşlıq zamanı ciddi problemlərlə üzləşdiklərini iddia edib. Şirkətin redaksiyamıza müraciət edən təmsilçisi Fuad Mirzəyev bildirib ki, bir ildən çox davam edən əməkdaşlıq müddətində geri qaytarılan məhsulların sayı artıb. Problem ondan yaranıb ki, ki, müştərilər tərəfindən sınıq və zədələnmiş mebellərlə bağlı şikayətlər çoxalıb.

Şikayətçinin bildirdiyinə əsasən, vəziyyətin səbəbini araşdırmaq üçün anbara baş çəkərkən dəhşətli vəziyyətin şahidi olub. Belə ki, məhsulların daşınma və saxlanma şəraiti qənaətbəxş və qaydalara uyğun olmayıb. Onun iddiasına görə, mebellər uyğun qaydada daşınmadığı üçün zədələnib və nəticədə yararsız vəziyyətə düşüb. Müştərilər də bundan narazılıq edərək məhsulları geri qaytarıb. Bu isə şirkəti böyük maddi zərərə salıb və fəaliyyətini dayandırmasına səbəb olub. Şikayətçi, həmçinin qeyd edib ki, sonradan heç bir rəsmi səbəb göstərilmədən onların əməkdaşlığı dayandırılıb və şirkətin əlaqə saxlamaq cəhdləri nəticəsiz qalıb. Belə ki, "Birmarket" mebel şirkətini "qara siyahı"ya salıb, əlaqə yaradılmasına imkan vermir.

Beləliklə, həm də şirkətə dəyən ziyanı kompensasiya etməkdən yayınır.

Artıq bu fəaliyyətin nəticəsində şirkətə dəyən ziyan da hesablanıb. Belə ki, Fuad Mirzəyevin sözlərinə görə, ziyan 71 manat dəyərləndirilir: “İslədiyimiz dovr hesablansa, 71 min manat ziyan var. 30 min manat da təzminat olarsa, ümumilikdə 90 min manat edir”.

Hazırda şirkətin fəaliyyətinin tam dayandığını deyən həmsöhbətimiz bildirib ki, kuratorla bu barədə əvvəllər müzakirə edib: “Bizim kuratorumuz Aslan Aslanov idi. Ancaq fəaliyyətindən narazı olduğumuza görə ondan imtina etdik. Ancaq bizə problemlər yaratmağa davam edirdi, hətta kurator başqa adam olanda da, bizə qarşı qərəzli davrandı. Aslan Aslanun rəhbəri Vitali Senatorov idi, Fuad Zakirayev isə anbar müdiri idi. Bizim bütün fəaliyətimiz əngəlləndi, Fuad Zakirayevə dəfələrlə Aslan Aslanovun fəaliyətindən narazılığımızı bildirdik, ancaq nəticəsi olmadı. Müştərilərlə yazışmalardan da aydın olur ki, bizim məhsullardan imtinaya sövq ediliblər”.

Şikayətçi məsələ ilə bağlı aidiyyəti qurumlara, o cümlədən Antiinhisar və İstehlak Bazarına Nəzarət Dövlət Agentliyinə müraciət edəcək. (Bakufakt.az)

Səsləndirilən iddialarla bağlı qarşı tərəfin mövqeyini dərc etməyə hazırıq.