Bloqer Nail Kəmərlinin Bakının "Papanin” və "Xutor” adlanan ərazilərində narkomaniyanın yayılması ilə bağlı hazırladığı süjetdə "Narkomanlara böyük hörmətim var” deyən şəxs saxlanılıb.

bakunews.az qaynarinfo-nun istinadən məlumatına görə, Daxili İşlər Nazirliyin yaydığı məlumatda deyilir ki, "Xutor”da narkotik vasitələrin qanunsuz dövriyyəsi ilə məşğul olan daha 13 nəfər saxlanılıb. Nərimanov Rayon Polis İdarəsinin 16-cı Polis Bölməsinin əməkdaşlarının həyata keçirdikləri növbəti əməliyyat tədbiri nəticəsində rayonun Şimal şitilliyi ("Xutor”) adlanan ərazisində narkotik vasitələrin qanunsuz dövriyyəsində şübhəli bilinən daha 13 nəfər müəyyən olunaraq saxlanılıb.

Bu şəxslərdən 10-u barəsində Nərimanov RPİ-nin İstintaq Şöbəsində Cinayət işi başlanılıb.

Digər 3 şəxs isə qanunvericiliyə uyğun olaraq inzibati məsuliyyətə cəlb olunub.

Aşkar olunan hər bir faktla bağlı araşdırmalar davam etdirilir.

Saxlanılan şəxslər arasında Nail Kəmərlinin "Xutor” adlanan ərazilərində narkomaniyanın yayılması ilə bağlı hazırladığı süjetdə yer alan şəxs də var.

O, açıqlamasında bildirib ki, onun narkomanlara böyük hörməti var: "Amma yaxşılarına. Çünki onların arasında yaxşı kişilər var. "Redki" də olsa var. Adam var, ondan uzaqdır, amma min dənə mərdiməzarçılıq edir. Mən insanları yaxşı tanıyıram. Allah bizə o ayıq-sayıqlığı verib. Görürəm bir təhər yanaşırlar narkomanlara. Deyirlər, 313 nəfər gələcək ha, onların arasında narkoman da olacaq. Zato imanlı adamlardır”.

Nail Kəmərlinin "bəs narkotik satanlar necə adamlardır" sualına isə saxlanılan şəxs belə cavab verib: "Bax onlar "deşovu” adamlardır. Onlara münasibətim pisdir”.

Yayımlanan sujetdə saxlanılan şəxsin müsahibəsini 32 dəqiqə 43-cü saniyədən sonra izləyə bilərsiniz.



bakunews.az